Ada

Ada — hər tərəfdən su ilə əhatə olunmuş, materikə nisbətən kiçik, suyun qabarması zamanı belə su səthindən yüksəkdə olan, təbii yolla yaranan quru, torpaq sahəsi. Okeanlarda, dənizlərdə, çaylarda, göllərdə qrup halında (arxipelaq) və ya tək-tək olur. Mənşəyinə görə iki qrupa bölünür: müstəqil və materik adaları. Vulkan (məs, havay adalarırı) və mərcan (məs.ələn Marşall adaları) adaları, həmçiiin yuyulma nəticəsində yaranan adalar mustəqil sayılır. Materik adaları Yer qabığının çökməsi və ya parçalanması nəticəsində materikdən ayrılan hissələrdir (Böyük Britaniya adaları, Yadon adaları, Madaqaskar adası və s.) Qurunun 9,9 mln. km²-i adalardır. Sahəsinə görə ən böyük adalar Qrenlandiya (2176 min km²), Yeni Qvineya (829 min km²), Kalimantan (734 min km²), Madaqaskar (590 min km²), Baffin Torpağı (478 min km²) adalarıdır. Ən böyük ada olan Qrenlandiya ərazicə ən kiçik qitə olan Avstraliyadan üç dəfə kiçikdir.

Bu məqalənin azərbaycan dili əlifbasının ərəb qrafikası ilə qarşılığı vardır. Bax: آدا