Bəxtiyar Sadıqov

{{Şəxs |Adı = Bəxtiyar Sadıqov |Orijinal adı = Bəxtiyar Yusif oğlu Sadıqov |Şəkil = Bəxtiyar Sadıqov.jpg |Şəkil miqyası = 200px |Şəkil məlumat = |İlk adı = |Doğum tarixi = 1951-ci il |Doğum yeri = Ağdam, Azərbaycan |Vəfatı = |Vəfat yeri = |Vəfat səbəbi = |Atası = |Anası = |Həyat yoldaşı = |Uşaqları = |Peşəsi = |Vətəndaşlıq = SSRİ→ Azərbaycan |Milliyət = azərbaycanlı |İxtisası = |Təhsili = |Fəaliyyəti = Azərbaycan Respublikası Milli Məclisinin deputatı. |Fəaliyyət illəri = |Mükafatları = deputatı.

Həyatı

Bəxtiyar Sadıqov 1951-ci ildə Ağdam şəhərində anadan olmuşdur. 1965-ci ildə Ağdam Şəhər 4 nömrəli səkkizillik məktəbini bitirmiş. 1965-1969-cu illərdə Bakı Yerli Sənaye Texnoloji Texnikumunda oxumuşdur. 1969-cu ildə “Ağac biçmə və ağac emalı texnologiyası” üzrə texnik – texnoloq ixtisasına yiyələnmiş, fərqlənmə diplomu aldığına görə pedoqoji sovetin qərarı ilə ali məktəbə oxumağa ezam edilmişdir. Həmin ili Azərbaycan Dövlət Universitetinin (BDU) Jurnalistika fakültəsinə daxil olaraq 1974-cü ildə oranı da fərqlənmə diplomu ilə bitirmişdir. Texnikumda oxuyarkən texnikum üzrə tələbə həmkarlar təşkilatının sədri, Universitetdə isə Jurnalistika fakultəsinin komsomol təşkilat katibi seçilmişdir. Texnikumu qurtardıqdan sonra 6 ay - 1969-cu ilin aprelindən – sentyabrınadək Ağdam şəhər Kommunal Təsərrüfatı idarəsində fəhlə, BDU-nu qurtardıqdan sonra isə 8 ay - 1974-cü ilin sentyabrından 1975-ci ilin aprelinədək “Azərbaycan” nəşriyyatının qəzet-jurnal sexində çeşidləyici işləmişdir. 1975-ci ilin aprelindən “Abşeron” qəzetində əvvəlcə korrektor, sonra müxbir, kənd təsərrüfatı şöbəsinin müdiri, redaktor müavini vəzifələrində çalışmışdır.

Fəaliyyəti

1986-cı ildə “Kommunist” qəzetinə dəvət edilmişdir. 1986-cı ildən 1991-ci ilədək “Kommunist” qəzetində baş müxbir və kənd təsərrüfatı şöbəsinin müdiri işləmişdir. 1991-ci ildə yeni nəşrə başlayan “Həyat” qəzetinə dəvət edilmişdir. 1992-ci ilədək “Həyat” qəzetində zona müxbiri işləmişdir. “Həyat” qəzeti “Azərbaycan” qəzeti ilə birləşdirilərkən əvvəlcə hər iki qəzetin Qarabağ bölgəsi üzrə xüsusi – hərbi müxbiri işləmişdir. Daha sonra “Azərbaycan”ın müxbiri, şöbə müdiri olmuşdur. 2002-ci ilin aprelindən hal-hazıradək “Azərbaycan” qəzetinin baş redaktorudur. Ehtiyatda olan zabit, kapitandır.

Deputat kimi

2000–ci ildə 119 nömrəli Ağdam kənd seçki dairəsindən Milli Məclisə deputat seçilmişdir. İkinci, üçüncü, dördüncü və beşinci çağrış Milli Məclisin deputatı olmuşdur.

İctimai işləri

• Əsir və itkin düşmüş, girov götürülmüş vətəndaşlarla əlaqədar Dövlət Komissiyasının üzvü
• Mətbuat Şurası İdarə Heyətinin üzvü.
• KİV-in İnkişafına Dövlət Dəstəyi Müşahidə Şurasının üzvü.
• Respublika Ağsaqqallar Şurasının Məclis üzvü.

Yaradıcılığı

Qarabağ uğrunda müharibədən bəhs edən iki yüzdən çox məqalə, 50-dən çox elmi, bədii, siyasi və publisistik kitabın redaktorudur.

Kitabları

• “Qeyrət və Xəyanət”
• “İnsan və zaman”
• “Həqiqət və yalan”
• “Ömrün söz yadigarı”

Mükafat və təltifləri

• Azərbaycan Jurnalistlər İttifaqının “Keşikdə” keçici prizi (1978-ci il “Hərbi vətənpərvərlik mövzusunda ən yaxşı yazılarına görə”);
• “Qızıl qələm” mükafatı (1983-cü və 1994-cü illər);
• “Yusif Məmmədəliyev” adına medal (2007-ci il)
• KHVTİC-nin “Hərbi vətənpərvərlik işlərində xidmətinə görə” medalı;
• Dövlət Sərhəd Xidmətinin “Hərbi əməkdaşlıq sahəsində xidmətlərinə görə” medalı;
• “Azərbaycan Polisinin 100 illiyi (1918-2018)” Azərbaycan Respublikasının Yubiley medalı;
• “Azərbaycan Ordusunun 100 illiyi (1918-2018)” Yubiley medalı;
• “Şöhrət” ordeni.

Fəxri adları

• Əməkdar Jurnalist
• Qarabağ müharibəsi veteranı

Həmçinin bax

• Vasif Talıbov
• Əli Əlirzayev

Xarici keçidlər

• “Bizə Bakıda gülürdülər“ – Bəxtiyar Sadıqov
• Deputat Bəxtiyar Sadıqov: “İnternet elə bir şeydir ki…”
• Bəxtiyar Sadıqov “Şöhrət” ordeni ilə təltif edilib