ICANN

Vikipediya, açıq ensiklopediya
Keçid et: naviqasiya, axtar
Təşkilatın loqotipi

Internet Corporation for Assigned Names and Numbers, və ya ICANN — İnternetin ünvan məkanını idarə edən Ümumdünya İnternet-korporasiyası (www.icann.org); internetdə domen adları və zonaların verilməsini həyata keçirən qeyri-kommersiya təşkilatı.

Təşkilat 1998-ci ildə ABŞ hökumətinin iştirakı ilə yaradılmışdır. Əsas vəzifəsi domen adlar, İP ünvanlar və İnternetin fəaliyyətinin digər aspektləri ilə əlaqədar məsələlərə baxmaqdır. İCANN tərəfindən 1999-cu ildə UDRP (domenlər haqqında mübahisələri araşdıran vahid siyasət) qəbul edilmişdir. Buradakı sənədlər vasitəsilə bəd niyyətlə domen adların qeydiyyatı məsələlərinə baxmaq məqsədini daşıyan məhkəmə xaricində mübahisələrinin nizama salınması sistemi yaradılmışdır.

Göstərilən sənədlərin qüvvəyə minməsi anından başlayaraq, domenlərlə bağlı mübahisələri araşdıran bir neçə mərkəz akkpeditə edilmişdir. Baxılan mübahisələrin 90%-i Arbitraj-vasitəçi mərkəz – Ümumdünya intelektual mülkiyyət təşkilatı (World Intelectual Property Organitation, WIPO) və Milli Arbitraj Form (National Arbitration Forum) kimi təşkilatların payına düşür.

Dünyada 14 regional ünvan idarəetmə sistemi serveri vardır. Onlardan 10-u ABŞ-da, 3-ü Avropada və 1-i, sonuncu yaradılan, Azərbaycanda yerləşir. [1] İstənilən domenin kim tərəfindən qeydiyyatdan keçdiyini bilmək üçün ikinci səviyyəli NIC (Network Information Center) adı ilə ona müraciət etmək olar, məsələn, nic.az, nic.ru, nic.kz və s. [2]

Həmçinin bax[redaktə]

Xarici keçidlər[redaktə]

İstinadlar[redaktə]

  1. Azərbaycanda kök server yerləşdirilmişdir
  2. Qasımova R.T. İnternetdə domen problemləri və həlli yolları,Bakı: ”İnformasiya texnologiyaları” nəşriyyatı, 2012, 165 səh.