Vegetarianlıq

Vegetarian (lat. vegeterian) — ət yeməyən insan. "Vegetarian" latın sözü olub "sağlam həyat" mənasını bildirir. Adi halda vegetarianlıq dedikdə heyvan mənşəli məhsullardan - ət və ət məhsullarından pəhriz etmək nəzərdə tutulur. Vegetarianlar heyvan məhsulları olan süd, yumurta və bal istehlak etdikləri halda vegetarianlığın daha ciddi forması hesab olunan veqanlıqda təkcə ət və ət məhsulları yox, bütün heyvan mənşəli məhsulların istifadəsinin (qida və geyim daxil hər cür istifadə istismar hesab olunur) dayandırılması nəzərdə tutulur. Veqanlıq tək qidalanma növü yox, həm də həyat fəlsəfəsidir.

Xüsusiyyətləri

Vegetarianlar öz rasionlarından əti və balığı çıxarırlar və yalnız göyərti, meyvə və südlü yeməklərlə qidalanırlar. Süd məhsullarından istifadə edənlər "laktovegetarian" adlanırlar. Yumurtadan istifadə edənlər isə "ovo-laktovegetarian" adlanırlar. Ciddi, tələbkar vegetarianlar nə yumurta yeyir, nə də süd içirlər. Vegetarianların əksəriyyəti alkoqollu içkilər içməyin və siqaret çəkmənin əleyhinədir.

Qalereya

Məşhur vegetarianlar
Pifaqor, klassik yunan filosofu
Leonardo da Vinçi, italyan ensiklopedik alim, riyaziyyatçı, mühəndis, ixtiraçı, rəssam, heykəltaraş, memar, musiqiçi və yazıçı
Albert Eynşteyn, ABŞ-alman fiziki
Mahatma Qandi, hindistanlı siyasi xadim
Corc Bernard Şou, irland yazıçı
Lev Tolstoy, rus yazıçı
Əzizə Mustafazadə, azərbaycanlı pianoçu, bəstəkar və caz ifaçısı

Mənbə

Azərbaycan Kulinariyası Ensiklopediyası, səh. 151.

Xarici keçidlər

Vegetarianlıq və veqanlıq (az.)