Böyük Söyüdlü

Vikipediya, açıq ensiklopediya
Keçid et: naviqasiya, axtar
Böyük Söyüdlü
Xəritə
Oğuz rayonu
Oğuz rayonu
Məlumatlar
Koordinatlar
İnzibati İdarə
Ölkə Azərbaycan
Rayon Oğuz


Böyük SöyüdlüAzərbaycan Respublikasının Oğuz rayonunun inzibati ərazi vahidində kənd.

Tarixi[redaktə]

Bu kənd Böyük Söyüdlü kənd inzibati ərazi dairəsinin mərkəzidir. Rayon mərkəzindən 30 km cənubda, Qəbələ-Oğuz şose yolundan 15 km solda, Türyançayın sağ sahilindən 6 km aralıda, Daşüz silsiləsinin ətəyindədir. Dəniz səviyyəsindən hündürlüyü 500 metrdir.

Böyük Söyüdlü türk mənşəli etnotoponimdir. Uyğurların oğuz–türk qrupuna mənsub bir tayfası "söyüd" adlanmışdır. Kürdəmir, Gədəbəy, Cəbrayıl, Neftçala rayonları ərazisindəki Söyüdlü, Söyüdlər adlı kəndlər də həmin etnonim ilə əlaqədardır. Söyüd(t) tayfasının Oğuz rayonunda məskunlaşma tarixi məlum deyil. Kənd Böyük Söyüdlü və Bala Söyüdlü adlanan iki kənddən ibarət olmuşdur. İndi ancaq Böyük Söyüdlüdə əhali yaşayır. XIX əsrin əvvəllərində bu kəndə köçürülmüş rusların özləri ilə gətirdikləri adla, bəzən, Kirovka da adlandırılmışdır.

"Söyüd" etnonimi iki komponentdən ibarətdir: "söy" və "üd". "Söy" (soy) – kök, nəsil, tayfa, "üt-üd" (ət-ut-it) – cəmlik bildirir. "Söyüdlü" – "köklü", "ulu nəsildən olanlar" anlamına gəlir.

Bala Soyudlu Oğuz rayonunun Böyük Soyudlu inzibati ərazi vahidində kənd. Oykonim "Soyudlu yaşayış məntəqəsinin kicik hissəsi" deməkdir[1].

Oğuz–Qarabulaq avtobus marşrutu Böyük Söyüdlüdən keçir.

Mədəniyyəti[redaktə]

Kənddə orta məktəb, uşaq bağçası, klub, kitabxana, poçt, 100 yerlik ATS, xəstəxana, ticarət və iaşə obyektləri var.

Əhalisi[redaktə]

Böyük Söyüdlü kəndinin əhalisi 1226 nəfərdir. Kənddə azərbaycanlılar, ləzgilər, ruslar, kürdlər, yəhudilər, axıska türkləri yaşayır.

İqtisadiyyatı[redaktə]

Kənd əhalisi əkinçilik və heyvandarlıqla məşğul olur.

İstinadlar[redaktə]

  1. "Azərbaycan toponimlərinin ensiklopedik lüğəti". İki cilddə. I cild. Bakı: Şərq-Qərb, 2007, səh.108