Xəzər Universitetinin Dünya məktəbi

Vikipediya, azad ensiklopediya
Jump to navigation Jump to search
Xəzər Universiteti Dünya Məktəbi
Dunya1.jpg
Əsası qoyulub sentyabr 1998
Şəhər Bakı
Ölkə Azərbaycan Azərbaycan
Ünvan Azərbaycan Respublikası, Bakı şəhəri, AZ1130, Əcəmi Naxçıvani 9
dunyaschool.az

Dünya məktəbi1998-ci ilin sentyabrında Xəzər Universitetinin nəzdində yaradılmış məktəb. Təsisçilər: Hamlet İsaxanlıNailə İsayevadır.

Haqqında[redaktə | əsas redaktə]

Azərbaycanda ilk özəl ali məktəb olan Xəzər Universitetinin yaradıcısı professor Hamlet İsaxanlı Dünya məktəbini təsis etməklə Azərbaycanda ümumi orta təhsilin inkişafına öz töhfəsini vermişdir. Fəaliyyət göstərdiyi illər ərzində Dünya məktəbi ən müasir təlim metod və texnologiyalarının tətbiqinə əsaslanıb, dünyanın qabaqcıl təhsil təcrübəsindən faydalanmışdır. Dünya məktəbi öz fəaliyyətində uğurlu olmaq üçün aşağıda qeyd olunan şərtləri əsas götürür:

Savadlı və nüfuzlu rəhbər - Peşəkar müəllimlər - Həvəsli şagirdlər - Məktəbə bağlı olan valideynlər - Təlim standartları - Ciddi tədris kurikulumu - Şagirdlərin nailiyyətləri, təlim nəticələri - Akademik missiya - Güclü ünsiyyət əlaqələri - Şagirdlər və işçilər üçün əlverişli mühit.

Məktəb şərtlərin tamlığını çox vacib sayır, çünki bir şərtin olmaması uğursuzluğa aparır. Dünya məktəbində şagirdləri mümkün qədər çox öyrətmək əvəzinə, fikirləşməyi öyrətmək prinsipi əsas götürülür və tədris prosesinin təşkili bu yöndə qurulur. Məktəb şagird üçündür. Dünya məktəbi tədris prosesini təşkil edərkən böyük mahiyyətə malik olan bu sadə həqiqəti əsas götürür.

Yaranması[redaktə | əsas redaktə]

Dünya Məktəbi Azərbaycanda ilk özəl universitet olan Xəzər Universitetinin yaradıcısı, professor Hamlet İsaxanlı tərəfindən 1998-ci ildə Xəzər Universiteti nəzdində təsis edildi. Məktəb sonrakı inkişaf mərhələsində iki təsisçi  -Hamlet İsaxanlıNailə xanım İsayeva tərəfindən yenidən quruldu.

Dünya Məktəbi Azərbaycan Respublikasının Prezidenti İlham Əliyev tərəfindən 2012-2013-cü tədris ilində “İlin ən yaxşı məktəbi” adına layiq görülmüşdür.

Məktəbdə tədris 3 dildə  – Azərbaycan türkçəsi, rusingilis dillərində aparılır. Məktəbin əməkdaşları və müəllimləri müxtəlif ölkələrdə təlim keçmiş, təhsil və tədrisdə beynəlxalq təcrübəni tətbiq edən mütəxəssislərdir.

Məktəbin məzunları dünyanın tanınmış ali təhsil ocaqlarında təhsil alırlar.

Himn[redaktə | əsas redaktə]

Sözləri Hamlet İsaxanlıya və musiqisi Nailə xanım İsayevaya məxsus olan mahnı.[1] Xəzər Universiteti nəzdində fəaliyyət göstərən Dünya məktəbinin mahnısı kimi yazılmışdır. Onun iki müxtəlif ifası vardır; sonuncu ifa Dünya məktəbi xoruna məxsusdur.[2]

Söz[redaktə | əsas redaktə]

"Dünyam"

(Balaсa məktəblilərə)

Üfüqdə qızartı var,
Geсə yandı-yaxıldı,
Qızılı sarı oxlar
Pənсərəmə taxıldı.

