Tofiq Vəliyev

Vikipediya, açıq ensiklopediya
Keçid et: naviqasiya, axtar
Tofiq Vəliyev
Vəliyev Tofiq Talış oğlu
Tofiq Vəliyev.jpg
Doğum tarixi: 1934(1934-05-00)
Doğum yeri: Kürdlər, AğdamFlag of the Azerbaijan Soviet Socialist Republic.svg Azərbaycan SSR
Vəfatı: 2014
Vətəndaşlıq: Flag of the Azerbaijan Soviet Socialist Republic.svg Azərbaycan SSRFlag of Azerbaijan.svg Azərbaycan
Elm sahəsi: Tarix
İş yeri: BDU
Elmi dərəcəsi: Tarix elmləri doktoru
Elmi vəzifəsi: Professor
Təhsili: BDU-nun Tarix fakültəsi
Mükafatları: "Şöhrət" ordeni (2009)

Tofiq Vəliyev (azərb. Vəliyev Tofiq Talış oğlu d. may 1934, Ağdam, Azərbaycan) — tarix elmləri doktoru, Bakı Dövlət Universiteti «Slavyan ölkələri tarixi» kafedrasının müdiri, "Şöhrət" ordeni laureatı.

Həyatı[redaktə | əsas redaktə]

Vəliyev Tofiq Talış oğlu 1934-cü ilin may ayında Ağdam rayonunun Kürdlər kəndində müəllim ailəsində anadan olumuşdur. 1948–1951-ci illərdə Ağdam Pedaqoji texnikumunda təhsil almışdır. Təhsilini bitirdikdən sonra 1951–1952-ci tədris ilində Yevlax rayonunun Qoyunbinəsi kəndində müəllim işləmişdir. 1953–1958-ci illərdə Bakı Dövlət Universitetinin Tarix fakültəsində oxumuş, təhsilini başa vurduqdan sonra təyinatla AMEA Tarix İnstitutuna göndərilmişdir. 1958–1990-cı illərdə AMEA Tarix institutunda işləmişdir. 1960–1963-cü illərdə İnstitutun əyani aspiranturasında təhsil almışdır.

1990-cı ildə müsabiqə yolu ilə BDU-nun Tarix fakültəsinə professor vəzifəsinə keçmişdir. 1993-cü ildən bu günədək fakültənin «Slavyan ölkələri tarixi» kafedrasının müdiri vəzifəsində işləyir.

Elmi fəaliyyəti[redaktə | əsas redaktə]

1966-cı ildə «XX əsrin əvvəllərində Azərbaycanın ipək emalı sənayesi» mövzusunda namizədlik dissertasiyasını müdafiə etmişdir. 1970-ci ildə Peterburqda (Leninqrad) keçirilmiş "Dünya iqtisadi tarixi" və həmin ildə Moskvada təşkil edilmiş "XII beynəlxalq tarix konqres"lərində iştirak etmişdir. 1986-cı ildə «XX əsrin əvvəllərində Azərbaycanın sənayesi və proletariatı» mövzusunda isə doktorluq dissertasiyası müdafiə etmişdir.

"XIX əsr–XX əsrin əvvəllərində Azərbaycan iqtisadiyyatında kapitalist münasibətlərinin inkişafı və eyni dövrdə Şərqi Slavyan ölkələrinin tarixi" sahəsində tədqiqatlar aparır. 160-dan çox məqalənin, 5 monoqrafiyanın, orta və ali məktəblər üçün 14 dərslik və dərs vəsaitinin müəllifidir. 8 elmlər namizədi və 2 elmlər doktoru hazırlamışdır.

Seçilmiş əsərləri[redaktə | əsas redaktə]

  • XX əsr Azərbaycan tarixi (ali məktəblər üçün dərslik). Bakı, 2004.
  • Azərbaycan tarixi suallarda və cavablarda (dərs vəsaiti I hissə). Bakı, 2004.
  • Azərbaycan tarixi suallarda və cavablarda (dərs vəsaiti II hissə). Bakı, 2004.
  • Ümumdünya tarixi suallarda və cavablarda (dərs vəsaiti, II hissə). Bakı 2004.
  • Ümumdünya tarixi suallarda və cavablarda (dərs vəsaiti, III hissə). Bakı 2004.
  • Slavyan ölkələri tarixi. Ümumi kursun proqramı. Bakı 2004.
  • Slavyan ölkələri tarixi magistr kursunun proqramı. Bakı 2008.
  • XIX əsrin axrları XX əsrin əvvəllərində Rusiya və Azərbaycan iqtisadiyyatının inkişafı – Bakı Universitetinin «Xəbərləri (humanitar seriya)». Bakı, 2008, №3

İstinadlar[redaktə | əsas redaktə]

Həmçinin bax[redaktə | əsas redaktə]