Coşua Reynolds

Vikipediya, açıq ensiklopediya
Keçid et: naviqasiya, axtar
Coşua Reynolds
ing. Joshua Reynolds
Avtoportret
Avtoportret
Doğum tarixi: 16 iyul 1723(1723-07-16)
Doğum yeri: Plimpton, Devonşir
Vəfatı: 23 fevral 1792 (68 yaşında)
Vəfat yeri: London
Vətəndaşlığı: ingilis
Janrlar: tarixi janr, portret

Sir Coşua Reynolds (ing. Joshua Reynolds, 16 iyul, 172323 fevral, 1792) — tarixi janr və portretçi rəssamı, XVIII əsr ingilis portret məktəbinin nümayəndəsidir. Kral İncəsənət Akademiyasının prezidenti və London Kral Cəmiyyətinin üzvü olmuşdur. Antik incəsənətin öyrənilməsi məqsədilə yaradılmış həvəskar Cəmiyyətin üzvü olmuşdur.

Həyatı və təhsili[redaktə]

1723-cü il 16 iyul tarixində Plimptonda, Devonşir qraflığında anadan olub. Atası onun tibb sahəsində nəzərdə tutsa da, amma cavan

Reynolds amerikan rəssam Hibert Stüartın rəsmində (yağlı boya, 1784)

oğlanın tez bir zamanda xüsusi sənətə sevgisi və portretçi Corc Riçardsonun traktatlarını oxuması rəsm haqqında onun əsl istedadını müəyyən etdi. 1741–ci ildə Londonda Reynolds portretçi T. Qudsonun şagirdləri sırasına daxil olub, onun rəhbərliyi altında üç il məşğul olmuş, növbəti üç ili Devonportda və yenidən Londonda keçirmiş, 17461749–cu illər arası İtaliyaya getmiş və burada, əsasən, böyük ustaları Tisianı, Korredconu, RafaeliMikelancelonu öyrənmişdir. 1752–ci ildə Londona qayıdışında o, özünə yüksək və qeyri-adi mahir portretçi kimi hörmət qazandı və ingilis rəssamları arasında yüksək mövqe tutdu. Ölümünə bir il qalmış o, görmə qabiliyyətini itirmişdir. 1792-cü il 23 fevral Londonda vəfat etmişdir.

İctimai və ədəbi fəaliyyəti[redaktə]

Londonda Reynoldsun təşəbbüsü ilə ilk dəfə ictimai bədii sərgilər açıldı. 1763–cü ildə o, Conson, Qoldsmit və başqaları ilə birlikdə ədəbi cəmiyyətin əsasını qoydu və 1768–ci ildə Kral İncəsənət Akademiyasının yenidən təsis edilərək prezidenti seçildi və bu hadisə rəssamı zadəganlıq statusuna qədər belə qaldırmışdır. 1784 – cü ildə birinci Kral rəssamı adına layiq görülmüşdür. Kral Akademiyasının sədri kimi deyilmiş nitqlər Londonda ilk dəfə 1778–ci ildə olmuşdur, daha sonralar bir neçə dəfə də olmuş, son dəfə 1784–cü ilə təsadüf edir. Reynoldsun ədəbi əsərlərinin tam toplusu 17971835–ci ildə Londonda dərc edilmişdir. Leyşinq tərcüməsi – "Zur Aesthetik und Technik der bildenden Künste" (Leypsiq, 1893).

Yaradıcılığı[redaktə]

Lord Qitfild (1787)
Lord Keppel (1779)

Reynoldsu rəssamlıqda ingilis məkətbinin əcdadı hesab etmək olar – fərqli cərəyanın yaradıcısı, hansı ki, baş obraza, dərin tona və çəkilmənin yağlılığı və bu da yeni məktəblərə, xüsusilə, fransız və ingilis məktəblərinə təsirsiz qalmadı. Reynolds öz yaradıcılığının bir neçə sevimli keyfiyyətlərini Tisianı, Rubensi, Rembrandtı və Karredconu eyni zamanda bənzətmiş və bu ustaları vahid birləşdirə bilmiş elektik olmuşdur. Bütün yaxşı oxşarlılıq, ifadəlilik, fiqurların zərif qoyulmasını, aksessuarların ağıllı seçimi və təsvirin cəsarətli, şirəli tərzli çox gözəl portretləri ona yaradıcılığı zamanı müvəffəq olmuşdu. Bəhs edilən janrda Reynoldsun əsas əsərlərindən “Lord sürgünü” (London Milli Qalereyası, London, İngiltərə, Böyük Britaniya), "Həyat yoldaşı və altı uşağı ilə Malboro hersoqu" portretləri (Blenqeyms Qalereyası), "Lord Qitfild", "Vikont Corc Altqorna", "Byut qrafinyaları", "Byukkleyx hersoginyaları", "Faciəli aktrisa Siddons", "Nelli Obrin", "Hemiltonun xanımı", "Xanım Keppel", "Avtoportret", "Kitti Fişer" portretləri, "Strauberiys qızı" (markiz Qertfordda), "Mufta ilə qız", "Qebı şəklində Mistris Meyer" (Rotşilddə baronda, London), "Kiçik Samuel" (Monpele muzeyi, Monpele, Lanqedok-Russilyon, Fransa) və digərlərini misal göstərə bilərik. Reynoldsun tarixi janrda əsərlərinə gəlincə, onlar rəssamın portretlərindən əhəmiyyətli dərəcədə seçilir ki, burada kompozisiya onlarda məcburiyyətlə, alicənablığın çatışmazlığı ilə və həqiqi həyatın yoxluğu ilə əzab çəkir, hərçənd ki, onların arasında belələri rast gəlinir, hansılarda ki, rəssamın birinci dərəcəli bacarığı görünür, məsələn, "Kardinal Bofortun ölümü" (Dulviç kollegiyası, London yaxınlığında, İngiltərə, Böyük Britaniya), "Uqolino və onun oğullarının ölümü", "Amur, Veneranın qayışını açan" (London Milli Qalereyası, London, İngiltərə, Böyük Britaniya) və başqalarını sadalaya bilərik. Ermitajda Reynoldsun üç əsəri var, "İlanları boğan körpə Herkules" (№ 1391), "Ssipionun təmkinliyi" (№ 1392) və London Milli Qalereyasında saxlanılan "Amur"un nüsxəsi (№ 1390). Reynoldsun əsərlərindən bir çoxu rənglərin ilkin parıltısını itirib və bu səbəbdən çatlar əmələ gəlib, bunları icra edilərək, yağın yerinə başqa maddələri istifadə etmək yoxlanılıb.

Sitatlar[redaktə]

"İnsanın həqiqi xarakterini müəyyən etmək üçün onun necə əyləndiyini öyrənməlisən."

Qalereya[redaktə]