Günəş göydə göründü,
Dünyam nura büründü.
Xəyal gerçəyə döndü,
Gerçək sanki nağıldı!

Təbiətə aşiq ol,
Oxu, yaz, yarat bol-bol,
Gələсəyə gedən yol
Düşünсədi, ağıldı!

Fəaliyyəti[redaktə | əsas redaktə]

Məktəb müasir təlim tərbiyə ocağı kimi Azərbaycan Respublikası Təhsil Nazirliyinin lisenziyası əsasında fəaliyyət göstərir. Zəngin və rahat kitabxana, müasir kompüterlər, laboratoriyalar, işıqlı və geniş sinif otaqları, incəsənət studiyası, müasir işıq və səs sistemi olan yaraşıqlı konsert salonu, idman zalı, yeməkxana, həkim nəzarəti, şagirdlərin evdən məktəbə, məktəbdən evə hərəkətini təmin edən nəqliyyat xidməti, yüksək səviyyəli müəllim və inzibatçılar və s. məktəbi bənzərsiz təhsil ocağına çevirmişdir.

"Dünya" məktəbində ibtidai və orta təhsillə yanaşı məktəbəqədər hazırlıq sinifləri də fəaliyyət göstərir.

Təhsil həftəsi 5 günlükdür. Şənbə günü dərsdənkənar dərnəklər fəaliyyət göstərir, mədəni və əyləncəli görüşlər təşkil olunur. Şagirdlər saat 8/8.50-dən 15.20/16-ya qədər məktəbdə olurlar.

2009-cu il yanvar ayının 16-dan etibarən Dünya Məktəbi beynəlxalq statusu alaraq IB World School oldu.

Qəbul qaydaları[redaktə | əsas redaktə]

Məktəbə ən müxtəlif ailə və zümrələrdən olan zehni cəhətdən normal inkişaf etmiş şagirdlər bilik, bacarıq və qabiliyyət nümayişinə əsaslanan imtahan və müsahibə yolu ilə qəbul edilir. Məktəbə qəbulda uğur qazanmayan şagirdlərə xüsusi təyin olunmuş vaxtda özlərini yenidən sınamaq imkanı verilir.

Məktəbin təşkili[redaktə | əsas redaktə]

Təlim və tərbiyənin müxtəlif pillələrinə uyğun olaraq "Dünya" məktəbi dörd sahəyə (şöbəyə) bölünür:

  • Məktəbəqədər təhsil (3-5 yaş),
  • İbtidai təhsil (1-5 siniflər),
  • Əsas və ya aşağı orta təhsil (6-9 siniflər),
  • Yuxarı orta təhsil (10-11 siniflər).

Təhsil[redaktə | əsas redaktə]

"Dünya" məktəbində təhsil əsasən Azərbaycan dilindədir. Bununla yanaşı, beynəlxalq ünsiyyət vasitəsi olan ingilis dili məktəbdə ikinci əsas dil hesab olunur. Bu, şagirdləri daim dəyişməkdə olan dünyaya hazırlayır, onlara öz vətəni ilə digər ölkələr arasında əlaqələr qurmaq imkanı verir.

Təsviri incəsənət, musiqi, dram, rəqs və digər sənət sahələri, zəka oyunları, şahmat və digər idman növləri məktəbin tədris proqramını tamamlayır.

"Dünya" məktəbi şagirdlərinin məktəbdə və Bakı şəhərinin sərgi salonlarında nümayiş etdirilən rəsm sərgiləri, müxtəlif yarışlar, təntənəli bayram şənlikləri,məşhur insanlarla görüşlər, müzeylərə və teatrlara getmək, tarixi yerlərə səfərlər, təbiət qoynunda gəzintilər və əlbəttə ki, Xəzər Universiteti ilə sıx əlaqələr məktəb həyatını daha da maraqlı edir, şagirdlərin dünyagörüşünü genişləndirir, onları yaradıcılığa həvəsləndirir.

Dünya bağçası və məktəbəqədər təhsil[redaktə | əsas redaktə]

Dünya məktəbi Məktəbəqədər hazırlıq bölməsində balacaları 2014-2015 tədris ili üçün 1-ci sinfin azərbaycan, rus və ingilis bölmələrinə hazırlayır. Hazırlıq həftədə 3 dəfə, 1,3,5 -ci günlər saat 11:30-dan 13:45-dək keçirilməklə xüsusi proqram təqdim edir.

