Ölü şairlər cəmiyyəti (film, 1989)

Vikipediya, açıq ensiklopediya
Keçid et: naviqasiya, axtar
Ölü şairlər cəmiyyəti
Orijinal ad: Dead Poets Society
Rejissor: Piter Uir
Ssenari müəllifi: Tom Şulman
Operator: Con Sil
Bəstəkar: Moris Jarr
Rollarda: Robin Uilyams
Janr: Dram
Dil: İngilis dili
Ölkə: Flag of the United States.svg ABŞ
İstehsalçı qurum: Touchstone Pictures
Rəng: Rəngli
Vaxt: 128 dəq.
İl: 1989
IMDb səhifəsi

"Ölü şairlər cəmiyyəti" (Dead Poets Society) — rejissor Piter Uirin 1989-cu ildə çəkdiyi bədii film.

Ən yaxşı orijinal ssenariyə görə "Oskar", həmçinin film "Ən yaxşı film""Ən yaxşı kişi roluna görə" (Robin Uilyams) nominasiyalarında da irəli sürülmüşdür. İlin ən yaxşı filmi və ən yaxşı musiqiyə görə iki "BAFTA" mükafatı.

Filmdə öz şagirdlərini həyatlarını dəyişdirməyə çağıran və onlarda poeziya və ədəbiyyata maraq oyadan ingilis dili və ədəbiyyat müəllimindən danışılır. Filmdəki hadisələr Vermont şatatındakı Velton şəhərinin uydurulmuş akademiyasında cərəyan edirlər.

Məzmunu[redaktə]

Yeddi gənc: Nil Perri (Robert Şon Leonard), Todd Enderson (İtan Houk), Noks Overstrit (Coş Çarlz), Çarli "Yeni möcüzə" Dalton (Geyl Hansen), Riçard Kameron (Dilan Kassman), Stiven Miks (Allelon Ruciero), Cerard Pitts (Ceyms Uoterston) ABŞ-ın məşhur "Wellton" akademiyasının şagirdləridirlər. Akademiyanın əsasında dörd prinsip dayanır: "Ənənə", "Şərəf", "İntizam" və "Kamillik" ("Tradition", "Honour", "Discipline" və "Excellence"). Lakin şagirdlər özləri "Hellton" (tərcümədə — "cəhənnəm") adlandırdıqları məktəbin əsaslarına başqa məna verirlər - "Parodiya", "Dəhşət", "Tənəzzül" və "Zibil" ("Travesty", "Horror", "Decadence" və "Excrement").