Politologiya

Siyasi elm (Azərbaycan və bir sıra post-Sovet ölkələrində o cümlədən politologiya) bir sosial elm olub siyasi davranışın, siyasi sistemlərin və geniş mənada siyasətin nəzəriyyəsi, təhlili, təsviri və proqnozu ilə məşğul olur.

Siyasi elm sosial elmlər içərisində nisbətən gənc olsa da, öz başlanğıcını tarix, siyasi fəlsəfə, siyasi iqtisad kimi elmlərdən götürmüşdür. Elmin gənc olmasına baxmayaraq, bir çoxları onun banisi kimi Aristoteli qəbul edirlər. Siyasi elmin kökündə duran fikirlərə hələ qədim Çin və Hindistanda, Aristotel və Platonun əsərlərində rast gəlinsə də bir elm kimi onun formalaşmağı XIX əsrin 60-cı illərinə təsadüf edir. 1903-cü ildə Amerikan Siyasi Elm Assosiasiyasının 1906-cı ildə is Amerikan Siyasi Elm Jurnalının əsasının qoyulması ilə bu sahədə tədqiqatlar daha da genişlənmişdir. 1950-1960-cı illərdə elm aləmində baş vermiş Biheviorist inqilab nəticəsində Siyasi elm daha da təkmilləşərək insanların fərd və qrup halında davranışına doğru istiqamətlənmişdir. Eyni zamanda siyasi elm sosiologiya, iqtisadiyyat,antropologiya, psixologiya kimi digər elmlərlə də əməkdaşlığı gücləndirmişdir.

Bugün siyasi elm qərarların qəbulu prosesi, hakimiyyətin dövredilməsi, siyasi idarəetmənin sistemləri və rolları, eləcə də siyasi davranışı öyrənir.

Xarici keçidlər

• Amerikan Siyasi Elm Assosiasiyası