Vüqar Məmmədov (çavuş)

Vüqar Məmmədov
Vüqar Vaqif oğlu Məmmədov
Şəxsi məlumatlar
Doğum tarixi	6 fevral 1973
Doğum yeri	Hacıqabul rayonu
Vəfat tarixi	21 dekabr 1992 (19 yaşında)
Vəfat yeri	Qubadlı rayonu
Vətəndaşlığı	Azərbaycan
Milliyyəti	Azərbaycanlı
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	1991-1992
Rütbəsi	Çavuş
Döyüşlər	Vətən müharibəsi  • Qubadlının azad edilməsi

Vüqar Vaqif oğlu Məmmədov (6 fevral 1973; Hacıqabul, Azərbaycan – 21 dekabr 1992; Qubadlı, Azərbaycan) — Azərbaycan Silahlı Qüvvələrinin çavuşu, Vətən müharibəsi şəhidi.

Həyatı

Vüqar Məmmədov 1973-cü il fevralın 6-da Hacıqabul rayonunun Muğan qəsəbəsində ziyalı ailəsində anadan olmuşdur. 1980-cı ildə Muğan qəsəbə məktəbinin 1-ci sinfinə getmişdir. 1990-cı ildə 10-cu sinifi bitirdikdən sonra Azərbaycan Dövlət dəmir yolunun 3 nömrəli Hacıqabul Elektrik Təchizatı sahəsində mexaniki sexə çilingər vəzifəsinə qəbul olunmuşdur.

Şəhid Vüqar Məmmədovun təhsil aldığı Muğan qəsəbə məktəbi onun adını daşıyır.

Hərbi xidməti

1991-ci ilin may ayında o həqiqi hərbi xidmətə çağırılmışdır və hərbi xidməti Bakı şəhərində olan 930 nümrəli Artilleriya alayında qulluq etmişdir. 1992-ci ildə may ayının 25-də Vüqar Məmmədov Milli Ordunun tərkibində Qarabağ torpağının müdafiəsinə göndərilmişdir . 3 ay Füzuli, 3 ay Qubadlı uğrunda döyüşlərdə iştirak etmişdir. Yaxşı xidmətinə, çalışqanlığına görə bölmə komandiri vəzifəsinə irəli çəkilmişdir. Vüqar Məmmədov 21.12.1992–ci il tarixində Qubadlı rayonunda Döndərli kəndinin müdafiəsi zamanı həlak olmuşdur.

Təltifləri

• Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Vüqar Məmmədov ölümündən sonra "Vətən uğrunda" medalı ilə təltif edildi.