Vahid Fərzəliyev

Vikipediya, azad ensiklopediya
Jump to navigation Jump to search
Vahid Fərzəliyev
Vahid Sabir oğlu Fərzəliyev
Vahid Fərzəliyev.jpg
Doğum tarixi 1 may 1969 (1969-05-01) (50 yaş)
Doğum yeri Ağcabədi rayonu, Hindarx kəndi
Vətəndaşlığı Azərbaycan Azərbaycan
Elm sahəsi Botanika
Elmi dərəcəsi biologiya üzrə fəlsəfə doktoru
Elmi adı dosent
İş yeri AMEA Mərkəzi Nəbatat Bağı
Təhsili Bakı Dövlət Universiteti
Elmi rəhbəri Maqsud Qurbanov
cbg.org.az

Vahid Sabir oğlu Fərzəliyev — biologiya üzrə fəlsəfə doktoru, dosent AMEA Mərkəzi Nəbatat Bağının direktoru vəzifəsini icra edən, Mərkəzi Nəbatat Bağının Elmi şurasının sədri

Ümumi məlumatlar[redaktə | əsas redaktə]

  • Vahid Sabir oğlu Fərzəliyev 1969-cu ildə Ağcabədi rayonunun Hindarx kəndində anadan olmuşdur.
  • Ailəlidir:2 qızı və 1oğlu var.

Elmi fəaliyyəti[redaktə | əsas redaktə]

Vahid Sabir oğlu Fərzəliyev elmi fəaliyyətinə 1990-cı ildən AMEA Mərkəzi Nəbatat Bağında bağban kimi başlamışdır. 2001-2006-cı illərdə Mərkəzi Nəbatat Bağının “Toxumçuluq” sektorunun rəhbəri, 2006-2007-ci illərdə “Ağac və kol bitkiləri” laboratoriyasının müdiri, 2007-2015-ci illərdə Mərkəzi Nəbatat Bağının direktorunun elmi işlər üzrə müavini vəzifəsində çalışmışdır. 2016-cı ildən Bağın direktoru vəzifəsini icra edir. Mərkəzi Nəbatat Bağının Elmi Şurasının və Azərbaycan Botaniklər Cəmiyyətinin sədr müavinidir.

V.S.Fərzəliyev Mərkəzi Nəbatat Bağının elmi tədqiqat işlərinin beynəlxalq səviyyəyə çatdırılması və fəaliyyət dairəsinin genişləndirilməsi üçün bir çox işlər görmüşdür. Onun rəhbərliyi ilə «Toxumçuluq» sektoru fəaliyyətə başlamış və toxum mübadiləsi məqsədilə dünyanın 130-dan artıq nəbatat bağı ilə əlaqələr yaradılmışdır. Bu əlaqələr Bağın bitki kolleksiyalarının zənginləşdirilməsində və ümumilikdə dünyada bitki biomüxtəlifliyinin davamlı qorunmasında əhəmiyyətli rola malikdirlər. V.S.Fərzəliyev 2005-ci ildə «Abşeronda yayda və payızda çiçəkləyən bəzi dekorativ ağac və kol növlərinin bioekoloji xüsusiyyətləri» mövzusunda namizədlik dissertasiya işini müvəffəqiyyətlə müdafiə etmişdir. Hal hazırda «Azərbaycanın iynəyarpaqlı bitkilərinin növmüxtəlifliyi, bioekoloji xüsusiyyətləri və iqtisadi əhəmiyyəti» mövzusunda doktorluq dissertasiya işi AAK-na təqdim olunmuşdur. Apardığı tədqiqatlar nəticəsində yerli və beynəlxalq nəşrlərdə 100-dən çox elmi əsərləri çap olunmuşdur.

