Azərbaycan Milli Elmlər Akademiyasının Naxçıvan Bölməsi

Azərbaycan Milli Elmlər Akademiyasının Naxçıvan Bölməsi – 2002-ci ildə prezident Heydər Əliyevin təşəbbüsü ilə Azərbaycan Milli Elmlər Akademiyasının Naxçıvan Bölməsi yaradılır.

Strukturu

• Tarix, Etnoqrafiya və Arxeologiya İnstitutu.
• İncəsənət, Dil və Ədəbiyyat İnstitutu.
• Təbii Ehtiyatlar İnstitutu.
• Bioresurslar İnstitutu.
• Əlyazmalar Fondu.
• Batabat Astrofizika Rəsədxanası.
• AMEA Naxçıvan Bölməsi "Tusi" nəşriyyatı.
• AMEA Naxçıvan Bölməsinin elmi kitabxanası.
• AMEA Naxçıvan Bölməsi nəzdində fəaliyyət göstərən N.01.211 dissertasiya şurası.

Bölmədə AMEA-nın 2 həqiqi, 4 müxbir üzvü, 30-a yaxın elmlər doktoru, professor, 180 fəlsəfə doktoru elmi fəaliyyətlə məşğuldur. Bölməsi nəzdində üç ixtisas üzrə müdafiə şurası fəaliyyət göstərir.

Şuranın fəaliyyəti dövründə həm Muxtar Respublikada yaşayan, həm də respublikamızın müxtəlif regionlarından olan 40-a yaxın dissertant tarix, arxeologiya və iqtisadiyyat elmləri üzrə dissertasiyalar müdafiə etmişdir. 2010-cu ildə bölmənin 13 əməkdaşı müvəffəqiyyətlə müdafiə etmiş, alimlik dərəcəsinə layiq görülmüşdür.

Kadr hazırlığı sahəsindəki gərgin əməyi sayəsində bölmədə elmlər doktorunun sayı 7 nəfərə, fəlsəfə doktorları isə 45-ə çatmışdır. Həmin ildə bölmə alimləri Azərbaycan Respublikasının Prezidenti yanında Elm Fondunun 2 qrant layihəsini udmuş və hazırda həmin layihələr həyata keçirilməkdədir. Fizika və kimya elmləri üzrə 4 əməkdaş apardığı tədqiqatlarla əlaqədar patent almışdır. Müxtəlif istiqamət və ixtisaslar üzrə 700-dən çox əsər yazılmışdır.

AMEA-nın Naxçıvan Bölməsinin "Xəbərlər" elmi jurnalı mütəmadi olaraq işıq üzü görür.

AMEA-nın Naxçıvan Bölməsinin sədri, AMEA Rəyasət Heyətinin üzvü İsmayıl Hacıyevdir.

Həmçinin bax

• Azərbaycan Milli Elmlər Akademiyası
• Azərbaycan Milli Elmlər Akademiyasının Gəncə Bölməsi