Tovsif Məmmədov

Tovsif Məmmədov
Məmmədov Tovsif Muxtar oğlu
Doğum tarixi	22 mart 1929
Doğum yeri	Lənkəran, Azərbaycan SSR, ZSFSR, SSRİ
Vəfat tarixi	21 noyabr 2013 (84 yaşında)
Vəfat yeri	Bakı, Azərbaycan
Vətəndaşlığı	SSRİ→ Azərbaycan
Elmi dərəcəsi	texnika elmləri doktoru
İş yerləri	Bakı Dövlət Universiteti (1992–2000), Azərbaycan Dövlət Neft Akademiyası (1983–2000)
Təhsili	Azərbaycan Sənaye İnstitutu (–1952)

Məmmədov Tovsif Muxtar oğlu (22 mart 1929, Astara – 21 oktyabr 2013, Bakı) — texnika elmləri doktoru, professor.

Həyatı

Məmmədov Tovsif Muxtar oğlu 1929-cu ildə Azərbaycan Respublikasının Lənkəran şəhərində anadan olmuşdur. 1952-ci ildə "Neft yataqlarının işlənilməsi və istismarı" ixtisası üzrə AzSİ-nun neft-mədən fakültəsini bitirdikdən sonra, 1962-ci ilə qədər "Buzovnaneft" NQÇİ-də neft hasilatı üzrə usta köməkçisindən mədən rəhbərinə qədər vəzifələrdə işləmişdir. 1962-1972-ci illərdə "Azneft" İB-nin Quyuların sınağı və əsaslı təmiri idarəsində baş mühəndis olmuşdur. 1967-ci ildə "Köpük reagentlərinin tətbiqi ilə neft quyularının məhsuldarlığının artırılması" mövzusunda namizədlik dissertasiyası müdafiə etmişdir. 1972-1983-cü illərdə "Suraxanıneft" NQÇİ-də baş mühəndis, 1983-1992-ci illərdə isə "Binəqədineft" NQÇİ-də rəis işləmişdir. 1981-ci ildə "Karbohidrogen məhlullarının və onların emulsiya sistemlərinin neft laylarına təsir üçün tətbiqinin nəzəriyyə və təcrübəsi" mövzusunda doktorluq dissertasiyası müdafiə etmişdir. 1983-1992-ci illərdə neft və qaz sənayesi işçilərinin Elmi texniki cəmiyyətinin İdarə heyətinin sədri olmuşdur. 1983-1994-cü illərdə AzNKİ-da "Neft yataqlarının işlənilməsi və istismarı" kafedrasının professoru idi. 1992-2000-ci illərdə Azərbaycan EA DNQYPİ-nun aparıcı elmi işçisi vəzifəsində işləmişdir. 1996-cı ildən bu günə qədər AzDNQLETİ-da "Neft hasilatında qum ilə mübarizə" laboratoriyasının aparıcı elmi əməkdaşıdır.

Elmi fəaliyyəti

Məmmədov T.M. neft və qaz quyularının işlənilməsi sahəsində tanınmış alimdir.

Elmi tədqiqatların sahəsi: karbohidrogen həllediciləri və onların emulsiyalı sistemlərinin neftçıxarmada tətbiqi. Yataqların 7 işlənmə üsulunun müəllifidir.

Məmmədov T.M. 75-dən artıq elmi məqalənin, 4 monoqrafiyanın müəllifidir. İxtiralara görə 16 müəlliflik şəhadətnaməsi alıb.

Məmmədov T.M. "Azərbaycanın əməkdar mühəndisi" fəxri adına layiq görülüb.