Turab Canbaxışov

Vikipediya, azad ensiklopediya
Jump to navigation Jump to search
Turab Canbaxışov
Canbaxışov Turab Qələndər oğlu
Turab Canbaxışov.JPG
Doğum tarixi 27 noyabr 1981(1981-11-27) (39 yaş)
Doğum yeri
Vətəndaşlığı
Milliyyəti azərbaycanlı
Atası Canbaxışov Qələndər Surxay oğlu
Anası Şamoyeva Salatın İbrahim qızı
Təhsili

Turab Qələndər oğlu Canbaxışov (27 noyabr 1981, Kurqan) — Azərbaycan Tibb Universitetinin Tədris Cərrahiyyə Klinikasının II mama-ginekologiya şöbəsinin müdiri; Bona Dea International Hospitalın ginekoloq həkimi.

Həyatı[redaktə | mənbəni redaktə et]

Turab Canbaxışov 27 noyabr 1981-ci ildə Rusiyanın Kurqan şəhərində anadan olmuşdur.[1]

1999-cu ildə Bakı şəhərində 17 saylı orta məktəbi əla qiymətlərlə bitirdikdən sonra Azərbaycan Tibb Univеrsitеtinin "Müalicə-profilaktika" fakültəsinə qəbul olmuşdur.[1]

2005-ci ildə Azərbaycan Tibb Universitetini "müalicə işi" ixtisası üzrə fərqlənmə diplomu ilə bitirmişdir.[2]

2005–2011-ci illərdə Türkiyənin İzmir şəhərində Dokuz Eylül Universitetinin "Mamalıq və qadın xəstəlikləri" (ginikologiya) ixtisası üzrə uzmanlıq təhsili almışdır.[1]

Uzmanlıq təhsilini bitirdikdən sonra nəzəri və praktik imtahanlardan yüksək bal topladığına görə Doqquz Eylül Universitetinin rəhbərliyi və Türkiyə Cumhuriyyətinin YÖK-ü tərəfindən həmin kafedrada uzman-asissent vəzifəsində saxlanılmış, 2013-cü ilin dekabr ayına qədər həmin vəzifədə çalışmışdır.[2]

4 mart 2014-cü ildən Azərbaycan Tibb Universitetinin Tədris Cərrahiyyə Klinikasının II mama-ginekologiya şöbəsində həkim mama-ginekoloq işləmiş, 20 may 2014-cü ildən isə həmin şöbənin müdiri vəzifəsində çalışmağa başlamışdır.[3]

Uzmanlıq təhsili aldığı dövrdə 10-a qədər elmi məqaləsi Türkiyədə və müxtəlif xarici ölkələrdə çap olunmuşdur. Doktorluq dissertasiyası üzərində işləyir.

Ailəsi[redaktə | mənbəni redaktə et]

Ailəlidir, bir qızı və bir oğlu var. Azərbaycanın tanınmış travmatoloq-ortopedi, tibb elmləri doktoru, professor Qələndər Canbaxışovun oğludur. Əmisi Mahmud Canbaxışov Qarabağ müharibəsində şəhid olmuşdur.

İstinadlar[redaktə | mənbəni redaktə et]

  1. 1 2 3 "Şöbə müdiri. Uzman Dr. Turab Canbaxışov" (az.). atu-tck.edu.az. 07-01-2015. 2016-03-11 tarixində orijinalından arxivləşdirilib. İstifadə tarixi: 2015-10-24.
  2. 1 2 "PhD Uzm. Dr. Turab Canbaxışov" (az.). doctormap.az. 2014. 2015-09-21 tarixində orijinalından arxivləşdirilib. İstifadə tarixi: 2015-10-24.
  3. "Dr. Turab Canbaxışov - Ginekoloq" (az.). Bona Dea International Hospital. 2018. 2021-03-30 tarixində arxivləşdirilib. İstifadə tarixi: 2021-03-30.