V.S.Fərzəliyev müxtlif botaniki-coğrafi vilayətlərin bitkilərinin Abşerona introduksiyası, dendrologiya, bitki genetik resurslarının qorunması, Azərbaycanın ayrı-ayrı regionlarının bitki biomüxtəlifliyinin tədqiqi sahəsində elmi-tədqiqatlar apararaq, apardığı tədqiqatlar Abşeron üşün daha perspektivli növlərin müəyyən edilməsinə, səmərəli istifadəsinə imkan vermişdir. O, son illərdə Türkiyə, Rusiya, İngiltərə, ABŞ, Almaniya və Çin Xalq Respublikasında keçirilən beynəlxalq elmi konfrans və konqresslərdə iştirak etmiş, Beynəlxalq «Bioversity» təşkilatının «Meşə biomüxtəlifliyi: meşə genetik ehtiyatlarının qorunması və idarə olunması»na dair keçirilən təlim kursuna dəvət olunmuş (avqust, 2007) və həmin kursu müvəffəqiyyətlə bitirmişdir. Ümumdünya Təbiəti Mühafizə İttifaqının Qafqazın xüsusi mühafizə edilən təbiət ərazilərində nadir bitki növlərinin qorunması, mühüm ərazilərin müəyyənləşdirilməsi və «2010-cu il: geriyə hesabat» mövzusunda keçirilən müşavirədə işçi qrupunun tərkibində (Rusiya, 2008) iştirak etmişdir. 2009-cu ildə həmin təşkilatın Qafqazın nadir bitkilərinin qırmızı siyahısının tərtibi ilə əlaqədar Gürcüstan Respublikasında keçirdiyi müşavirədə iştirak etmişdir. Həmin ildə Endem bitkilərin mühafizəsi üzrə Qafqaz layihəsinin Milli eksperti qismində ABŞ-ın St. Luis şəhərində keçirilən Beynəlxalq Simpoziumda iştirak etmişdir. Bir sıra regional və beynəlxalq layihələrin iştirakçısıdır.</nowiki>

Elmi nailiyyətləri[redaktə | əsas redaktə]

Bitkilərin introduksiyasında GİS texnologiyalarından istifadə olunmaqla modelləşdirilmə vasitəsilə onların daha geniş ərazilərdə becərilməsi məqsədilə proqnozlaşdırılma üsulları işlənib hazırlanmışdır. Azərbaycanda yayılmış bəzi ağac və kol növlərinin dendroxronoloji və dendroekoloji tətqiqi aparılmışdır. Abşerona introduksiya olunmuş şam növlərinin qeyri-ənənəvi üsullarla təyin edilməsi üçün rəqəmsal və hərfli-rəqəmsal politomik təyinat açarları tərtib və tətbiq edilmişdir.

Elmi əsərləri[redaktə | əsas redaktə]

1. Texnogen çirklənmənin meşə bitkilərinə təsiri. Artvin Coruh Universitetinin Meşəçilik Fakültəsinin Jurnalı, cild.11, №1, s. 19-26 (2010) (həmmüəlliflə)

2. Abşerona introduksiya olunmuş şam növlərinin təyinində politomik təyinat açarlarının istifadəsi. Azərbaycan Milli Elmlər Akademiyasının Məruzələri, cild. LXVIII, №5, s. 58-67 (2012) (həmmüəlliflə

3. Eldar şamının (Pinus eldarica Medw.) introduksiyasında CİS texnologiyalarının tətbiqi. Azərbaycan MEA Biologiya Elmləri Bölməsinin Xəbərləri. cild. 67, № 3, s. 31-37 (2012)

4. Şamların taksonomiyası, biomorfoloji və rentgenoloji xüsusiyyətləri. – Bakı: Elm, 72 s. (2013) (həmmüəlliflə)

5. Geographic variation in nrDNA and four cpDNAs sequences of Juniperus excelsa and J. polycarpos in Greece, Turkey. Lebanon and Azerbaijan Phytologia, 2014, 96 (2),p.89-95.( in a co-authorship)

6.The Reforestation of the Greater Caucasus Beech Forests’ Meadow and the Glades. Eastern European Scientific Journal, Ausgabe 6-2015. p.20-26. Yahyayev Ajdyn B., Safarova Elmira P <poem>

- Elmi əsərlərinin ümumi sayı: 103

- xaricdə çıxmış elmi əsərlərinin sayı: 30

- beynəlxalq bazalarda referatlaşdırılan və indeksləşdirilən jurnallarda çap olunan məqalələrin sayı: 12


Xarici keçidlər[redaktə | əsas redaktə]