Kamilo Xose Sela
| KAMİLİO XOSE SELA | |
 |
|
| Doğum tarixi: | 11 may 1916-cı il |
|---|---|
| Doğum yeri: | Padron, İspaniya |
| Vəfatı: | 17 yanvar 2002-ci il (85 yaşında) |
| Vəfat yeri: | Madrid, İspaniya |
| Mükafatları: |  Ədəbiyyat üzrə Nobel mükafatı (1989) |
Kamilo Xose Sela
Həyatı [redaktə]
İspan nasiri Kamilo Xose Sela 11 may, 1916-cı ildə İspaniyanın La Korunya əyalətinin Padron şəhərciyində anadan olmuşdur. Kamilo Sela ispan dilinin bədii inkişafında, ümumbəşəri problemləri ispan adət-ənənəsi daxilində işıqlandırmaqda mühüm əməyi olan müasir ispan yazıçılarındandır. Ona əsl populyarlıq gətirən "Paskual duartenin ailəsi " romanı (1942) əzablara, dəhşətlərə, eləcə də İspaniyadakı mübarizələrə həsr olunmuş alleqoriyadır. Bu, migel Servantesin "Don Kixot"undan sonra ən çox populyarlıq qazanan bir roman oldu və ispan ədəbiyyatında "dəhşətli " realizmin əsasını qoydu. "Obyektiv" realizm normalarına uyğun olaraq yaradılmış digər bir roman "Uley" də (1943-cü ildə yazılmış və 1951-ci ildə dərc olunmuş) çox böyük maraqla qarşılandı. Əsərdə Madridin frankist rejimi illərindəki həyatından danışılır.
"San Kamilo 1936" romanı isə 1969-cu ildə fransız ədəbiyyatındakı "yeni roman" cərəyanının təsiri altında yazılmışdı. Roman İspaniyada vətəndaş müharibəsi illərindəki insanın faciəsini açır.
1983-cü ildə K. Sela "İki ölü üçün mazurka" adlı roman yazdı. Burada adi insanların həyatı Aristofan, Fransua Rable və Uilyam Şekspir ənənələrinə uyğun, dramatik və absurd, komik və tragik təsvir olunmuşdur. Yazıçının ölüm mövzusunu orijinal fikirləriylə açması sərt, kobud bir yumorla "bəzənmişdir".
K. Sela yol qeydləri olan " Alkiriyaya səyahət" (1948), " Gizli luğət" (1968-1972. 11 cild) kimi əsərlərin müəllifidir. "İspan tarixçələri. Korlar və səfehlər" (1957) əsəri K. Selanın dostluq etdiyi E. Heminqueyə həsr olunub. 1989-cu ildə K. Selaya " insan zəifliklərini şəfqət və incəliklə təsvir edən güclü və ifadəli nəsrə görə " ədəbiyyat üzrə nobel mükafatı təqdim olunur. K. Sela İspan Krallığı Akademiyasının üzvüdür.
|
|
||
|---|---|---|
| 1976-2000 |
1976: Sol Bellou • 1977: Visente Aleyksandre • 1978: İsaak Başevis Zinger • 1979: Odiseas Elitis • 1980: Çeslav Miloş • 1981: Elias Kanetti • 1982: Qabriel Qarsiya Markes • 1983: Uilyam Qoldinq • 1984: Yaroslav Seyfert • 1985: Klod Simon • 1986: Vole Şoyinka • 1987: İosif Brodski • 1988: Nəcib Məhfuz • 1989: Kamilo Xose Sela • 1990: Oktavio Pas • 1991: Nadin Qordimer • 1992: Derek Uolkott • 1993: Toni Morrison • 1994: Kendzaburo Oe • 1995: Şeymas Hini • 1996: Vislava Şimborska • 1997: Dario Fo • 1998: Joze Saramaqo • 1999: Günter Qrass • 2000: Qao Sinszyan |
 |
| Digər | Laureatlar (1901-1925) • Laureatlar (1926-1950) • Laureatlar (1951-1975) • Laureatlar (2001-Günümüzə qədər) • Tam Siyahı | |
