Veselçaki (film)

Vikipediya, azad ensiklopediya
Naviqasiyaya keç Axtarışa keç
Veselçaki
rus. Весельчаки
Janr faciəvi komediya, LGBT mövzulu film[d]
Bəstəkar
İlk baxış tarixi 15 oktyabr 2009[1]
Müddət 91 dəq.
Ölkə
Dil rus dili
IMDb ID1505957

"Veselçaki" - rejissor Feliks Mixaylovun travesti aktyorlar haqqında rus faciəvi komediyasıdır. Film "Hər kəsin öz çatışmazlıqları var" şüarı ilə "Qeyri-ənənəvi komediya" olaraq müəyyən edilir.[2] Rusiyanın öz jurnalistləri tərəfindən film drag queen şou sənətçiləri haqqında ilk yerli film adlandırıldı.[3][4] Təqdimatı 13 oktyabr 2009-cu ildə təşkil olunmuşdur.[5]

"Veselçaki" filmi Berlin Beynəlxalq Film Festivalının Panorama proqramının açılışı üçün seçilən ilk rus filmi oldu.[6]

Süjet[redaktə | mənbəni redaktə et]

Hadisələr 90-cı illərin sonlarında baş verir. Film drag queen şousunun ifaçıları olan beş şəxsin çətin taleyindən bəhs edir. Yaradıcı heyət dağıldıqdan sonra onlar bir restoranda görüşürlər və burada öz hekayələrini onlara heyran qalan gənc jurnalistə növbə ilə müsahibə şəklində danışırlar. Müsahibədən məlum olur ki, onların hər birinin drag şouya gəlməsi üçün öz müxtəlif talehləri, öz məqsədləri və öz həyat yolları olub. Film Moskva yaxınlığında bağ evinə gedərkən açıq tras yolda baş verən hadisələrin kadrları ilə başa çatır, burada "şən yoldaşların" dörd nümayəndəsi homofob motivlərlə onları qətlə yetirən bir sərxoş dəstəyə rast gəlirlər. Həmin an avtomobili xarab olduğu üçün drag şounun beşinci nümayəndəsi və klubun sahibi Roza onlara qoşula bilmir. Yağış altında qalan Roza digər bir homofoba rast gəlir və onun tərəfindən qətlə yetirilir. Son kadrda beş dostun hamısı yenidən peyda olur. Ölümdən sonra ruhların qovuşması səhnəsini göstərən həmin kadrlarda dalğalanan ağ paltarda Roza rəfiqələrinə doğru addımlayır, onun amansız edamının səbəbkarı isə uşaqlıqda aldığı psixoloji sarsıntıdan qurtulmağa çalışan bir manyak idi.

Filmin yaranma tarixi[redaktə | mənbəni redaktə et]

Filmin ideyası rejissor Feliks Mixaylovun gecə klubunda tanış olduğu drag queen şou artistlərinin real hekayələrindən yaranıb. Ssenaridən çəkilişlərə qədər olan yol on il çəkdi - ssenarini çox adam oxudu, lakin filmin mövzusu çoxlarını çəkindirirdi, filmin çəkilişi üçün maddi yardım etmək istəmirdilər.[7]

"Veselçaki" televiziyada "Lednikoviy period", "Sirk so zvezdami" və digər layihələrdəki işi ilə tanınan rejissor Feliks Mixaylovun böyük kinoda debütü idi.[8]

Demək olar ki, bütün film hazır olduqda Alena Babenko redaksiyanın təliminə uyğun aktyorlardan müsahibə alan jurnalist rolunu ifa etmək üçün çəkiliş meydançasında göründü.[9] Ssenaridəki mühüm məqamları rejissora filmdə çəkilən təcrübəli aktrisa Renata Litvinova da təklif edib.[7]

Müsabiqələr və nominasiyalar[redaktə | mənbəni redaktə et]

