Xəlil Həsənov

Vikipediya, azad ensiklopediya
Jump to navigation Jump to search
Xəlil Həsənov
Xəlil Qədir oğlu Həsənov
Xəlil Həsənov.jpg
Şəxsi məlumatlar
Doğum tarixi
Doğum yeri Daşlı, Laçın rayonu
Vəfat tarixi
Vəfat səbəbi Şəhid
Dəfn yeri Qobustan rayonunun Hilmilli kəndində
Vətəndaşlığı SSRİ SSRİ
Azərbaycan Azərbaycan
Təltifləri "İgidliyə görə" medalı

Həsənov Xəlil Qədir oğlu — “İgidliyə görə” medalı ilə təltif edilmiş sərhədçi

Həyatı[redaktə | mənbəni redaktə et]

25 iyun 1979-cu ildə Laçın rayonunun Daşlı kəndində doğulmuşdur[1]. 1986-cı ildə Daşlı kənd orta məktəbinə getmişdir. Laçın rayonunun işğalından sonra ailəsi ilə birlikdə Qobustan rayonunun Hilmilli kəndində məskunlaşmışdır. 1997-ci ildə Qobustan rayonunun Hilmilli kənd orta məktəbini bitirmişdir.

1998-ci ildən Dövlət Sərhəd qoşunlarında xidmət etmişdir. 1999-cu il avqustun 20-də «N» saylı sərhəd zastavasının xidməti ərazisindən dövlət sərhədinin pozulmasının qarşısını alarkən həlak olmuşdur.

Qobustan rayonunun Hilmilli kəndində dəfn edilmişdir. Subay idi.

Təltifi[redaktə | mənbəni redaktə et]

Azərbaycan Respublikası Prezidentinin 17 avqust 2001-ci il tarixli 560 saylı fərmanı ilə Azərbaycan Respublikasının dövlət sərhədlərinin qorunmasında müqəddəs əsgəri və xidməti borcunu yerinə yetirərkən fərqləndiyinə görə Milli Təhlükəsizlik Nazirliyinin Sərhəd qoşunlarının hərbi qulluqçusu, sıravi Həsənov Xəlil Qədir oğlu (ölümündən sonra) “İgidliyə görə” medalı ilə təltif edilmişdir.

17 noyabr 2002-ci il tarixdə Bakının Sabunçu rayonu ərazisində yerləşən Laçın rayonunun 3 №li tam orta məktəbinə Həsənov Xəlil Qədir oğlunun adı verilmişdir. Məktəbin həyətində Xəlilin xatirəsini əbədiləşdirən memorial lövhə qoyulmuşdur.

İstinadlar[redaktə | mənbəni redaktə et]

  1. "Laçın yurdu" jurnalı, №2(9), Bakı, "Bəxtiyar-4" nəşriyyatı 2013, ("Şəhidlərimiz, and yerimiz" adlı xüsusi buraxılış))