Məzmuna keç

Yelena Vıstropova

Vikipediya, azad ensiklopediya
Yelena Vıstropova
Şəxsi məlumatlar
Tam adı Yelena Yevgenyevna Vıstropova
Vətəndaşlığı Rusiya Rusiya →
Azərbaycan Azərbaycan
Doğum tarixi (36 yaş)
Doğum yeri Mahaçqala, Dağıstan MSSR
Boyu 174 sm. (5 ft 6 in)
İdman növü Boks
Medallar

Yelena Vıstropova (3 noyabr 1988) — Azərbaycanı təmsil edən qadın boksçu, 2014 və 2016-cı illərin Avropa Çempionatının qalibi.[1]

Karyerası

[redaktə | vikimətni redaktə et]

Yelena Vıstropova 2011-ci ildə Niderlandın Rotterdam şəhərində baş tutan Avropa Çempionatında mübarizə apardı.[2] Yelena Vıstropova yturnirin 1/8 final mərhələsi çərçivəsində baş tutan görüşdə Niderland nümayəndəsi Mariçelle de Yonq ilə üz-üzə gəldi və rəqibinə məğlub oldu (10:12).[2]

Daha sonra Yelena Vıstropova 2012-ci ilin mayında Çinin Quançjou şəhərində baş tutan Dünya Çempionatında çıxış etdi.[3] Yelena Vıstropova 1/32 final mərhələsində Belarus təmsilçisi Vitoria Kebiovanı 18:8, 1/16 final mərhələsində Braziliya nümayəndəsi Roselli Feitosanı 18:12, 1/8 final mərhələsində Rumıniya təmsilçisi Luminita Turçini (RSCI), 1/4 final mərhələsində Ukrayna nümayəndəsi Liliya Durnyevanı 12:5, 1/2 final mərhələsində İsveç təmsilçisi Anna Laurelli 16:15 hesabı ilə məğlub etdi və final görüşünə vəsiqə qazandı.[3] Həlledici görüşdə isə o, İngiltərə nümayəndəsi Savanna Marşalla 15:18 hesabı ilə məğlub oldu və Dünya Çempionatının gümüş medalına sahib oldu.[3] Bununla da Yelena Vıstropova bu idman növü üzrə Dünya Çempionatının medalına sahib olan Azərbaycanın birinci qadın idmançısısı olaraq tarixə düşdü.

Yelena Vıstropova 2012-ci ilin avqustunda isə Birləşmiş Krallıqın London şəhərində baş tutan XXX Yay Olimpiya Oyunlarında mübarizə apardı.[4] Turnirin 1/8 final mərhələsində Nigeriya nümayəndəsi Edit Ogoya məğlub olan (12:14) Yelena Vıstropova mübarizəsini başa vurdu.[4][5] Yelena Vıstropova həm də bu idman növü üzrə Olimpiya Oyunlarında Azərbaycanı təmsil edən birinci idmançı olaraq da tarixə düşdü.

Daha sonra Yelena Vıstropova 2014-cü ilin iyununda Rumıniyanın Buxarest şəhərində baş tutan Avropa Çempionatında çıxış etdi.[6] Yelena Vıstropova 1/8 final mərhələsində Macarıstan nümayəndəsi Eszter Olahı 3:0, 1/4 final mərhələsində Polşa təmsilçisi Nataliya Hollinshanı 3:0, 1/2 final mərhələsində isə Rumıniya nümayəndəsi Mihaela Kristiananı 3:0 hesabı ilə məğlub etdi və final görüşünə vəsiqə qazandı.[6] Həlledici görüşdə isə o, İngiltərə nümayəndəsi Stacey Kopelanda 3:0 hesabı ilə qalib gəldi və Avropa Çempionatının qızıl medalına sahib oldu.[6] Yelena Vıstropova bu idman növü üzrə Avropa Çempionatının qalibi olan Azərbaycanın birinci qadın idmançısı oldu.

Yelena Vıstropova 2014-cü ilin noyabrında isə Cənubi Koreyanın Jeju şəhərində baş tutan Dünya Çempionatında çıxış etdi.[7] Yelena Vıstropova 1/16 final mərhələsində İngiltərə nümayəndəsi Stasi Kopelandı (3:0), 1/8 final mərhələsində Çin Taybeyi təmsilçisi Çen Çi-Çunu (3:0), 1/4 final mərhələsində isə ABŞ nümayəndəsi Danyelle Volfa (2:1) qalib gəlsə də, 1/2 final mərhələsində Panama nümayəndəsi Ateyna Bilona (1:2) məğlub oldu və Dünya Çempionatının bürünc medalına sahib oldu.[7]

