Tokiva-so
| Tokiva-so | |
|---|---|
| トキワ荘 | |
 3D görüntüsü. | |
 | |
| Ümumi məlumatlar | |
| Status | sökülüb |
| Ölkə | |
| Şəhər | Toşima, Tokio |
| Koordinatlar | 35°43′47″ şm. e. 139°41′14″ ş. u. |
| Açılma | 6 dekabr 1952 |
| Sökülüb | 29 noyabr 1982 |
| Texniki detallar | |
| Mərtəbə sayı | 2 |
 Vikianbarda əlaqəli mediafayllar | |
Tokiva-so (トキワ荘?) – Yaponiyanın Tokio şəhərinin Toşima rayonunda keçmiş mənzil binası. 1960-cı illərdə Osamu Tezuka kimi bir sıra məşhur manqakalar bu binada yaşadığı üçün manqa fanatları arasında məşhur yerə çevrilmişdir. Bina 1982-ci ildə sökülsə də, yerində manqa muzeyi tikilmişdir.
Tarixi[redaktə | mənbəni redaktə et]
Tokiva-sonun açılışı 6 dekabr 1952-ci ildə baş tutmuşdur.[1] Həmin dövrdə binanın aylıq kirayə haqqı 3000 yen təşkil edirdi.[1] 1953-cü ildə "manqanın atası" hesab olunan Osamu Tezuka bu binada yaşamağa başlamışdır.[1] Tezliklə başqa tanınmış manqakalar onu izləyərək bu binaya köçmüşdürlər.[1]
Tezuka 1954-cü ildə Zoşiqayada yerləşən Namiki evinə köçsə də, digər manqakalar bu binada yaşamağa davam etmişdirlər.[1] Onlar Hiro Teradanın başçılığı altında "Yeni Manqa Partiyası" adlı manqaka qrupu yaratmışdırlar.[1] Tezliklə bina "manqakaların Şanqri-Lası" ləqəbi ilə tanınmağa başlamışdır.[1]
Muzey və əlaqəli tikililər[redaktə | mənbəni redaktə et]
Orijinal bina 1982-ci ildə sökülsə də, manqa fanatları bu yerə maraq göstərməyə davam etmişdirlər və nəticədə, 7 iyul 2020-ci ildə burada Toşima Şəhər Tokiva-so Manqa Muzeyi açılmışdır.[1] Orijinal binanın replikasından ibarət olan muzeydə 1950 və 1960-cı illərin şəraiti yaradılmağa çalışılmışdır.[1] Replika "Tanseisha" memarlıq şirkəti tərəfindən dizayn edilmişdir.[1] Orijinal binanın sxemləri itdiyi üçün replika şəkillər və müsahibələr əsasında yaradılmışdır.[1] Ziyarətçilər məşhur manqakaların otaqlarını ziyarət edə bilərlər.[1]
Toşima Minami-Naqasaki Tokiva-so Əməkdaşlıq Layihəsi Assosiasiyasının üzvlərindən biri olan Koyde Mikio öz saat mağazasını sataraq Tokiva-soda yaşamış manqakaların 7000 səhifəlik işinə həsr olunmuş kitab evi açmışdır.[1] Həmin tikiliyə manqakaların sevimli kafesinin şərəfinə adlandırılmış "Eden" kafesi də daxildir.[1]