"Dünya" məktəqədər təhsil proqramı uşaqların qabiliyyətini açmağa və inkişaf etdirməyə xidmət edir, uşaqları ibtidai təhsilə uğurla başlamağa hazırlayır.

Məktəbəqədər təhsil uşaqların fərdi xüsusiyyətlərini nəzərə almaqla onun əqli, fiziki, sosial və mənəvi inkişafına xidmət edir. Bu məqsədə nail olmaq üçün aşağıdakı məşğələ növləri ön plana çəkilir:

1 Azərbaycan dili praktikası
2 Oxu və yazı üzrə hazırlıq
3 Sadə riyazi bilik
4 Təbiət və həyat bilgisi
5 İngilis dili (oyunlar vasitəsilə)
6 Rəsm
7 Nəğmə və musiqi
8 Oyunlar
9 Kompüter
10 Bədən tərbiyəsi
11 Sərbəst fəaliyyət

Nəğmələr və şeirlər, hekayələr və teatr oyunları proqramı daha da zənginləşdirir.

İbtidai təhsil[redaktə | əsas redaktə]

Azərbaycanda ibtidai məktəb 1-4-cü sinifləri əhatə edir və bu dörd il ərzində əsas ağırlığı bir sinif müəllimi üzərinə götürür. Bu, bir sıra dərslərin, məsələn riyaziyyatın tədrisində müəyyən çətinliklər yarada bilir. Dünya məktəbində artıq 3-cü sinifdən başlayaraq dərslər ayrı-ayrı fənn müəllimləri tərəfindən tədris olunur. Müxtəlif yanaşma və ixtisaslaşmış təlim metodları ilə rastlaşan şagirdlər daha geniş və yaradıcı düşünmək imkanı əldə edirlər.

Azərbaycan bölməsi[redaktə | əsas redaktə]

İbtidai təhsilin əsas məqsədi şagirdə yüksək yazı və oxu texnikasını öyrətmək,riyazi düşüncə tərzini aşılamaq,onda məntiqi təfəkkürü inkişaf etdirmək,məktəbə və təhsilə maraq oyatmaq və nəticə etibarilə,onu təhsilin yuxarı pillələrinə hazırlamaqdır. Mənimsəmədə qismən geri qalan şagirdlərlə əlavə məşğələlər keçirilir. Təlim prosesində Beynəlxalq təhsil sisteminə inteqrasiya edilir.Qazanılan biliklərin bacarıqlara çevrilməsi üçün interaktiv təlim metodlarına üstünlük verilir.Nəticədə şagird fəallığını yüksəltmək məqsədi ilə onlarda,tənqidi düşünmə, açıqfikirlilik,təqdimetmə,tədqiqat aparma,özünüifadə,dinləmə,ünsiyyətqurma və s. bacarıqlar formalaşır.

Maraqlı, rəngarəng, oyun xarakterli tapşırıqlar, şagirdlərin yaş səviyyəsinə uyğun olaraq onlarda sosial adaptasiya, intellektual, ünsiyyət bacarıqlarını formalaşdırır, psixoloji gərginliyi aradan qaldırır.

İbtidai siniflərdə tədris olunan fənnlər:

1 Azərbaycan dili (oxu)
2 Azərbaycan dili (yazı)
3 İngilis dili
4 Üçüncü (xarici) dil
5 Riyaziyyat
6 Kompüter
7 Həyat və təbiət bilgisi
8 Musiqi
9 Təsviri incəsənət
10 Bədən tərbiyəsi
11 Rəqs və ya bədii-tətbiqi sənət

Rus bölməsi[redaktə | əsas redaktə]

Dünya məktəbində ibtidai təhsilin rus bölməsində şagirdlərə oxu və yazı bacarıqları öyrədilir, onların riyazi düşüncə və məntiqi təfəkkürü inkişaf etdirilərək təhsilin yuxarı pillələrinə hazırlanır. Dərsləri zəif qavrayan şagirdlərlə əlavə məşğələlər keçirilir.

