Rafiq Tağı: Redaktələr arasındakı fərq
Redaktənin izahı yoxdur |
Redaktənin izahı yoxdur |
||
Sətir 30: | Sətir 30: | ||
|imdb_id = |
|imdb_id = |
||
|İmzası = |
|İmzası = |
||
|Sayt = rafiqtagi.com |
|Sayt = http://www.rafiqtagi.com |
||
}} |
}} |
||
19:57, 13 fevral 2016 tarixindəki versiya
Rafiq Tağı | |
---|---|
Doğum tarixi | 5 avqust 1950 |
Doğum yeri | |
Vəfat tarixi | 23 noyabr 2011[1] (61 yaşında) |
Vəfat yeri | |
Vəfat səbəbi | bıçaq xəsarəti[d] |
Dəfn yeri | |
Uşağı | 3 |
Təhsili | |
Fəaliyyəti | jurnalist, yazıçı, kardioloq |
Rafiq Tağı[2] (tam adı: Rafiq Nəzir oğlu Tağıyev; d. 5 avqust 1950, Xoşçobanlı, Masallı, Azərbaycan SSR, SSRİ - ö. 23 noyabr 2011, Bakı, Azərbaycan) — azərbaycanlı yazıçı-filosof, həkim-kardioloq.
Həyatı
Rafiq Tağı 1950-ci il avqustun 5-də Masallı rayonunun Xoşçobanlı kəndində anadan olub. 1966-cı ildə Masallı rayonu Təklə kənd orta məktəbini, 1972-ci ildə Azərbaycan Dövlət Tibb İnstitutunun müalicə-profilaktika fakültəsini bitirib. 1981-1983-cü illərdə Moskva Tibb İnstitutunun daxili xəstəliklər üzrə klinik ordinaturasında təhsil alıb. 1972-1974-cü illərdə Sabirabad rayonu Yolçubəyli kənd ambulatoriyasının baş həkimi, 1974-1979-cu illərdə Masallı rayonu Həsənli kənd xəstəxanasının baş həkimi vəzifələrində çalışıb. 1979-cu ildə Rusiyanın Kalinin vilayətinin Konakovo şəhər poliklinikasında sahə terapevti, 1979-1983-cü illərdə Moskvada 23 saylı Şəhər Klinik Xəstəxanasında, 1983-1990-cı illərdə Moskva Təcili və Təxirəsalınmaz Tibbi Yardım Stansiyasında, 1990-cı ildən Bakı Şəhər Təcili və Təxirəsalınmaz Tibbi Yardım Stansiyasında həkim işləyib.
Həbs olunması
2006-cı ilin noyabrında Bakıda nəşr olunan "Sənət qəzeti"ndə çap etdirdiyi "Avropa və biz" məqaləsinə görə həbs olunaraq, Bakı şəhəri Səbail rayon məhkəməsinin 2007-ci il 4 may tarixli hökmü ilə 3 il müddətinə azadlıqdan məhrumetmə cəzasına məhkum edilmişdir. O, Azərbaycan Respublikası Cinayət Məcəlləsinin 283-cü maddəsi (milli, irqi və dini ədavətin qızışdırılması) ilə təqsirli bilinmişdir. Azərbaycan Respublikasının prezidenti İlham Əliyevin 28 dekabr 2007-ci il tarixli əfv fərmanı ilə azadlığa buraxılmışdır[3].
Ölümü
2011-ci il noyabrın 19-da naməlum şəxslər onu bıçaqlayıb. Bir neçə bıçaq zərbəsi alan Rafiq Tağı əməliyyat olunsa da onun həyatını xilas etmək mümkün olmayıb. Əməliyyatdan sonra vəziyyəti bir müddət stabilləşən yazıçı bu ərəfədə jurnalistlərin suallarını cavablandırmış, hücumun oğurluq motivli olduğuna inanmadığını, "İran və Qloballaşma qaçınılmazlığı" məqaləsi ilə bağlı ola biləcəyini qeyd etmişdir.[4]. Yazıçının 2006-cı ildə Sənət qəzetində çıxan "Avropa və biz" məqaləsindən sonra iranlı ayətulla Fazil Lənkərani onun haqqında ölüm fitvası vermişdi. Rafiq Tağının qətlindən sonra da Fazil Lənkəraninin oğlu ayətulla Məhəmməd Cavad Lənkərani atasının rəsmi saytında bəyanat yayaraq qatil barəsində "İslam müqəddəslərini təhqir etmiş bir fərdi cəhənnəmə yola salan şəxsə Allah tərəfindən böyük mükafat olacağını" yazmışdı.[5]
Rafiq Tağı 2011-ci il noyabrın 23-də Bakının 1 saylı xəstəxanasında vəfat edib. Üç övlad atası idi.[6][7]
Xatirəsi
Dalğa Gənclər Təşkilatı "Rafiq Tağı mükafatı" təsis etmişdir.[8]
Yaradıcılığı
Rafiq Tağı ilk gənclik illərindən bədii yaradıcılıqla məşğul olub. 1968-ci ildə ilk şeiri Masallının "Çağırış" rayon qəzetində, "Fərqanə" adlı ilk hekayəsi 1977-ci ildə "Ulduz" jurnalında çap edilib. Çoxsaylı şeir, hekayə, esse, məqalə, oçerk və portret yazıları Azərbaycanın və xarici ölkələrin dövri ədəbi mətbuatında mütəmadi dərc edilib. Yazıları həmişə ictimai rezonans doğurub, ciddi polemikaya səbəb olub.
