Məzmuna keç

Vladimir Astapovski

Vikipediya, azad ensiklopediya
Vladimir Astapovski
rus. Владимир Астаповский
Ümumi məlumatlar
Doğum tarixi 16 iyul 1946(1946-07-16)
Doğum yeri
Vəfat tarixi 12 aprel 2012(2012-04-12)[1] (65 yaşında)
Vəfat yeri
Dəfn yeri
Vətəndaşlığı
Boyu 186 sm[2]
Çəkisi 82 kq[2]
Mövqeyi qapıçı
Karyerası
Gənclik karyerası
SSRİ Dinamo Bryansk
1963—1964 SSRİ Neftyanik Bakı
Klub karyerası[* 1]
1966—1968 SSRİ SKÇF 37 (0)
1969—1980 SSRİ MOİK Moskva 226 (0)
1981—1982 SSRİ SKA-Xabarovsk 19 (0)
Milli yığma[* 2]
1975—1976 SSRİ SSRİ (olimpiya) 6 (0)
1975—1977 SSRİ SSRİ 11 (0)
Təltif və medalları
Olimpiya Oyunları
Bürünc Monreal 1976futbol
Təltif və medalları
"Əməkdə fərqlənməyə görə" medalı
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.

Vladimir Aleksandroviç Astapovski (rus. Влади́мир Алекса́ндрович Аста́повский; 16 iyul 1946, Bryansk – 12 aprel 2012[1], Moskva) — qapıçı mövqeyində çıxış etmiş sovet futbolçusu. SSRİ milli futbol komandasının keçmiş üzvü. Beynəlxalq dərəcəli SSRİ idman ustası (1976). Rusiyanın Əməkdar İdman Ustası (2003).

Klub karyerası

[redaktə | vikimətni redaktə et]

Vladimir Astapovski 16 iyul 1946-cı ildə Bryansk şəhərində anadan olub.[3] Futbolla məşğul olmağa uşaq yaşlarından elə orada — "Dinamo Bryansk" komandasının alt yaş qruplarında çıxış etməklə başlayıb.[3][4] İlk məşqçisi İosif Moçanis olub.[5]

Uşaqlıqdan dənizçi olmaq arzusunda olan Astapovski, 1960-cı illərin ortalarında Bakıya gedib və dənizçilik məktəbində təhsil almağa başlayıb.[4] Buradakı təhsili ilə paralel olaraq "Neftyanik" klubunun futbol məktəbində bu oyunun sirrlərinə yiyələnməyə çalışıb.[6] 1964-cü ildə o, artıq gənclərdən ibarət Azərbaycan SSR komandasında oynayır, həmçinin "Neftyanik"in heyətində gənclərin ümumittifaq yarışlarında mübarizə aparırdı.[4][6]

1965-ci ildə ordu sıralarına çağırılıb. SSRİ Hərbi Dəniz Qüvvələrinin Qara Dəniz Donanmasının tərkibində olan torpedo katerində xidmət edib.[3][4][6] Bir il sonra Qara Dəniz Donanması çempionatında iştirak etmək üçün qapıçıya ehtiyac yarandığından, Astapovskini müvəqqəti olaraq sahilə köçürüblər.[4] Burada çıxış etdiyi zaman onu Sevastopolun "SKÇF" klubunda baş məşqçi işləyən Vladimir Nikanorov görüb və klubuna dəvət edib.[3][4][6] Nikanorov tezliklə klubu tərk etsə də, Astapovski orada qalmış və 1968-ci ildə əsas komandanın heyətində debüt etmişdir.[4]

1969-cu il mövsümünün əvvəlində Moskvanın "MOİK" klubuna keçib. Ordu klubunun heyətində Yuri Pşeniçnikov və Leonid Şmuts kimi təcrübəli qapıçılar olduğundan, ilk mövsümdə heç bir oyunun iştirak ərizəsinə salınmayıb.[4][6] "MOİK"in heyətində ilk rəsmi oyununu 8 mart 1970-ci ildə, SSRİ çempionatı çərçivəsində "Şaxtyor Donetsk"ə qarşı keçirib.[3][7] Mövsümün sonunda "MOİK"in heyətində SSRİ çempionu adını qazanıb. Əsasnaməyə görə mövsüm ərzində keçirilən oyunların minimum 50 faizində iştirak etmiş oyunçulara medal verildiyindən, Astapovskiyə medal təqdim olunmayıb (32 mümkün oyundan 9-da oynayıb).[4][8] 1980-ci ildə Oleq Bazileviçin "MOİK"ə baş məşqçi təyin olunmasından sonra komandanı tərk edib.[3]

