Gülçöhrə Məmmədova

Gülçöhrə Məmmədova
Doğum adı	Gülçöhrə Hüseyn qızı Məmmədova
Doğum tarixi	24 aprel 1953(1953-04-24) (71 yaş)
Doğum yeri	Vedi rayonu, Ermənistan SSR, SSRİ
Elmi dərəcələri	memarlıq doktoru, texnika elmləri doktoru
Elmi adı	professor
İş yerləri	Azərbaycan Memarlıq və İnşaat Universiteti
Təhsili	Uluxanlı məktəbi, Azərbaycan Memarlıq və İnşaat Universiteti
Mükafatları

‎

Gülçöhrə Məmmədova — memarlıq doktoru, professor, Azərbaycan Memarlıq və İnşaat Universitetinin rektoru.

Həyatı

Gülçöhrə Məmmədova 24 aprel 1953-cü ildə Qərbi Azərbaycanın Vedi rayonunda anadan olmuşdur. 1971-ci ildə orta məktəbi bitirdikdən sonra Azərbaycan Politexnik İnstitutunun memarlıq fakültəsinə daxil olmuş və 1976-cı ildə yeni yaranmış Azərbaycan İnşaat Mühəndisləri İnstitutunun memarlıq fakültəsini bitirmişdir. 1975-ci ilin sentyabr ayında Azərbaycan İnşaat Mühəndisləri İnstitutunun komsomol komitəsinin katibi seçilmiş və 1979-cu ilə qədər həmin vəzifədə işləmişdir. 1979-cu ildə həmin institutun memarlıq konstitusiyaları və abidələrin bərpası kafedrasında assistent vəzifəsində işə başlamışdır. 1987-ci ildən həmin kafedranın baş müəllimi, 1991-ci ildə dosenti, 2000-ci ildə isə professoru vəzifəsinə seçilmişdir.

1999-cu ildə Azərbaycan Memarlıq və İnşaat Universitetinin rektoru təyin edilmişdir.

Elmi fəaliyyəti əsasən Qafqaz Albaniyasının memarlığı və Azərbaycan ərazisində xristian dini memarlığının tədqiqi ilə bağlıdır. Bir çox abidələrin bərpa və elmi rekonstruksiya layihələrini işləmişdir.

Azərbaycanlıların Soyqırımı Günü ilə bağlı Azərbaycan İnşaat və Memarlıq Universitetində keçirilən tədbir

Azərbaycanlıların Soyqırımı Günü ilə bağlı Azərbaycan İnşaat və Memarlıq Universitetində keçirilən tədbir

1985-ci ildə "Qafqaz Albaniyasının erkən orta əsrlər xristian memarlığı" mövzusunda namizədlik dissertasiyasını, 1999-cu ildə "Qafqaz Albaniyasının dini memarlığı" mövzusunda doktorluq dissertasiyasını müdafiə etmişdir.

Bir çox beynəlxalq elmi konfransların təşkil olunmasında iştirak edib və məruzələrlə çıxış etmiş, memarlıq abidələrinin bərpası ilə bağlı bir sıra beynəlxalq layihələrə rəhbərlik etmişdir.

2000-2005-ci il tarixində Azərbaycan Respublikası II çağırış Milli Məclisinin deputatı olmuşdur.

1985-ci ildən Azərbaycan Memarlar İttifaqının üzvüdür. Beynəlxalq Elmlər Akademiyası Şərqi Avropa Bölməsinin və Şərq ölkələri Beynəlxalq Memarlıq Akademiyasının həqiqi üzvüdür. 2006-cı ildə ona "Azərbaycan Respublikası Əməkdar Memarı" fəxri adı verilmişdir.

Ailəlidir, iki övladı, bir nəvəsi vardır.

Xarici keçidlər

• Gülçöhrə Məmmədova "Akademik Palma" aldı