İlham Əhmədov (alim)

İlham Əhmədov
İlham Bəşir oğlu Əhmədov
Doğum tarixi	28 iyun 1956
Doğum yeri	Bakı
Elmi dərəcəsi	Pedoqoji elmləri üzrə Fəlsəfə Doktoru
Elmi adı	Dosent
İş yeri	UNEC Biznes Məktəbi
Təhsili	Ali
Mühüm layihələri	Təhsil Nazirliyi və Dünya Bankının “Fasiləsiz Müəllim Hazırlığı Konsepsiya və Strategiyası” layihəsinin “Müəllim hazırlığında Distant Təhsil” blokunun müəllifi
Mükafatları	Azərbaycan Respublikası Prezidentinin fərmanı ilə “Tərəqqi” medalı ilə təltif edilmişdir (2011).

İlham Bəşir oğlu Əhmədov — ADPU-nun “Kompüter Mərkəzi”nin direktoru (2007-2015), Biznes Məktəbinin aparıcı müəllimi. Respublika TN-in təsis etdiyi “Azərbaycan məktəbi” jurnalı və ADPU-nun təsis etdiyi “Təhsildə İKT” jurnalının redaksiya şurasının üzvüdür. . 2016-cı ildən “Peşəyönümlü Təhsilin İnkişafına Yardım” İctimai Birliyinin həmtəsisçisi və icraçı direktorudur.

Həyatı

İlham Bəşir oğlu Əhmədov 1956-cı il iyunun 28-də Bakı şəhərində ziyalı ailəsində anadan olmuşdur. Atası, dr.professor Bəşir Əhmədov respublikanın görkəmli pedaqoqu, pedaqogika və Azərbaycan dilinin tədrisi metodikası üzrə tanınmış alimi olmuşdur.

1973- cü ildə Abşeron rayonu Xırdalan qəsəbə 2-li məktəbini bitirib. 1977-ci ildə ADPU-nun riyaziyyat fakultəsini fərqlənmə diplomu ilə bitirib. 1986- ci ildə ADPU-nun əyani aspiranturasını müvəffəqiyyətlə bitirmiş, həmən il Kiyev şəhərində namizədlik dissertasiyası müdafiə edərək (13.00.02. – riyaziyyatın tədrisi metodikası ixtisası üzrə) pedaqoji elmləri namizədi adını alıb.

1977-1978-ci tədris ilində Abşeron rayonu Xırdalan qəsəbəsi 2 saylı orta məktəbdə riyaziyyat müəllimi, 1978-1981-ci illərdə Elmi Tədqiqat Pedaqoji Elmlər İnstitutunda (indiki Təhsil İnstitutu) elmi işçi, 1981-ci ildə V. İ. Lenin adına APİ-də (indiki ADPU) “Riyaziyyatın tədrisi metodikası” ixtisası üzrə əyani aspiranturaya qəbul olunub. 1982-1983-cü illərdə hərbi xidmətdə olmuşdur.

Əmək fəaliyyəti

İlham Bəşir oğlu Əhmədov 1986-1998-ci illərdə ADPU-da “Riyaziyyatın tədrisi metodikası” kafedrasında baş laborant, müəllim, baş müəllim, dosent işləmişdir. 1998-2007-ci illərdə ADPU-da “Hesablama riyaziyyatı və İnformatika” kafedrasında dosent, 2005- ci ildə Təhsil Nazirliyinin Dünya Bankı ilə birgə Layihəsində “Distant təhsil” üzrə milli məsləhətçi, 2007-2015-ci illərdə ADPU-nun “Kompüter Mərkəzi”nin direktoru, 2015-ci ildən ADPU “ İKT, Monitorinq və Qiymətlənduirmə Mərkəzi”nin direktoru, 2016-2017-cı illərdə ADPU “ İKT Mərkəzi”nin direktoru olmuşdur.

2017-cı ildən ADPU “Kompüter elmləri” kafedrasında dosentdir. 2023-cü ildən həm də UNEC Biznes Məktəbində “Ali təhsilin idarəedilməsi” ixtisası üzrə MBA proqramında dərs deyir.

Elmi fəaliyyəti

İlham Əhmədov Respublikada və xaricdə (Türkiyə və MDB-də) 150-dən çox elmi-metodik məqaləsi dərc olunmuşdur. Türkiyə, Rusiya, Polşa, Ukrayna, Estoniya, Qazaxıstan, Moldova, Gürcüstan və Özbəkistanda beynəlxalq konfranslarda məruzələrlə çıxış etmiş, 2010-2017- cü illərdə, müxtəlif vaxtlarda, TC Anadolu Universitetinin, RF “Müasir Humanitar Akademiya” və “Sinergiya” universitetlərinin Distant təhsil bölümünün Azərbaycan Proqramlarında elmi məsləhətçi olmuşdur.

2011-ci ildə Təhsilin İnkişafı Beynəlxalq Fondun xətti ilə Qazaxıstan Respublikası Pavlodar Dövlət Universitetində professor-müəllim heyəti və magistrlər üçün təhsilin müasir problemlərinə (“İnnovasion Universitetlər”, “Universitetin İnformatlaşması”, “Smart təhsil”, “Universitetlərin strateji idarəedilməsi” v.s.) dair silsilə mühazirələr oxumuşdur. 2010-2013-cü illərdə YUNESCO-nun “Təhsildə İKT” İnstitutunun (Moskva ş.) Azərbaycan üzrə milli eksperti kimi fəaliyyət göstərmiş, bu İnstitutun təşkil etdiyi beynəlxalq konfranslarda 5 dəfə (Moskva ş. və Sankt-Peterburq ş.) təhsilin informatlaşması məsələlərinə dair məruzələr etmişdir.