Tədris olunan əsas fənlər:

1 Rus dili (oxu)
2 Rus dili (yazı)
3 Azərbaycan dili
4 İngilis dili
5 Riyaziyyat
6 Kompüter
7 Həyat və təbiət bilgisi
8 Musiqi
9 Təsviri incəsənət
10 Bədən tərbiyəsi
11 Rəqs və ya bədii-tətbiqi sənət

İngilis bölməsi[redaktə | əsas redaktə]

Dünya məktəbi 2015-ci ilin aprel ayında “İbtidai illər proqram”ını (PYP) həyata keçirmək üçün rəsmi olaraq Beynəlxalq Bakalavr Təşkilatına müraciət etmiş və namizəd məktəb statusu almışdır. PYP Beynəlxalq Bakalavr Təşkilatı tərəfindən 3-12 yaşlı şagirdlər üçün xüsusi olaraq yaradılmış kurrikulumdur. Proqram nəzərdə tutduğu sinif daxili və sinifdən kənar bütün fəaliyyət növləri (məşğələlər) ilə 3-12 yaş arasındakı şagirdlərin tədqiq və mühakimə edən bir fərd olaraq böyüməsinə xüsusi diqqət ayırır.

PYP kurrikulumu 5 əsas element üzərində qurulmuşdur:  anlayış, bilik, bacarıq, münasibət və fəaliyyət. Bu əsas elementlər vasitəsilə şagirdlər qlobal əhəmiyyətə malik müvafiq biliklər əldə edir, təlim prosesində ətraf aləmlə əldə etdikləri bilikləri əlaqələndirmək üçün lazım olan məfhumları qavrayır, müxtəlif elm sahələrinə məxsus bacarıqlar əldə edir, mütərəqqi dünya görüşünə sahib olmaq üçün müvafiq davranışları inkişaf etdirir, təlim prosesi nəticəsində öyrəndiklərini fəaliyyətdə əks etdirirlər.

PYP kurrikulumu aşağıdakı tədqiqat mövzularının tədrisini nəzərdə tutur:

  • Biz kimik (Who we are)
  • Məkan və zaman baxığımından haradayıq (Where we are in place and time)
  • Özümüzü necə ifadə edirik (How we express ourselves)
  • Dünyanın işləmə mexanizmi (How the world works)
  • Özümüzü təşkil etmə yolları (How we organize ourselves)
  • Dünyanı paylaşmaq (Sharing the planet)

Orta və Tam orta təhsil[redaktə | əsas redaktə]

Azərbaycan bölməsi[redaktə | əsas redaktə]

Peşəkar  müəllimlər şagirdlərin məntiqi təfəkkür və təhliletmə qabiliyyətini inkişaf etdirir, onların təbiət elmlərinin və müasir texnologiyaların, humanitar və sosial elmlərin əsaslarını mənimsəməsi, yaxşı vətəndaş kimi yetişməsi üçün əllərindən gələni əsirgəmirlər.

Tədris olunan əsas fənlər:

Azərbaycan dili Azərbaycan ədəbiyyatı Dünya ədəbiyyatı İngilis dili Üçüncü dil (rus, ərəb, italyan, fransız, ispan, alman, çin, yapon və s.) Təbiət elmləri (fizika, astronomiya, biologiya, kimya) Riyaziyyat Kompüter elmləri Dünya tarixi Azərbaycan tarixi Coğrafiya Etika Təsviri incəsənət Musiqi İdman Bədii və tətbiqi sənət (teatr, rəqs və s.)

Əlavə olaraq, şagirdlər psixologiya, fəlsəfə, estetika, siyasi, iqtisadi və sosial elmlər, musiqi nəzəriyyəsi, elm və texnologiya tarixi, xor, şahmat və s. seçmə fənlərə yazıla bilərlər.

Yuxarı sinif şagirdləri həmçinin gələcək ali təhsil kreditləri qazanmaq üçün məktəbin tövsiyəsi ilə Xəzər Universitetində bəzi fənlərə yazılmaq kimi fövqəladə imkana da malikdirlər.

