Artur Konan Doyl
Vikipediya, açıq ensiklopediya - ویکیپدیا ، آچیق انسایکلوپدیا
Ser Artur İqnatius Konan Doyl (22 may,1859 - 7 iyul,1930) görkəmli Şotland yazıçısı, Şerlok Holms və Professor Çellencer obrazlarının yaradıcısı.
[redaktə / تحریر] Həyatı
Artur Konan Doyl 1859-cü ilin 22 mayında Şotlandiyanın Edinburq şəhərində me`mar və rəssam Çarlz Altamont Doylun ailəsində dünyaya gəlmişdir. Konan Doylun həyatında anası Meri Foli daha böyük rol oynamışdır. Özünün sonralar dediyi kimi: " Ədəbiyyata olan məhəbətim mənə anamdan miras qalmışdır."
Yazıçının məktəbli illəri əvvəlcə Qodder adlı hazırlıq məktəbi, daha sonra isə Lankasşir (Lancashire) qraflığında yerləşən Stoniherst (Stonyhurst) yezuit kollecinin, özünün təsvir etdiyi kimi, "darixdırıcı divarları" arasında keçmişdir. Elə bu illərdə Doylda hekayə yazmağa böyük həvəs oyanır. Anasından eşitdiyi təxəyyüloyadıcı oyunlar onun hekayələri nəql etmə istedadının əsasını təşkil edirdi.
1879-cu ildə "Sasseks vadisinin sirrləri" adlı hekayəsini yazır. Universitetdə oxuduğu illərdə gəmi həkimi kimi dəniz səyahətlərinə çıxır. 1881-ci ildə universiteti bitirən Konan Doly tibb ixtasına üzrə diplom alır. 1882-1890-cı illərdə ixtisası üzrə çalışır. 1882-ci ildə yenidən dəniz səfərinə, Qərbi Afrika sahillərinə yollanır.1891-ci ildəm həkimlikdən uzaqlaşaraq özünü tamamilə ədəbi fəaliyyətə həsr edir.
Konan Doyl iki dəfə ailə həyatı qurmuş və bu izdıvaclardan 5 övladı dünyaya gəlmişdir.
Konan Doyl 1930-cu il 7 iyul tarixində ürək çatışmazlığından vəfat etmişdir.
İngilis ədəbiyyatında Oskar Uayld, Bernard Şou, Jozef Konrad, Reudyard Kiplinq kimi yazıçılarla eyni ədəbi nəslə aid edilir.
