Emin (müğənni)

Emin Ağalarov
Doğum tarixi	12 dekabr 1979(1979-12-12) (44 yaş)
Doğum yeri	Bakı, Azərbaycan SSR, SSRİ
Həyat yoldaşı	Leyla Əliyeva (2006–2015)
Atası	Araz Ağalarov
Təhsili	Merimaunt Manhetten Kolleci[d], Tenafly High School[d]
Fəaliyyəti	müğənni, mahnı yazarı[d], təşəbbüskar, cazmen
Fəaliyyət illəri	2005-ci ildən
emin-music.com
Vikianbarda əlaqəli mediafayllar

Ağalarov Emin Araz oğlu — biznesmen, bəstəkar, müğənni. O daha çox öz səhnə adı ilə daha məşhurdur — Emin.

Həyatı

Emin Ağalarov 12 dekabr 1979-cu ildə Bakıda anadan olub, 4 yaşından Moskvada yaşayır. Təhsilini İsveçrədə və ABŞ-da alıb. Marymount Manhattan College (Nyu-York) bitirib və "Maliyyə sahəsində biznes-menecment" diplomu var.. Rusiyada bizneslə məşğul olur və GQ jurnalının 2011-ci ildə "İlin İş Adamları" namizədləri arasından birinci yerə çıxmışdır.

Sahibkarlıq fəaliyyəti

Crocus Group adlı Rusiyanın ən iri developer şirkətlərindən birinin vitse-prezidentidi..

Bu kommersiya layihələrinə başçılıq edir:

• Krokus Siti ticarət-sərgi mərkəzinin strukturasına daxil olan, Krokus Siti Moll ticarət kompleksi və Krokus Siti Holl konsert zalı
• Vegas ticarət-əyləncə komplekslərinin şəbəkəsi
• Nobu, Zafferano, Shore House, Edoko, Rose Bar restoranları
• Sea Breeze Resort developer layihəsi (Nardaran)

Musiqi karyerası

Emin ABŞ-da olarkən musiqiyə marağı başlayıb. Xüsüsən Frenk Sinatra, Elvis Presli və özünün müəllimi kimi tanıtdığı Müslüm Maqomayev onun kumirləri arasındadır. 2006-cı ildə onun ilk Still adlı ingiliscə albomu çıxıb və albomla eyni adı daşıyan mahnı hitə çevrilib. Bu albomda o həm də bəstəkar kimi özünü göstərib. 2007-ci ildə İncredible adlı albomunu çıxardıb ki albomdakı Don't Cry mahnısı Нулевой Километр filminin saundtrekində yer alıb. Daha sonra isə Elvis və Frenk coverlərindən ibarət olan Obsession və Moskvadaki konsertinin DVD-sini də satışa çıxartdığı Devotion albomu satışa çıxıb.

Emin 2010-cu ildə artıq Avropaya musiqisini tanıtmaq qərarına gəlir və Wonder albomunu Britaniyada satışa çıxarır, Obvious mahnısını This Morning adlı verlişdə ifa edir. Əksər mahnılarının müəllifidir. Avropada xüsüsəndə Rusiya, Ukrayna və Azərbaycanda konsertlər verməyə davam edir.

Emin Ağalarovun Giving İn, Don't cry, Wonder, Falling, Any time you fall, Obvious, Stick together, Still, Make the world go away, Just for one night klipləri var.

Şəxsi həyatı

İş adamı Araz Ağalarovun oğludur və Azərbaycan prezidenti İlham Əliyevin kürəkənidir. 30 aprel 2006-cı ildə Leyla Əliyeva ilə evlənib. Mikayıl və Əli adında əkiz oğlanları var. Leyla Əliyeva və Emin Ağalarov "Stick Together" adlanan klipdə bir yerdə yer alıblar.

2015 ildə Ağalarov Britaniyanın Channel 5-daki intervtusunda Leyla Əliyeva ilə evliliyini bu cür giymətləndirirdi:

Hələ ki, evliliyin pozulmaması üçün çalışırıq. Mənim səyahətlərim çox olur, biz ayrı şəhərlərdə yaşayırıq, oğullarım Bakıda yaşayır.

—

Az sonra Leyla Əliyeva öz İnstagram səhifəsindən onun Eminlə nikahı son illər formal xarakter daşıdığını təsdiqləyib, Boşanmağımızı rəsmiləşdirməyin vaxtı çatıb və mən nikahımızı pozmaq qərarına gəldim, yazdı.

Albomları

• 2006: Still
• 2007: Incredible
• 2008: Obsession
• 2009: Devotion
• 2010: Wonder
• 2012: After the Thunder
• 2013: На краю
• 2014: Amor

Sinqlları

• 2011: "Any Time You Fall"
• 2012: "Heart Keeps Beating"
• 2012: "Baby Get Higher"
• 2012: "Never Enough"
• 2012: "Walk Through Walls"
• 2013: "Amor" / "In Another Life"
• 2014: "Смотришь в небо" (Emin & Loboda)
• 2015: "Boomerang"

Xarici keçidlər

• http://www.anspress.com/nid110077.html
• Emin Agalarov lyrics - Mahnı Sözləri