Rus bölməsi[redaktə | əsas redaktə]

Dunya məktəbinin rus bölməsində orta təhsil 4-cü sinifdən 9-cu sinifi əhatə edir. 9-cu sinifdə Beynəlxalq Bakalavr proqramının hazırlığı (Pre-İB) həyata keçirilir.  Hazırlığın əsas məqsədi şagirdlərə zəruri bilik, bacarıq və vərdişlər verməklə onları müstəqil həyata və beynəlxalq ali təhsilə hazırlamaqdır.

Rus bölməsində dərs deyən müəllimlərin tədris planına tədris işləri üzrə rus bölməsinin direktor müavini bilavasitə nəzarət edir və şagirdlərə zəruri bilik, bacarıq və vərdişlərin verilməsi ilə yanaşı onların müstəqil həyata və ali təhsilə hazırlanması işində müəllimlərin peşəkarlığının artırılmasına yardım edir.

Dünya IB məktəb (World IB School)[redaktə | əsas redaktə]

"Dünya" məktəbi 2009-cu il yanvarın 16-da beynəlxalq IB məktəbi statusu aldı,Dünya IB Scool adı ilə Beynəlxalq Bakalavr Təşkilatı-İnternational Baccalaurate Organization-IBO-nun üzvü oldu. Təhsilə məzmun və forma baxımından böyük yeniliklər gətirmiş IB təşkilatı 1968-ci ildə yaradılmışdır. IBO ibtidai və orta məktəb sahəsində nümunəvi dünya şəbəkəsi quran yeganə təşkilatdır,ikinci beynəlxalq şəbəkə sadəcə yoxdur. IBO-nun sanballı təhsil proqramını uğurla başa vuran şagird IBO diplomunu əldə edir.

"Dünya" məktəbi 2009-cu ilin sentyabrından IBO proqramını tətbiq etməyə başlayacaq. Bu məktəbi bitirənlər beynəlxalq IB diplomu, eyni zamanda Azərbaycan orta təhsil attestatı alacaqdır.

"Dünya" məktəbi 2009-cu il sentyabrında 10-cu sinifdə IBO proqramını tətbiq etməyə başlayacaq, bir il sonra isə həm 10-cu və 11-ci siniflərin dərsləri IBO proqramı üzrə aparılacaq. Bu siniflərdə dərslər ingilis dilində aparılacaq(Azərbaycan dili və ədəbiyyatı istisna olmaqla). IBO-nun şərtlərinə görə dərs deyəcək müəllimlərin hamısı xarici ölkələrdə treyninqlərdə iştirak edəcəklər. IB DP-nin məqsədi beynəlxalq dəyərlərə sahib olan, daha yaxşı və daha sakit bir dünya yaratmaq istəyən vətəndaşlar yetişdirməkdir. Bu məqsədlər IB şagird profili vasitəsilə həyata keçirilir. Şagirdlərimizin düşünən, tədqiq edən, mühakimə edən, ünsiyyət quran, risk edən, bilikli, prinsipial, obyektiv, açıq fikirli insan kimi formalaşması hədəflərimizdən biridir. Burada təhsil alan şagirdlər məktəb həyatına qədəm qoyduğu ilk illərdən sosial məsuliyyətə cılb olunurlar. Şagirdlər ilk gündən anlayırlar ki, onların atdığı hər bir addım başqalarının həyatına da təsir edir.

Kampus Həyatı[redaktə | əsas redaktə]

Laboratoriyalar[redaktə | əsas redaktə]

Məktəbdə çoxsaylı və geniş təchizatlı müasir laboratoriyalar şagirdlərin nəzəri biliklərini təcrübi əsaslarla öyrənmək və praktikada tətbiq etmək imkanı verir. Mövcud Fizika, Kimya, Biologiya, Neft Avadanlıqları, Kompüter, Film Animasiya, Təsviri İncəsənət laboratoriyaları dərs məşğələlərinin təcrübə əsasında daha səmərəli keçməsi və tədrisin mükəmməl olması üçün xüsusi şərait yaradır.

Kitabxana[redaktə | əsas redaktə]

"Dünya" məktəbinin kitabxanası 1998-ci ildən fəaliyyət göstərir. Xəzər Universiteti mərkəzi kitabxanasının fondundan da istifadə etmək hüququ olan bu kitabxana elmi və bədii ədəbiyyat, ensiklopediyalar, ingilis və rus dilində maraqlı kitablar, dərsliklər, jurnallar, audio və video vəsaitlərlə zəngindir. Kitabxananın durmadan zənginləşməsi Dünya məktəbinin üstün hesab etdiyi məsələlərdən biridir.

