Yliki gölü
| Yliki gölü | |
|---|---|
| yun. Υλίκη | |
 | |
| Ümumi məlumatlar | |
| Mütləq hündürlüyü | 78 m |
| Eni | 5,6 km |
| Uzunluğu | 10,8 km |
| Sahəsi | 19 km² |
| Tökülən çay | Kifisos |
| Yerləşməsi | |
| 38°24′15″ şm. e. 23°15′23″ ş. u. | |
| Ölkə |
 Yunanıstan |
|
|
|
 Vikianbarda əlaqəli mediafayllar | |
Yliki (yun. Υλίκη) — Yunanıstanın mərkəzi hissəsində şirin sulu göl. Yliki gölü Mərkəzi Yunanıstan periferiyasında, Beotiya inzibati-ərazi vahidində yerləşir.[1] Gölə ən yaxın böyük şəhər Fivıdır (Beotiya). Şəhər göldən 10 km cənuda yerləşir. Göl səthinin ümumi sahəsi 19 km²-dir. Uzunluğu 10,8 km, eni isə — 5,6 km-dir. Yliki gölü dəniz səviyyəsindən 78 metr hündürlükdə yerləşir. Göl ərazisi qərbdən yüksək olmayan Ptoon, şərqdən isə Mesapion dağları ilə əhatələnib. Gölün qərb sahili nisbətən daha dikdir. Dağ silsiləsi gölü qurumuş Kopaida gölündən ayırır. Yliki gölünə Kifisos çayı tökülür.[1]
1958-ci ildə Afina şəhərini su ilə təchiz etmək məqsədi ilə göldə su toplayıcı qurğu inşa edilmişdir.[2] İnşa olunmuş kanallar və tunellər sistemi ilə su Maraton su anbarına tökülür. Daha sonra su Polidendri şəhərindəki su təmizləyici qurğuya yönləndirilir. Su ötürücü akvedukların ümumi uzunluğu 67 km, həmçinin kanalların uzunluğu 23,7 km, təziqli tunellərin uzunluğu isə 12,3 km-dir.[3]
Yliki gölünün cənubundan və qərbindən ölkənin 1 saylı mağıstralı keçir. Bu E75 Avropa marşrutunun bir hissəsidir.
Yliki və Paralimni gölləri «Natura 2000» şəbəkəsinə daxildir. Qoruyucu zonaya həmçinin Xarit bulağı (yunanca. Πηγές των Χαρίτων, Πηγές Τριών Χαρίτων ή Ακιδαλία πηγή της Αφροδίτης) da daxildir. Yunan mifalogiyasına görə məhs bu ərazidə xaritlər dünyay gəlmişdir — Zevsin və Evrinomanın qızları: Aqlaya, Eufrosina və Taliya. Digər mənbələrə görə bu bulaqda Afrodita yuyunmuşdur.[4] Xarit bulağının suyu Kifisos çayı ilə Yliki gölünə tökülür.[1]
İstinadlar[redaktə | mənbəni redaktə et]
- ↑ 1 2 3 Natura 2000. "GR2410001". 2021-10-24 tarixində arxivləşdirilib. İstifadə tarixi: 2024-04-01.
- ↑ "EYDAP brochure" (PDF). 2007-10-24 tarixində arxivləşdirilib (PDF). İstifadə tarixi: 2024-04-01.
- ↑ "ΥΔΡΑΓΩΓΕΙΑ ΜΕΤΑΦΟΡΑΣ ΝΕΡΟΥ" (yun). 2021-07-20 tarixində arxivləşdirilib. İstifadə tarixi: 2024-04-01.
- ↑ "Πηγές Τριών Χαρίτων" (yunan). Δήμος Ορχομενού. 2021-10-24 tarixində arxivləşdirilib. İstifadə tarixi: 2021-10-24.