Zaur Rzayev

Vikipediya, azad ensiklopediya
Naviqasiyaya keçin Axtarışa keçin
Bu məqalə müğənni Zaur Rzayev haqqındadır. General Zaur Rzayev üçün Zadir Rzayev səhifəsinə baxın.
Zaur Rzayev
Ümumi məlumatlar
Doğum tarixi 28 yanvar 1952(1952-01-28) (72 yaş)
Doğum yeri
Vətəndaşlığı
Musiqiçi məlumatları
Fəaliyyəti müğənni, xanəndə
Fəaliyyət illəri 1969-cu ildən
Janrlar xalq musiqisi, estrada[d], muğam
Təhsili
Mükafatları "Azərbaycan Respublikasının xalq artisti" fəxri adı — 2003 "Azərbaycan Respublikasının əməkdar artisti" fəxri adı — 1998 Dağıstan Respublikasının xalq artisti — 2008 Dağıstan Respublikasının əməkdar incəsənət xadimi — 2000

Zaur Əlihüseyn oğlu Rzayev (28 yanvar 1952, Karrar, Kürdəmir rayonu) — Azərbaycan müğənnisi, Azərbaycan Silahlı Qüvvələri Mahnı və Rəqs ansamblının rəhbəri, Azərbaycan Respublikasının xalq artisti (2003). Dağıstan Respublikasının xalq artisti (2008).

Həyatı[redaktə | mənbəni redaktə et]

Zaur Rzayev 28 yanvar 1952-ci ildə Kürdəmir rayonunun Karrar qəsəbəsində dəmiryolçu Əlihüseyn Rzayevin ailəsində anadan olub. Kiçik yaşlarında ailəsi ilə Hacıqabula köçmüş, burada yerləşən 5 orta nömrəli məktəbdə təhsilinə başlamışdır. 8-ci sinfə qədər burada oxuduqdan sonra Bakıya gələrək təhsilini əvvəlcə Bakı Kitabxanaçılıq Texnikumunda, sonra isə Asəf Zeynallı adına Musiqi Texnikumunda təhsilini davam etdirmişdir. Bir müddət sonra Müslüm Maqomayev adına Azərbaycan Dövlət Filarmoniyası nəzdində fəaliyyət göstərən xalq çalğı alətləri ansamblına solist götürülmüşdür.[1][2]

Zaur Rzayev 1976-cı ildə Bakı Zabitlər Evində hərbi xidmətə başlamış, elə həmin ildən də buranın solisti olmuş, Mahnı və Rəqs Ansamblının bədii rəhbəri olmuşdur. Sonradan Azərbaycan Dövlət Mahnı Teatrında solist kimi fəaliyyət göstərmiş, 1980-ci ildə Azərbaycan Dövlət Konservatoriyasının vokal şöbəsinə daxil olaraq təhsilini davam etdirmişdir. 1994-cü ildə Azərbaycan Silahlı Qüvvələri Mahnı və Rəqs Ansamblının rəhbəri kimi çalışmağa başlamışdır.[1]

Zaur Rzayevə 24 iyun 1998-ci ildə "Azərbaycan Respublikasının əməkdar artisti"[3], 2000-ci ildə "Dağıstan Respublikasının əməkdar incəsənət xadimi"[1], 25 iyun 2003-cü ildə "Azərbaycan Respublikasının xalq artisti"[4], 22 aprel 2008-ci ildə isə "Dağıstan Respublikasının xalq artisti"[5] fəxri adları verilmişdir.

İstinadlar[redaktə | mənbəni redaktə et]

  1. 1,0 1,1 1,2 Mənim həyat hekayətim - Zaur Rzayev (sənədli film). 7 sentyabr 2020. 2023-01-22 tarixində arxivləşdirilib. İstifadə tarixi: 22 yanvar 2023 YouTube vasitəsilə.
  2. "Rzayev Zaur Əlihüseyn oğlu". cls.az. 24 iyun 2015. 27 noyabr 2019 tarixində arxivləşdirilib. İstifadə tarixi: 27 noyabr 2019.
  3. "«Əməkdar artist» fəxri adının verilməsi haqqında Azərbaycan Respublikası Prezidentinin Fərmanı". e-qanun.az. 24 iyun 1998. 27 noyabr 2019 tarixində arxivləşdirilib. İstifadə tarixi: 27 noyabr 2019.
  4. "Azərbaycan Respublikası Silahlı Qüvvələrində xidmət edən mədəniyyət və incəsənət xadimlərinə Azərbaycan Respublikası fəxri adlarının verilməsi haqqında Azərbaycan Respublikası Prezidentinin Fərmanı". e-qanun.az. 25 iyun 2003. 27 noyabr 2019 tarixində arxivləşdirilib. İstifadə tarixi: 27 noyabr 2019.
  5. "Указ Главы РД от 22 апреля 2008 года № 66 «О присвоении почетных званий Республики Дагестан»". 2008-04-22. səh. 1. 2022-08-08 tarixində arxivləşdirilib. İstifadə tarixi: 2022-08-28.