Vətən müharibəsi şəhidləri abidəsi (Livan)

Vətən müharibəsi şəhidləri abidəsi
34°36′43″ şm. e. 36°12′29″ ş. u.
Ölkə	Livan
Yerləşir	Kavaşra
Layihə müəllifi	Şahin Pənahov
Tikilmə tarixi	8 noyabr 2022
Hündürlüyü	250 sm
Eni	103 sm
Material	Qara daş (vulkanik süxur)

Vətən müharibəsi şəhidləri abidəsi — Livanın Kavaşra qəsəbəsində İkinci Qarabağ müharibəsinin şəhidlərinin xatirəsinə ucaldılan abidə. Abidənin hündürlüyü 250 sm, eni isə 103 sm-dir. Abidə livanlı memarları Xalid Kanjo və Valid Abdo tərəfindən hazırlanmışdır.

Tarixi

Livanın Kavaşra qəsəbəsində Azərbaycan Respublikasının bu ölkədəki səfirliyi tərəfindən İkinci Qarabağ müharibəsində şəhid olanların xatirəsinə abidə ucaldılmışdır. Abidə Livanın şimalındakı Akkar vilayətində türkmanların yaşadığı qəsəbədə yerləşir..

8 noyabr 2022-ci ildə açılışı olmuşdur. Abidənin açılış mərasiminə Azərbaycan Respublikası və Türkiyə Respublikasının Livandakı səfirliklərinin əməkdaşları, Livanın bir neçə millət vəkili, Akkar quberniyasının valisi, Akkar quberniyasının bələdiyyə rəisləri və Livanın ziyalıları iştirak etmişlər.

Abidənin açılışını Kavaşra dövlət liseyinin müdiri Xalid İsmayıl etdikdən sonra millət vəkilləri Məhəmməd Süleyman, Jimmi Jabbur, vali İmad Labaki və Kavaşra bələdiyyə rəisi çıxış etmişlər. Layihənin müəllifi səfirliyin müvəqqəti işlər vəkili Şahin Pənahov çıxış edərək demişdir:

Qarabağ zəfəri və onun nəinki Azərbaycan bütün region, dünya üçün əhəmiyyətindən danışmış və abidənin Livanda ucaldılmasının xüsusi məna kəsb etdiyi.

Reaksiyalar

Livan erməniləri yerli "vdlnews.com" saytında abidənin açılışına etirazlarını bildirmişdilər.

Xarici keçidlər

• Livanda şəhidlərimizin xatirəsinə abidə ucaldılıb