Xudu İbrahimoğlu

Vikipediya, açıq ensiklopediya
Keçid et: naviqasiya, axtar
Xudu İbrahimoğlu
Xudu İbrahim oğlu Mustafayev
Xudu İbrahimoğlu.jpg
Doğum tarixi 1 yanvar 1939 (1939-01-01) (78 yaş)
Doğum yeri Flag of the Soviet Union.svg SSRİ
Flag of the Azerbaijan Soviet Socialist Republic.svg Azərbaycan SSR, Ağdam, Gülablı kəndi
Vəfatı 2004(2004-Şablondakı doğum və ya ölüm tarixində texniki yanlışlıq var!-00)
Vəfat yeri Bakı, Azərbaycan
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Milliyyəti Azərbaycanlı
İxtisası jurnalist
Təhsili Bakı Dövlət Universiteti
Əsərlərinin dili Azərbaycanca

Xudu İbrahimoğlu (tam adı: Xudu İbrahim oğlu Mustafayev) - maarif xadimi, müəllim, publisist, şair.

Orxan Məmmədov (Baharlı). Ağdamın adlı-sanlı pedaqoqları, alimləri. Bakı, 2001

Həyatı[redaktə | əsas redaktə]

Xudu İbrahimoğlu 1 yanvar 1939-cu ildə Ağdam rayonunun Gülablı kəndində anadan olmuşdur. O, 1949-cu ildə Ağdam şəhər yeddiilik məktəbin I sinfinə daxil olmuş, 1959-cu ildə 2 nömrəli beynəlmiləl orta məktəbi Qızıl medalla bitirmişdir. 1959-1964 illərdə Azərbaycan Dövlət Universitetinin (indiki Bakı Dövlət Universiteti) Filogiya fakültəsinin dil-ədəbiyyat şöbəsində ali təhsil almış, fərqlənmə diploma ilə başa vurmuşdur.

Xudu İbrahimoğlu Ağdamda müəllim (1964-66), "Lenin yolu" (indiki "Ağdam" qəzeti) qəzetində ədəbi işçi (1966-69), Respublika Kənd Təsərrüfatı Nazirliyi nəşriyyat şöbəsində redaktor (1969-73), Az.KPMK “Təşviqatçı” jurnalında baş ədəbi işçi (1971-79), Abşeron RPK-də şöbə müdiri (1979-84), həmin rayonun məktəb direktoru (1984-87), “Abşeron” qəzetində redaktor müavini (1987-89), Bakı Şəhər İcra Hakimiyyətində tərcümə bölməsinin müdiri vəzifələrində işləmişdir.

Xudu İbrahimoğlu 2004 ildə Bakıda vəfat etmişdir.

Yaradıcılığı[redaktə | əsas redaktə]

Xudu İbrahimoğlu 100-dən çox elmi və publisist məqalənin, kitabların müəllifidir: “Dünya şöhrətli həmvətənimiz” (M.F.Axundov haqqında), “Qüdrətli jurnalist” (C.Məmmədquluzadə haqqında), “Unudulmaz sənətkar” (H.Cavid haqqında), “Şairin həyat fəlsəfəsi” (S.Vurğun haqqında) və s.

Xudu İbrahimoğlu istedadlı şair kimi tanınmış, orta məktəb illərində rayon qəzetində, sonralar respublikanın müxtəlif mətbuat orqanlarında "Xudu Mustafayev", "Xudu Sadiq", "Xudu İbrahimoğlu" imzaları ilə şeirlər dərc etdirmişdir. Orta məktəbdə təhsil aldığı illərdə “Bizim yaxşı nənəmiz” adlı birpərdəli pyesi məktəb dramsevərləri tərəfindən tamaşaya qoyulmuşdur.

Xudu İbrahimoğlunun 2000-ci ildə “Gülə bilmirəm, ölə bilmirəm” şeirlər və poemalar kitabı çapdan çıxmışdır. Çap edilməmiş “Güldürmə məni”, “Yaralı düşüncələr”, “Arzumuzun məbədi”, “Rüşvət virusu”, “Kişi sözü”, “Ömürdən qalan anlar”, “Köhnə havalar təzə ifada”, “Aşıqsayağı” adlı şeir topluları, “Balabacı firması”, “Kim yatmış, kim oyaq”, “Kişi adamlar”, “Ailə əhvalatı”, “Yeniyetmələr” və b. pyesləri vardır.

Mənbə[redaktə | əsas redaktə]

  • Orxan Məmmədov (Baharlı). Ağdamın adlı-sanlı pedaqoqları, alimləri. Bakı, Sabah, 2001

Həmçinin bax[redaktə | əsas redaktə]

Ağdam rayonunun Gülablı kəndi