Vüsət Əfəndiyev

Vikipediya, açıq ensiklopediya
Jump to navigation Jump to search
Vüsət Əfəndiyev
Vüsət Əfəndiyev Əmir oğlu
Vüsət Əfəndiyev.jpg
Doğum tarixi 2 iyul 1953(1953-07-02)
Doğum yeri Tovuz rayonunun Keşişkənd kəndi
Vəfat tarixi 11 yanvar 2019(2019-01-11)
Vəfat yeri Bakı şəhəri
Vətəndaşlıq Flag of Azerbaijan.svg Azərbaycan
Milliyyəti azərbaycanlı
İş yeri Bakı Dövlət Universitetinin Qazax filialının direktoru
Elmi dərəcəsi professor
Elmi adı coğrafiya elmlər doktoru
Təhsili Lomonosov adına Moskva Dövlət Universiteti
Atası Əmir Əfəndiyev
Mükafatları Əməkdar Elm Xadimi

Vüsət Əfəndiyev Əmir oğlu (02 iyul 1953- 11 yanvar 2019), Bakı Dövlət Universitetinin Qazax filialının direktoru (2016-2019), əməkdar elm xadimi, coğrafiya elmlər doktoru, professor.

Həyatı[redaktə | əsas redaktə]

Vüsət Əmir oğlu Əfəndiyev 1953-cü ildə anadan olmuşdur. 1970-ci ildə orta məktəbi bitirərək, Azərbaycan Dövlət Universitetinin (indiki Bakı Dövlət Universiteti) Geologiya-coğrafiya fakültəsinin coğrafiya şöbəsinə daxil olmuşdur. 1973-cü ildə M.V. Lomonosov adına Moskva Dövlət Universitetinə köçürülən V.Ə.Əfəndiyev 1977-ci ildə həmin universitetin coğrafiya fakültəsini bitirmişdir.V.Ə.Əfəndiyev 2005-ci ildə Təhsil Nazirliyinin “Qabaqcıl təhsil işçisi” adına layiq görülmüşdür. 2009-cu ildə “Əməkdar elm xadimi” fəxri adı verilmişdir. Təhsil Nazirliyinin qərarı ilə 1995-ci ildə müəllifi olduğu “Azərbaycan Respublikası şəhərlərinin inkişafının coğrafi məsələləri (Bakı: “Nicat” nəşriyatı 1995) əsəri akademik Həsən Əliyev adına mükafata layiq görülmüşdür. V.Ə.Əfəndiyev Respublikada elm və təhsilin inkişafında fəaliyyətinə görə dəfələrlə Təhsil Nazirliyinin fəxri fərmanı ilə təltif olunmuşdur.[1]

Elmi fəaliyyəti[redaktə | əsas redaktə]

1977-1978-ci illərdə Azərbaycan EA Coğrafiya İnstitutunda baş laborant, kiçik elmi işçi vəzifəsində çalışmışdır. Tədqiqat işi ilə əlaqədar olaraq V.Ə.Əfəndiyev 1978-1979-cu illərdə keçmiş SSRİ EA Coğrafiya İnstitutuna tədqiqatçı kimi elmi ezamiyyətə göndərilmişdir. 1979-1988- ci illərdə Azərbaycan Dövlət Universitetinin Geologiya-coğrafiya fakültəsinin “SSRİ-nin iqtisadi coğrafiya” kafedrasında asissent, baş müəllim, dosent, vəzifələrində işləmişdir. V.Ə.Əfəndiyev “Bakı aqlomerasiyasının ətraf zonasının ərazi təşkili” mövzusunda namizədlik, 2004-ci ildə isə “Sosial-iqtisadi və siyasi coğrafiya” ixtisası üzrə “Azərbaycanda urbanizasiyanın iqtisadi-coğrafi problemləri” mövzusunda doktorluq disertasiyasını müdafiə etmişdir. O, 2007-ci ildən professordur. Prof.V.Ə.Əfəndiyev 1987-1991-ci illərdə Geologiya-coğrafiya fakültəsində dekan müavini, 1991-1999-cu illərdə yeni yaradılan Coğrafiya fakültəsinin dekanı vəzifəsində çalışmışdır. 1999-2004-cü illərdə BDU-nun qiyabivə axşam təhsili üzrə prorektor, 2004-2011- ci illərdə isə BDU-nun tədris işləri üzrə prorektoru vəzifəsində işləmişdir. Prof. V.Ə.Əfəndiyev 2007-ci ildə yeni yaradılan “Azərbaycan coğrafiyası” kafedrasının müdiri seçilmişdir..[2]