  • “Veselçaki” Rusiya, MDB və Baltikyanı ölkələrin ən böyük kino biznes tədbirində - 78-ci Rusiya Beynəlxalq Film Bazarında təqdim olunub. Təqdimatdan əvvəl film 2009-cu il iyunun 13-də Soçidə Jemçujina kino-konsert zalında nümayiş olundu.[10]
  • Filmin özəl premyerası 2009-cu il oktyabrın 13-də Kodak-Kinomir kinoteatrında baş tutdu və burada da canlı drag queen şousu təşkil edildi. Kinoteatrın binası filmdən olan səhnələrlə bəzədilmışdi.[11][12][13]
  • Film kinoda ən şübhəli nailiyyətlərə görə "Zolotoy deyetel" mükafatına "Muşketyorların qayıdışı və ya Kardinal Mazarinin xəzinəsi" və "Ən yaxşı film 2" filmləri ilə birgə namizəd olub. Bu filmlər "İlin ən yaxşı bədii filmi deyil" kateqoriyasına daxil edilib.[14]
  • 11 fevral 2010-cu ildə film 60-cı Berlin Beynəlxalq Film Festivalının Panorama proqramının açılışında yayımlandı. Panorama o zaman artıq 31-ci il idi ki, Berlinalenin ikinci ən mühüm müsabiqə proqramı idi.[6]
  • 2010-cu ildə film Kinotavrda müsabiqədənkənar “Meydanda kino” proqramı çərçivəsində iştirak etmişdir.[15]
  • Film Xantı-Mansiyskdə keçirilən "Dux oqnya" VIII Beynəlxalq Kino Debütləri Festivalında iştirak edib.
  • 2011-ci ildə film "Stalker" adlı (Moskvada) insan hüquqlarına dair Beynəlxalq Film Festivalında iştirak etmişdir.[16]
  • 2012-ci ildə film Pittsburq Universitetində ( ABŞ ) rus kinosuna dair simpoziumda təqdim edilmişdir.[17]

İstinadlar[redaktə | mənbəni redaktə et]

  1. Freebase Data Dumps. Google.
  2. "Официальный сайт фильма". 2016-03-04 tarixində arxivləşdirilib. İstifadə tarixi: 2014-09-07.
  3. Вита РАММ. "В шоу только мальчики" (rus). Известия. 15 октября 2009. 2014-09-08 tarixində arxivləşdirilib. İstifadə tarixi: 2014-09-7. (#apostrophe_markup)
  4. Арина БОГДАН. "Актёры Данила Козловский и Вилле Хаапасало надели платья!" (rus). Новости радио «Культура». 15 октября 2009. 2014-09-08 tarixində arxivləşdirilib. İstifadə tarixi: 2014-09-7. (#apostrophe_markup)
  5. Премьера фильма «Весельчаки»[ölü keçid]
  6. 1 2 Андрей ПЛАХОВ. "Веселая разлука" (rus). Коммерсантъ №25. 12 февраля 2010. 2016-03-05 tarixində arxivləşdirilib. İstifadə tarixi: 2014-09-7. (#apostrophe_markup)
  7. 1 2 Вита РАММ. "Кинорежиссёр Феликс Михайлов: «Денег на "Весельчаков" не давал никто. Тема пугала»" (rus). Известия. 15 октября 2009. 2014-09-08 tarixində arxivləşdirilib. İstifadə tarixi: 2014-09-7. (#apostrophe_markup)
  8. "«Весельчаки» на Proficinema". 2014-09-08 tarixində arxivləşdirilib. İstifadə tarixi: 2014-09-07.
  9. Игорь КАРАСЁВ. "Алену Бабенко потянуло на трансвеститов" (rus). Комсомольская правда. 14 октября 2009. 2016-03-04 tarixində arxivləşdirilib. İstifadə tarixi: 2014-09-7. (#apostrophe_markup)
  10. "Программа 78 Российского Международного Кинорынка". 2016-03-04 tarixində arxivləşdirilib. İstifadə tarixi: 2014-09-07.
  11. "«Весельчаки» — травести-шоу теперь в кино". 2014-09-08 tarixində arxivləşdirilib. İstifadə tarixi: 2014-09-07.
  12. "Премьера фильма «Весельчаки»". 2015-09-24 tarixində arxivləşdirilib. İstifadə tarixi: 2014-09-07.
  13. "«Весельчаки»: нетрадиционное кино". 2014-09-08 tarixində arxivləşdirilib. İstifadə tarixi: 2014-09-07.
  14. "В России появилась новая премия «Золотой дятел»". 2014-09-08 tarixində arxivləşdirilib. İstifadə tarixi: 2014-09-07.
  15. "Кинотавр. Внеконкурсные программы". 2012-03-30 tarixində arxivləşdirilib. İstifadə tarixi: 2012-08-09.
  16. "17 Международный фестиваль фильмов о правах человека «Сталкер»". 2015-09-18 tarixində arxivləşdirilib. İstifadə tarixi: 2014-09-07.
  17. "14 Симпозиум по русскому кино. Университет Питтсбурга". 2015-09-15 tarixində arxivləşdirilib. İstifadə tarixi: 2014-09-07.

Xarici keçidlər[redaktə | mənbəni redaktə et]