2007-2008-ci illərdə ADPU-da pedaqoji elmlər üzrə dissertasiya müdafiə şurasının üzvü, şuranın elmi katibi olmuşdur. 5 nəfər doktorantın elmi rəhbəridir. 30-dan artıq sosial, təhsil və İKT yönümlü (o cümlədən, ADPU-nun universitetdaxili) layihələrdə menecer, məsləhətçi, ekspert olmuşdur (bəzi layihələrin adı aşağıda qeyd edilib). Ölkə daxilində və xaricdə 150-dən çox elmi-metodik məqaləsi nəşr edilib. Təhsilin aktual problemlərinə dair KİV-lərdə yüzlərlə məqaləsi dərc edilmişdir.

Mükafatları

• 2011-ci ildə elm və təhsil sahəsində səmərəli fəaliyyətinə görə Azərbaycan Respublikası Prezidentinin fərmanı ilə “Tərəqqi” medalı ilə təltif edilmişdir.

Təhsil nazirinin əmri ilə “Qabaqcıl təhsil işçisi” döş nişanı ilə təltif edilmişdir.

• 2007-ci ildə “ADPU – da “VTS TEST” elektron imtahan sisteminin yaradılması layihəsi”nə uğurla rəhbərlik etdiyi üçün ADPU-nun pul mükafatı verilmişdir.
• Təhsil Nazirliyinin təsis etdiyi “Azərbaycan Məktəbi” jurnalının, ADPU-nun nəşr etdiyi “Təhsildə İKT” jurnalının redaksiya şurasının üzvüdür. Təhsilin informatlaşması, distant təhsil, təhsil innovasiyalarının yaradılması və idarəedilməsi, ali təhsilin inkişaf problemlərinə dair 120-dən artıq elmi-metodik məqaləsi respublikada və xaricdə (Türkiyə və MDB-də) dərc edilmişdir.

Seçilmiş əsərləri

1. Реализация инновационно-образовательных программ важный фактор развития университетов.Статья Материалы международной конференции «Сетевое взаимодействие вузов СНГ в подготовке кадров для инновационной экономики». Р.Ф. Москва , ЮНЕСКО, 2011, Стр 28-33.
2. Менеджмент качества образования в педагогическом вузе. Статья. Модернизации системы непрерывного образования. Материалы III Международной научно-практической конференции. РФ, г. Дербент- 2011 Стр.12-14.
3. Азербайджанские Вузы на пути к Болонскому процессу.Статья. Модернизации системы непрерывного образования. Материалы III Международной научно-практической конференции. РФ, г. Дербент- 2011,Стр.36-37, Н. Насиров.
4. Milliuniversitetlərdə keyfiyyətinidarəedilməsiməsələləri . Məqalə. “Təhsil” jurnalı, A.R. TəhsilNazirliyininorqanı. N 7-8, 2011-ciil Səh.28-32.
5. Alitəhsilininformatlaşmasındabeynəlxalq əməkdaşlıq. Məqalə, “Təhsildə İKT, Elmi-metodik jurnal, ADPU. 2010, N 1 Səh. 37-55.
6. Distant təhsil: problemlər və prespektivlər Məqalə, “Təhsildə İKT”, Elmi-metodik jurnal, ADPU. 2010, N 2 Səh. 3-13.
7. İnnovativ universitet ölkənin innovativ inkşafının mühüm amilidir. Məqalə. Elm və İnnovasiya, AMEA-nın xəbərləri,N1(2), 2010. Səh. 89-95
8. Ali təhsilin İKT əsaslı innovativ inkişafı. Məqalə. Elm və İnnovasiya, AMEA-nın xəbərləri, N3,(4), 2010, Səh. 29-38.
9. İnnovasion təhsil biliklərə əsaslanan iqtisadiyyatın əsasıdır. Məqalə. İnnovasiyalı İnkişafın Sosial- İqtisadi Problemləri. Beynəlxalq elmi-praktik konfransın materialları. Bakı, 2010- cu il. Səh. 105-107.
10. İnformasiya cəmiyyətində gənclər siyasəti. Məqalə, Elektron Hökumət Azərbaycanda: Nailiyyətlər və Prespektivlər. BeynəlxalqKonfransı.MəruzəMaterialları, Baki, 2010- cu il.. Səh. 152-154
11. Universitetinmenecmentmodelivəmüasirinformasiyasistemləri . Məqalə, ElektronHökumətAzərbaycanda: NailiyyətlərvəPrespektivlər. BeynəlxalqKonfransı. Məruzə Ma-terialları, Bakı, 2010- cu il. Səh. 155-157
12. Корпоративное образование на основе ИКТ -важный фактор развития человеческого потенциала регионов. Статья Материалы всероссийской научно-практической конференции «Современные проблемы регионов России: теоретические и практические аспекты.». Р.Ф. г. Дербент-2010.Стр. 185-187.
13. Подготовка педагога новой формации цель инновационного педагогического образования. Статья Модернизации системы непрерывного образования. Материалы IIМеждународной научно-практической конференции. РФ, г. Дербент- 2010. Стр. 10-15