İsmixan Didərgin

İsmixan Didərgin
Məmmədov İsmixan Müseyib oğlu
Doğum tarixi:	25 aprel 1933-cü il(1933-04-25)
Doğum yeri:	Ağkilsə (Göyçə), Basarkeçər, Qərbi Azərbaycan
Vəfatı:	5 iyun 1994-cü il (61 yaşında)
Vəfat yeri:	Bayan, Daşkəsən, Azərbaycan
Atası:	Məmmədov Müseyib

İsmixan Didərgin — şair

Həyatı

Məmmədov İsmixan Müseyib oğlu 25 aprel 1933-cü ildə Göyçə mahalının Ağkilsə kəndində anadan olub.6 yaşından atadan yetim qalıb.Uşaqlıq və gənclik illərində ağır zəhmətə qatlanmalı olmuşdur.İbtidai təhsilini öz doğma kəndində,orta təhsilini qonşu Zod kəndində almışdır.Gənc yaşlarından şer yazmağa başlamısdır.

1957-1962-cı illərdə Azərbaycan Pedaqoji İnstitutunun filologiya fakültəsində oxumuşdur. Doğulduğu Ağkilsə kənd orta məktəbində müəllim kimi əmək fəaliyyətinə başlamışdır.

1965-1970-ci illərdə Basarkeçər rayonununda çıxan "Bolluq uğrunda" qəzetində işləmişdir.1970-1988-ci illərdə Ağkilsə kənd orta məktəbində dil-ədəbiyyat müəllimi işləmişdir.

1988-ci ildə doğma yurd-yuvasından məcburən ayrılan İsmixan Məmmədov Daşkəsən rayonunun Bayan kəndində məskunlaşmışdır. Görkəmli el şairi İsmixan Didərgin Daşkəsən rayonunun Bayan kəndində 05 iyun 1994-cü ildə vəfat etmiş və kənd qəbiristanlığında dəfn edilmişdir. Bütün həyatı boyu Azərbaycanın bütövlüyü və müstəqilliyi uğrunda mübarizə aparmışdır. Bunlara görə yaşadığı dövrdə daim təqiblərə məruz qalmışdır.

Azərbaycanın çox böyük aşığı və qüdrətli şairi Növrəs İmanın bacısı oğludur.

• Aşıq Ələsgərin qardaşı nəvəsidir.
• Növrəs İmanın bacısı oğludur.

Əsərləri

• "Ayırdılar qucağından Göyçənin". Bakı, "Yazıçı"-1992. 104 səh. 8000 tiraj.

Mənbə

• Ziyəddin Məhərrəmov, "XX əsr Göyçə aşıq mühiti (1920-1950-ci illər)" Bakı, NPB-1997. səh.31-32