Daha sonra 2015-ci ilin iyununda baş tutan Birinci Avropa Oyunlarında da mübarizə aparan Yelena Vıstropova, turnirin 1/4 final mərhələsindəcə Birləşmiş Krallıq nümayəndəsi Sandi Ryana məğlub oldu (1:2) və mübarizəsini dayandırdı.[8]

Yelena Vıstropova 2016-cı ilin aprelində Samsun şəhərində baş tutan Avropa Olimpiya Təsnifat Turnirində mübarizə apardı.[9] Yelena Vıstropova turnirin 1/16 final mərhələsindəcə Türkiyə nümayəndəsi Səma Çalışqana məğlub oldu (0:3) və mübarizəsini dayandırdı.[9]

Daha sonra Yelena Vıstropova 2016-cı ilin mayında Qazaxıstanın Astana şəhərində baş tutan Dünya Çempionatında da mübarizə apardı.[10] Yelena Vıstropova 1/16 final mərhələsində Birləşmiş Krallıq təmsilçisi Savanna Marşalla məğlub oldu (0:3) və turniri medalsız başa vurdu.[10]

Yelena Vıstropova 2016-cı ilin 15-24 noyabrında Bolqarıstanın Sofiya şəhərində baş tutan Avropa Çempionatında da çıxış etdi.[11] Yeleba Vıstropova 1/4 final mərhələsində İtaliya nümayəndəsi Assunta Kanforanı 2:1, 1/2 final mərhələsində isə Rusiya təmsilçisi Səadət Abdullayevanı 2:1 hesabı ilə məğlub etdi və final görüşünə vəsiqə qazandı.[11] Həlledici görüşdə isə o, Türkiyə nümayəndəsi Səma Çalışqana 2:0 hesabı ilə qalib gəldi və növbəti dəfə Avropa Çempionatının qalibi sahib oldu.[11] Bununla da Yeleva Vıstropova bu idman növü üzrə 2 dəfə Avropa Çempionatının qalibi olan birinci Azərbaycna idmançısı olaraq tarixə düşdü.

Nəticələri

[redaktə | vikimətni redaktə et]
Sıra
İl
Yarış
Ev sahibi
Nəticə
1
2011
 Avropa Çempionatı Niderland Niderland
PAT
2
2012
 Dünya Çempionatı Çin Çin
2.
3
 Olimpiya Oyunları Böyük Britaniya Birləşmiş Krallıq
PAT
4
2014
 Avropa Çempionatı Rumıniya Rumıniya
1.
5
 Dünya Çempionatı Cənubi Koreya Cənubi Koreya
3.
6
2015
 Avropa Oyunları Azərbaycan Azərbaycan
5.
7
2016
 Avropa Olimpiya Təsnifat Turniri Türkiyə Türkiyə
PAT
8
 Dünya Çempionatı Qazaxıstan Qazaxıstan
PAT
9
 Avropa Çempionatı Bolqarıstan Bolqarıstan
1.

İstinadlar

[redaktə | vikimətni redaktə et]
  1. ↑ Olympedia.org. "Yelena VISTROPOVA". www.olympedia.org (ingilis). 2022-08-30. 2022-06-05 tarixində arxivləşdirilib. İstifadə tarixi: 30.08.2022.
  2. ↑ 1 2 Amateur-boxing.strefa.pl idman portalı. "2011 European Women Championships — Results" (PDF). www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib (PDF). İstifadə tarixi: 22.08.2022.
  3. ↑ 1 2 3 Amateur-boxing.strefa.pl idman portalı. "2012 World Women Championships — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  4. ↑ 1 2 Olympedia.org. "2012 Summer Olympics / Boxing / Middleweight (75 Kilograms) / Women". www.olympedia.org (ingilis). 2022-08-30. 2022-08-30 tarixində arxivləşdirilib. İstifadə tarixi: 30.08.2022.
  5. ↑ Amateur-boxing.strefa.pl idman portalı. "2012 Summer Olympic Games — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  6. ↑ 1 2 3 Amateur-boxing.strefa.pl idman portalı. "2014 European Women Championships — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  7. ↑ 1 2 Amateur-boxing.strefa.pl idman portalı. "2014 World Women Championships — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  8. ↑ Amateur-boxing.strefa.pl idman portalı. "2015 European Games — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  9. ↑ 1 2 Amateur-boxing.strefa.pl idman portalı. "2016 European Olympic Qualifier Tournament — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  10. ↑ 1 2 Amateur-boxing.strefa.pl idman portalı. "2016 World Women Championships — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  11. ↑ 1 2 3 Amateur-boxing.strefa.pl idman portalı. "2016 European Women Championships — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
Mənbə — "https://az.wikipedia.org/w/index.php?title=Yelena_Vıstropova&oldid=8165054"