Elmi əsərləri[redaktə | əsas redaktə]

Prof. V.Ə.Əfəndiyev 160-dan çox elmi əsərlərin, o cümlədən 7 monoqrafiyanın və kitabların, 11 dərslik və dərs vəsaitinin, 4 xəritənin, 3 metodik göstərişin və 15 proqramın müəllifidir.

  1. 2008, Bakı, Государственная программа социально-экономического развития регионов и ее роль в развитии региональных центров Шеки, Шамахы и Хачмаз.
  2. 2008, Bakı, Azərbaycanın sosial-iqtisadi coğrafiyası XXI əsrin inkişafı sistemində Təbriz şəhərinin inkişafının təbii-iqtisadi potensialı.
  3. 2004, Баку, Рекреационный потенциал Апшерона и его использование. // Вестник Бакинского Университета: Тябият елмляри серийасы.
  4. 2005, Bakı, BDU Coğrafiya fakültəsinin Altıağac təcrübə bazasında «Tələbələrin çöl tədris təcrübələrinin təşkili»nə dair metodik vəsait.
  5. 2005, Bakı, «Coğrafiya - 60».
  6. 2007, Bakı, «Əhali coğrafiyası demoqrafik əsaslarla». // Coğrafiyaçı- bakalavr pilləsi üçün proqramm toplusu.
  7. 2007, Bakı, «Geourbanistika». //Coğrafiyaçı- bakalavr pilləsi üçün proqramm toplusu.
  8. 2007, Bakı, Elm və təhsil fədaisi. // Prof.M.A.Müseyibovun 80 illi¬yinə həsr olunur.
  9. 2007, Astrakhan, THE INTEGRATION OF URBAN AND RURAL AREARS’ POTENTIALS // The Caspian Sea Humanities and sports //
  10. 2007, Bakı, magistr hazırlığı üçün fənlərin proqramlar toplusu.
  11. 2007, Bakı, magistr hazırlığı üçün fənlərin proqramlar toplusu.Əfəndiyev Vüsət

Kitabları[redaktə | əsas redaktə]

  • 2009, Bak;, Əhali coğrafiyasından praktiki məşğələ.
  • 2008, Bakı, Географие населения, Практикум.
  • 2007, Баку, География Тюркского Мира.
  • 2006, Baku, «Əhali coğrafiyası» // Dərslik
  • 2006, Baku, «Türk dünyası coğrafiyası» // 11-ci sinif üçün dərslik.
  • 2007, Баку, «География населения». // Учебное пособие.
  • 2004, Constanta, Urbanization and urban settlements of Azerbaijan.
  • 2004, Баку, География Тюркского Мира. Учебник для 11 класса.
  • 2002, Baku, Urbanizasiya və Azərbaycanın şəhər yaşayış məckənləriƏfəndiyev Vüsət

Mükafatları[redaktə | əsas redaktə]

"Əməkdar elm xadimi"

Həmçinin bax[redaktə | əsas redaktə]

Xarici keçidlər[redaktə | əsas redaktə]

Əfəndiyev Vüsət

İstinadlar[redaktə | əsas redaktə]

  1. B.Budaqov.Azərbaycanın coğrafiyaçı alimləri "Elm"nəşriyyat Bakı 2013
  2. B.Budaqov Azərbaycanın coğrafiyaçı alimləri "Elm" nəşriyyatı Bakı 2013