Fatma Mahmudova

Fatma Mahmudova
Doğum tarixi	30 dekabr 1954(1954-12-30) (69 yaş)
Doğum yeri	Ağdam rayonu, Azərbaycan SSR, SSRİ
Vətəndaşlığı	Azərbaycan
Həyat yoldaşı	Tofiq Qarayev
Fəaliyyəti	aktrisa
Fəaliyyət illəri	1968-ci ildən
Təhsili	Azərbaycan Dövlət Mədəniyyət və İncəsənət Universiteti
Mükafatları

Fatma Yaqub qızı Mahmudova (1954-cü il, Ağdam, Azərbaycan SSR) - Azərbaycanlı aktrisa, Azərbaycan Respublikasının Xalq Artisti.

Həyatı

Fatma Mahmudova 1954-cü ildə Ağdam rayonunda anadan olub. Azərbaycan Dövlət Mədəniyyət və İncəsənət İnstitutununu bitirib. 1968-ci ildən Ağdam Dövlət Dram Teatrında aktrisa işləyib. Teatrın aparıcı aktrisalarından olan F.Mahmudova bu müddət ərzində bir çox özünəməxsus obrazlar yaratmağa nail olmuşdur. "Dağılan Tifaq"da Sona xanım, "Fərhad və Şirin"də Məryyəm, "Solğun Çiçəklər"də Sara, "Qaçaq Nəbi"də Həcər, "Təhminə və Zaur"da Təhminə, "Qismət"də Ana və s. bu kimi obrazlar onu tamaşaçıların sevimlisinə çevirmişdir. Aktrisa 1987-ci ildə "Pirverdinin Xoruzu" filmində Həlimə roluna çəkilmişdir.

1989-cu ildə Azərbaycan SSR Əməkdar Artisti fəxri adına layiq görülmüşdür.

Ağdam rayonunun işğalı ilə bağlı Bakıda köçkün kimi yaşayan F. Mahmudova 1994-cü ildən taleyini Azərbaycan Dövlət Musiqili Komediya Teatrı ilə bağlamalı olmuşdur. Burada teatrın repertuarında olan tamaşaların əksəriyyətində rol alaraq bir sıra maraqlı obrazlar yarada bilmişdir. O, "On min dollarlıq keyf" tamaşasında Bağdagül, "Hərənin öz ulduzu"nda Xurma, "Bankir adaxlı"da ağuçu Gülbikə, "Birgünlük siğə"də Adilə Dudu, "Adamın adamı"nda At Balaxanım, "Məsmə xala dayımdır" əsərində Əsmər, "Şeytanın yubileyi"ndə Məryəm və s. rolların öhdəsindən bacarıqla gəlmişdir.

F. Mahmudova 2000-ci ildə Azərbaycan Respublikasının Xalq Artisti fəxri adına layiq görülb. Prezident təqaüdçüsüdür.

İki qız anasıdır. Kiçik qızı Nigar musiqi ilə məşğuldur.

Filmoqrafiya

1. Acılar bitməz (film, 2009)(tammetrajlı bədii film)-rol: qonşu
2. Bəylik dərsi (film, 2007)
3. Ərazi (film, 2005)
4. Güzgü (film, 1990)(II)
5. Hərənin öz payı+tayı (film, 2006)-Gülxanım
6. Kəndim+nizə qayıdın!? (film, 2007)
7. Məşədi İbad-94 (film, 2005)
8. "Moskva-Bakı" qatarı (film, 2005)
9. Olacağa çarə yoxdur (film, 2003)
10. Pirverdinin xoruzu (film, 1987)
11. Yanmış körpülər (film, 2007)

Mənbə

Fatma Mahmudova

Həmçinin bax

Portal:Azərbaycan Kinosu

Xarici keçid

Video

İzlə