Cine5

Vikipediya, açıq ensiklopediya
Keçid et: naviqasiya, axtar
Cine5
Cine5 logosu.png
Məlumat
Yayıma başlama tarixi 20 sentyabr 1993 (test yayımı)
11 noyabr 1993 (normal yayım)
Kanalın bağlanma tarixi
Bağlı olduğu şirkət Al Jazeera Turk Yayıncılık Hizmetleri A.Ş.
Kanalın sahibi Erol Aksoy (1993-2004)
TMSF (2004-2006)
Erol Aksoy (2006-2008)
TMSF (2008-2011)
Al Jazeera (2011-indi)
Rəhbərlik
Kanalın şüarı Cine5 Dünyanızı Değiştirir! (1993-2006)
24 Saat Sizinle (2006-2009)
Yeni Beş Yine Cine5 (2009-indi)
Yayımlandığı ölkə Flag of Turkey.svg Türkiyə
Flag of Azerbaijan.svg Azərbaycan
Yayım tezliyi
Yayımın dili Türk dili
Kanalın yayımlandığı ərazi Türksat 4A peykinin əhatə dairəsi
Kanalın internet ünvanı www.cine5.com.tr

Cine51993-cü ildə Erol Aksoy tərəfindən qurulan, "Star TV", "Flash TV", "Teleon", "Show TV", "Kanal 6", "HBB", "TGRT", "atv" və "Kanal D"-dən sonra Türkiyənin 10-cu özəl və ilk şifrəli kanalıdır.

Tarixi[redaktə]

"Cine5" 20 sentyabr 1993-cü ildə test yayımına başlamış, 11 noyabr 1993-cü ildə isə normal yayıma keçmişdir. 1993-1999-cu illər aralığında "Show TV" ilə qardaş kanal olmuşdu. Futbol yayımı hüquqlarını alaraq abunəçi sayını 700.000-ə çatdırmışdı. Bundan əlavə hər ay abunəçilərinə "Cine5 Jurnalı"nı göndərərək bir ilki imzalamışdı. "Cine5" 2000-ci ildə Qalatasarayın UEFA Kubokunu götürdüyü mövsümün bütün qarşılaşmalarını (TRT-nin yayımladığı final xaric) yayımlamışdı. O vaxt xalqın istəyinə əsasən işləyən "Cine5" xalqın sevgisini qazanmışdı. 1997-ci ildə "Maxi TV" və "Supersport" adlı qardaş kanalları qurulmuşdu.

2000-ci ilin sentyabr ayında "Cine+Digital" qurulmuş və həmin vaxt yenə futbol yayımı hüquqlarını almışdı. Həmçinin abunəçilərinə dünyanın ən çox izlənilən 2 sənədli kanalı - Travel Channel və AdventureOne kanallarını təqdim etmişdi.

2004-cü ildə Erol Aksoyun borclarına görə TMSF kanalı müsadirə etmiş, 2006-cı ildə isə şifrəsiz yayıma keçmişdir.

9 may 2006-cı il tarixində Erol Aksoy TMSF-yə borclarını ödəyəcəyi ilə bağlı söz verərək "Cine5"i və qardaş kanallarını geri almışdır. 2007-ci ildə yenilənərək gündüz saatlarında cizgi filmlər, türk filmləri, axşam saatlarında isə xarici seriallar yayımlamışdı.

20 sentyabr 2008-ci il tarixində TMSF Erol Aksoyun borclarını ödəmədiyini bildirərək kanalı yenə müsadirə etmişdi.

"Cine5"in loqosu 1 iyun 2009-cu ildə yenilənərək daha kiçik və tünd rəng almışdır. Həmçinin illərdir eyni qalan introlarında kiçik dəyişiklik etmişdir.

4 fevral 2011-ci il tarixində keçirilən satışda "Al Jazeera" kanalı TMSF-yə 40.5 milyon ABŞ dolları təklif etdi. 30 iyul 2011-ci il tarixində isə rəsmən "Al Jazeera" kanalına keçdi.[1]

İstinadlar[redaktə]

  1. http://www.sabah.com.tr/Ekonomi/2011/07/30/cine-5-el-jazeera-turke-devredildi

Xarici keçidlər[redaktə]