2004-cü ildə "Qafqazın qartalı Şaumyan belə..." (Səməd Vurğun) adlı essesinə görə 1988-ci ildən üzvü olduğu Azərbaycan Yazıçılar Birliyindən xaric edilib, 2006-cı ilin noyabrında "Sənət qəzeti"ndə dərc etdirdiyi "Avropa və biz" essesinə görə həbs olunub. 2011-ci ilin noyabrında bıçaqlanmasının da əsasən onun yaradıcılığı ilə bağlı olduğu ehtimal edilir. Yazıçı özü də xəstəxanada verdiyi müsahibələrində bu sui-qəsdin onun yazıları ilə əlaqəli olduğuna inandığını söyləyirdi.
Rafiq Tağı "EQO" Yaradıcılıq Ordeninin, Azad Yazarlar Ocağının üzvü olub.
Kitabları
- "Yanaşı ulduzlar" (1987),
- "Düşmənimin xatirinə" (1991),
- "Pozitiv. Neqativ" (1996),
- "Şahzadə Dipendranın məhəbbəti" (2005),
- "Ucaboy liliput" (2005),
- "Gənc qraf Kenterberiyski" (2006).
İstinadlar
- ↑ Library of Congress Authorities (ing.). Library of Congress.
- ↑ Hamneshine Bahar: Rafiq Tağı and horrific story of Apostasy
- ↑ "Məhkum edilmiş bir sıra şəxslərin əfv olunması haqqında" Azərbaycan Respublikasının Prezidentinin 28 dekabr 2007-ci il tarixli, 698 nömrəli Fərmanı. e-qanun.az (az.)
- ↑ http://www.azadliq.az/index.php?option=com_content&view=article&id=10577:rafiq-ta-bcaqlanmas-bard-danb-vdeo&catid=330:cmyyt1&Itemid=391
- ↑ http://lent.az/xeber_80571_Ay%C9%99tullah_L%C9%99nk%C9%99rani_Rafiq_Ta%C4%9F%C4%B1_bar%C9%99d%C9%99_h%C3%B6km%C3%BCn_icras%C4%B1_il%C9%99_ba%C4%9Fl%C4%B1_b%C9%99yanat_verdi
- ↑ http://www.mediaforum.az/az/2011/11/23/RAFİQ-TAĞI-1950-2011-041654643c00.html
- ↑ http://www.mediaforum.az/az/2011/11/29/DÜŞMƏN-ATAMI-TANISAYDI-BELƏ-ELƏMƏZDİ-051350379c04.html
- ↑ "Şərif Ağayara "Rafiq Tağı mükafatı" verildi" (az.). kulis.lent.az. 23.11.2015. İstifadə tarixi: 2015-11-23.
Xarici keçidlər
- 5 avqustda doğulanlar
- 1950-ci ildə doğulanlar
- Masallı rayonunda doğulanlar
- 23 noyabrda vəfat edənlər
- 2011-ci ildə vəfat edənlər
- 61 yaşında vəfat edənlər
- Bakıda vəfat edənlər
- Ümumşəhər qəbiristanlığında dəfn olunanlar
- Azərbaycan Tibb Universitetinin məzunları
- İ.M.Seçenov adına Birinci Moskva Dövlət Tibb Universitetinin məzunları
- Əlifba sırasına görə yazıçı və şairlər
- Azərbaycan yazıçıları
- Azərbaycanlı yazıçılar
- Azərbaycan həkimləri
- Masallıda doğulanlar
- Öldürülmüş şəxslər