Kitabxanada şagirdlərin müstəqil işləməsi üçün şərait yaradılıb. Kompüter və internet xidməti də şagirdlərin ixtiyarına verilib.

Məktəbin kitabxanası Azərbaycan, ingilis, rus və bir sıra digər dillərdə olan bədii ədəbiyyat, lüğətlər, məlumat kitabları, elmi ədəbiyyat, dərslik və dərsliklərə əlavələrlə zəngindir. Bundan əlavə kitabxana dövrü mətbuatda dərc olunan jurnal və qəzetləri də əldə edir. Kitabxana çağdaş elektron kataloq və xidməti sistemi ilə təmin olunmuşdur. Bu, məktəblilərin kitabxanadan sərbəst istifadə etmələrinə şərait yaradır. Bənzərsiz dizayna və zəngin fonda malik Dünya məktəbi kitabxanası tək məktəb kollektivi üçün deyil, həm də müxtəlif təhsil oçaqlarının şagird və müəllimlərini cəlb edən mədəniyyət oçağıdır.

İdman Kompleksi[redaktə | əsas redaktə]

Dünya məktəbinin geniş və rahat idman kompleksi şagirdlərin sevərək əyləndikləri məkandır. Kompleks günün bütün saatlarında fəaliyyətdədir. Şagirdlərin sağlamlığını və fiziki inkişafını təmin edən üzgüçülük hovuzu, basketbol, voleybol, mini-futbol zalı, bədii gimnastika və güləş-döyüş növləri zalı hər zaman onların istifadəsindədir.

Dünya məktəbinin həyətində müasir standartlara uyğun quraşdırılmış idman kortu şagirdlərə açıq havada basketbol, voleybol, futbol və tennis oynamaq imkanı verir.

Yeməkxana[redaktə | əsas redaktə]

Məktəbin geniş yeməkxanası şagirdləri gün ərzində gündə 2 dəfə sağlam qida ilə təmin edir. Yeməklər peşəkar aşpazlar tərəfindən hazırlanır və həkim-dietoloq nəzarətindən keçir.

Avto Dayanacaq[redaktə | əsas redaktə]

Dünya məktəbinin yeraltı avtomobil dayanacağı müasir sistemlərlə təchiz edilmişdir. Dayanacaqda havalandırma, yanğından mühafizə və təhlükəsizlik sistemləri quraşdırılıb.

Mühafizə xidməti[redaktə | əsas redaktə]

Məktəbin təhlükəsizliyini təmin edən mühafizə xidməti mövcuddur. Məktəbə giriş kard sistemi ilə həyata keçirilir.

Kampusda şagirdlərin təhlükəsizlik qaydalarına riayət etmələrinə mühafizə personalı xüsusi quraşdırılmış kameralarla nəzarət edir.

Nailiyyətləri[redaktə | əsas redaktə]

Dünya məktəbinin şagirdləri region, şəhər, respublika və beynəlxalq müsabiqələrdə iştirak edir, təcrübə və uğur qazanırlar. Yüksək səviyyədə qurulmuş ciddi və tələbkar təhsil sisteminin nəticəsi olaraq, məktəbi bitirən şagirdlər dünyanın müxtəlif ölkələrində təhsillərini davam etdirmək hüququ qazanırlar. Təsadüfi deyil ki, məktəb 2012-2013-cü təhsil ilində "İlin ən yaxşı məktəbi" adına layiq görülmüşdür. Məktəbin şagirdləri hər il müxtəlif fənlər üzrə keçirilən olimpiadalarda, müsabiqələrdə uğurlar qazanır, fəxri yerlər tuturlar.

İstinadlar[redaktə | əsas redaktə]

  1. İfa
  2. Hamlet İsaxanlı. Bu da bir həyatdı. Xəzər Universitəsi Nəşriyyatı, Bakı, 2004. İSBN 9952-20- 018-8

Xarici keçidlər[redaktə | əsas redaktə]