Bənazir Bhutto
Vikipediya, açıq ensiklopediya - ویکیپدیا ، آچیق انسایکلوپدیا
| BƏNAZİR BHUTTO | ||
 |
||
| Doğum Tarixi | 21 iyun 1953 | |
| Doğum Yeri | Karaçi | |
| Ölüm Tarixi | 27 dekabr 2007 | |
| Ölüm Yeri | Ravalpindi | |
| Ölüm Səbəbi | Terror aktı | |
|
||
Mündəricat |
[redaktə / تحریر] Həyatı
Bənazir Bhutto Pakistanın keçmiş baş naziri - 1953-cu il İyun ayının 23-də Pakistanın Karaçi şəhərində anadan olub. Atası Pakistanın keçmiş baş naziri olan Zülfüqar Əli Bhuttodur. Anası, İran Kürdlərindən Begüm Nusret Buttodur. Ata babası isə Cənab Şah Navaz Bhuttodur.[1] Şiə məzhəbinə mənsubdur.
Bənazir Bhutto, 15 yaşında Karaçi şəhərindəki orta məktəbdən məzun olub. İngiltərə-nin Harvard ve Oksford universitetlərində təhsil alıb. 1973-cü ildə Harvard Universitetində lisenziya təhsilini alıp. 1977-ci ildə isə Oksford Universitetində Fəlsəfə, Politologiya, İqtisadiyyat, Beynəlxalq Hüquq və Əlaqələr üzrə baş lisenziya təhsilini almışdır.[2]
18 İyul 1985-ci ildə, 27 yaşında olan qardaşı Şaxnavaz Bhutto Fransada həddindən çox dərman alaraq həyatını itirib. 18 Dekabr 1987-ci ildə Asif Əli Zardari ilə Karaçidə evlənmiş və ondan üç övladı olmuşdur. Bunlar; Bilaval, Baxtvar və Aseefadır. 20 Sentyabr 1996-cı ildə isə digər bir qardaşı olan Murtaza Bhutto öldürülüb.
27 Dekabr 2007-ci ildə, 54 yaşındaykən Pakistanın Ravalpindi şəhərində seçki mitingindən çıxışında sui-qəsdə qurban getdi. Butto'nun ölümündən sonra, baş nazir Perviz Müşərrəf, ölkədə üç günlük yas elan etdi.
8 Yanvar 2008-ci ildəki Pakistan Ümumi Seçkiləri əvvəlində baş verən bu hadisədən sonra ölkə demokratiyanın gələcəyi mövzusunda narahatlıq keçirmişdir.[3]
[redaktə / تحریر] Fəaliyyəti
İlk dəfə 1988-ci il seçkilərində qələbə qazanaraq baş nazir postuna yiyələnən Bənazir Bhutto, 20 ay sonra hərbi qüvvələrin köməyi ilə ölkə başçısı Qulam İshaq Xan tərəfindən vəzifəsindən uzaqlaşdırılıb. 1993-cü ildə ikinci dəfə Pakistanın baş naziri seçilən xanım Bhutto üç il sonra baş verən siyasi qalmaqallar nəticəsində yenidən vəzifəsindən kənarlaşdırılmışdı. Böyük Britaniyanın keçmiş koloniyası olan müsəlman Pakistanına rəhbərlik edən ilk qadın siyasi xadim kimi tarixə düşüb.[4]
[redaktə / تحریر] Qayıdışı
1999-cu ildən etibarən Dubayda sürgün həyatı yaşayan Benazir Bhutto, səkkiz illik bir dövrdən sonra 2007-ci il Oktyabr ayının 18-də yenidən Pakistana geri qayıtmağa müvəffəq olub. Bənazir Bhutto “Forb” jurnalının tərtib etdiyi “siyasətdə 100 ən güclü qadın”ın siyahısına düşə bilməsə də jurnalın qadın siyasətçilərə aid bölməsində yer alan məqalədə aşağıdakılar qeyd olunmuşdur: “Hindistan subkontinentində başqa bir qadın tezliklə iqtidara geri qayıda bilər: Pakistanın keçmiş baş naziri Bənazir Bhutto”.
[redaktə / تحریر] Həmçinin Bax
[redaktə / تحریر] Mənbə
- ↑ Həyatı
- ↑ Bookrags Ensiklopediyasında Benazir Bhutto
- ↑ NTVMSNBC Xəbər-2007-ci il Pakistan üçün zor bir il olub
- ↑ "Benazir Bhutto: Daughter of Tragedy"; Muhammad Najeeb, Hasan Zaidi, Saurabh Shulka və S. Prasannarajan, India Today, 7 Yanvar 2008
[redaktə / تحریر] Xarici keçidlər
