Zöhrə Abdullayeva

Vikipediya, azad ensiklopediya
Jump to navigation Jump to search
Zöhrə Abdullayeva
Zöhrə Abdullayeva.jpg
Sənətçi məlumatları
Doğum tarixi 18 dekabr 1952 (1952-12-18) (67 yaş)
Doğum yeri Şuşa, Azərbaycan Azərbaycan SSR
Peşəsi müğənni

Zöhrə Abdulla qızı Abdullayeva (sənədlərdə — Abdullazadə) — Azərbaycan müğənnisi, Azərbaycan Respublikasının Əməkdar Artisti (2007).

Həyatı[redaktə | əsas redaktə]

Zöhrə Abdullayeva 18 dekabr 1952-ci ildə Şuşada anadan olub. Uşaq yaşlarından musiqiyə həvəs salan Zöhrə xanım Mütəllim Mütəllimovdan, İldırım Həsənovdan, Mürşüd Məmmədovdan, Əbülfət Əliyevdən, Yavər Kələntərlidən dərs alıb. İlk müəllimi Rəhilə Həsənova olub. Qaqarin adına Pionerlər Evinə gedən balaca Zöhrəni Rəhilə Həsənova "Sazlı qızlar ansamblı"na aparmışdır.[1]

Əvvəl "Lalə qızlar anasmblının", sonralar isə Azərbaycan Dövlət Filarmoniyasının solisti kimi fəaliyyət göstərirdi.

Zöhrə Abdullayeva daha çox Məmmədbağır Bağırzadə ilə ifa etdiyi duetlərə görə tanınmışdır. Bundan başqa, xalq və bəstəkar mahnıları, muğamlar da ifa etmişdir.

Zöhrə Abdullayeva 16 yaşında ailə həyatı qurmuşdur. Bir oğlu, iki nəvəsi vardır. Oğlu 24 may 2018-ci ildə ağır xəstəlikdən vəfat etmişdir.[2]

İstinadlar[redaktə | əsas redaktə]