1981-1982-ci illərdə Xabarovskun "SKA" klubunda forma geyinib. Buradakı çıxışı zamanı ciddi heç nə ilə yadda qalmayan qapıçı, 36 yaşında peşəkar futbolçu karyerasını başa vurub.[3][4][9]

Milli karyerası

[redaktə | vikimətni redaktə et]

1975-1976-cı illərdə SSRİ Olimpiya yığma komandasının heyətində 6 oyun keçirib. Yığma ilə birlikdə Monreal-1976 Yay Olimpiya Oyunlarının bürünc medalına yiyələnib.[4][10]

29 noyabr 1975-ci ildə Rumıniya milli komandasına qarşı keçirilmiş yoldaşlıq oyununda SSRİ milli komandasının heyətində debüt edib. 1975–1977-ci illər aralığında formasını geyindiyi SSRİ milli komandasının heyətində ümumilikdə 11 oyun keçirib.[10]

Şəxsi həyatı

[redaktə | vikimətni redaktə et]

Qalina adlı xanımla ailə həyatı qurub. Bu evlilikdən Tatyana və Viktoriya adında iki qızı olub.[3]

Ölümü

[redaktə | vikimətni redaktə et]
Xarici şəkil
Astapovskinin Xovan qəbiristanlığında məzarı.

Son illər xəstəlikdən əziyyət çəkən Astapovski, 2012-ci il aprelin 12-də Moskvada vəfat edib.[11] Xovan qəbiristanlığında dəfn edilib.[12]

Nailiyyətləri

[redaktə | vikimətni redaktə et]

Komanda

[redaktə | vikimətni redaktə et]

MOİK

SSRİ Olimpiya yığma komandası

Şəxsi

[redaktə | vikimətni redaktə et]
  • SSRİ-də ilin futbolçusu: 1976
  • SSRİ-də mövsümün ən yaxşı 33 oyunçusu siyahısında: № 1 (1976), № 2 (1975)
  • Lev Yaşin adına "İlin qapıçısı" mükafatı: 1976

Dövlət mükafatları

[redaktə | vikimətni redaktə et]
  • Beynəlxalq dərəcəli SSRİ idman ustası: 1976
  • Rusiyanın Əməkdar İdman Ustası: 2003

İstinadlar

[redaktə | vikimətni redaktə et]
  1. 1 2 Не стало Владимира Астаповского. Новости. Официальный сайт РФС (rus.). rfs.ru. (İstifadə tarixi: 28 iyun 2012).
  2. 1 2 Olympedia (ing.). 2006.
  3. 1 2 3 4 5 6 7 8 "Астаповский Владимир Александрович". Sevastopol.su. 27 may 2024 tarixində arxivləşdirilib. İstifadə tarixi: 27 may 2024.
  4. 1 2 3 4 5 6 7 8 9 10 11 "Легенды". Pfc-cska.com. 27 may 2024 tarixində arxivləşdirilib. İstifadə tarixi: 27 may 2024.
  5. ↑ "Бронза на вес золота". 30 iyul 2012 tarixində arxivləşdirilib. İstifadə tarixi: 13 aprel 2012.
  6. 1 2 3 4 5 Валерий Винокуров. "Владимир Астаповский. Морская душа вратаря (1977)". 8 iyun 2012 tarixində arxivləşdirilib. İstifadə tarixi: 15 aprel 2012.
  7. ↑ "ЦСКА Москва - «Шахтёр» Донецк - 2:0". Footballfacts.ru. 19 sentyabr 2023 tarixində arxivləşdirilib. İstifadə tarixi: 30 may 2024.
  8. ↑ "Астаповский Владимир Александрович". Footballfacts.ru. 21 noyabr 2023 tarixində arxivləşdirilib. İstifadə tarixi: 30 may 2024.
  9. ↑ Дмитрий Иголинский. Владимир Бычек: «А в награду нас всех послали… в Мозамбик» Arxivləşdirilib 2016-08-06 at the Wayback Machine // Тихоокеанская звезда, 29.10.2002.
  10. 1 2 "Владимир АСТАПОВСКИЙ". Rusteam.su. İstifadə tarixi: 31 may 2024.
  11. ↑ Как жизнь? Arxivləşdirilib 2021-07-17 at the Wayback Machine // Советский спорт, 06 сентября 2011.
  12. ↑ "Хроника". // Спорт-Экспресс. 14 aprel 2012. 17 aprel 2012 tarixində arxivləşdirilib. İstifadə tarixi: 16 aprel 2012.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Vladimir_Astapovski&oldid=9088976"