Karl Dönits
Vikipediya, açıq ensiklopediya - ویکیپدیا ، آچیق انسایکلوپدیا
| KARL DÖNİTS | |
 |
|
| Doğum Tarixi | 16 sentyabr, 1891 |
| Doğum Yeri | Qrünau, Almaniya |
| Ölüm Tarixi | 24 dekabr, 1980 |
| Ölüm Yeri | Hamburq, Almaniya |
|
|
|
Karl Dönits, 16 sentyabr 1891-ci ildə Berlin yaxınlığındakı Qrünau şəhərində dünyaya gəlmişdir. 1910-cu ildə kadet kimi hərbi dəniz qüvvələrində xidmətə başlamış, bir müddət hazırlıq keçdikdən sonra, 1913-cü ildə Alman Hərbi Dəniz Qüvvələrinin zabiti olmuşdur. Birinci dünya müharibəsi ərəfəsində Dönits, Aralıq dənizində kreyser şəxsi heyəti tərkibində xidmət etmiş, daha sonra isə 1916-cı ilin oktyabr ayında sualtı gəmilərin şəxsi heyətinə daxil edilmişdir. 1918-ci ildə əsir düşmüş və 1919-cu ilin iyul ayına qədər əsirlikdə qalmışdır.
Alman Hərbi Dəniz Qüvvələrində xidmətini davam etdirən Dönits, 1935-ci ildə yeni tipli sualtı qayıqların hazırlanması və mükəmməlləşdirilməsi tapşırığını almışdır. Fəqət, buna baxmayaraq Herman Herinq (Hermann Göring) ilə sualtı donanmaya ayrılan kapital üzərində daima mübahisələrin yaranması bu prosesi bir müddət ləngitmişdir. Dönits həmin dövrdə müharibə başlayacağı təqdirdə Britaniyaya və digər ölkələrə müqavimət göstərmək üçün Reyxin təxminən 1000 sualtı gəmiyə ehtiyac olduğunu bildirsə də, 1939-cu ildə ilk uğurlu nailiyyətlərə 57 sualtı gəmi ilə çatmışdır.
1943-cü ildə Fürerin əmri ilə Qrossadmiral Karl Dönits, Erix Röderin (Erich Raeder)yerinə Alman Hərbi Dəniz Qüvvələrinin (Kriegsmarine) komandanı təyin olunmuşdur. Həmin ərəfədə Dönitsin sualtı donanmaları nəinki Atlantik okeanı və Aralıq dənizi sularında müttəfiq qüvvələrə güclü müqavimət göstərmiş, hətta Antarktidaya da elmi-ekspedisiyalar etmişlər.
Qrossadmiral Karl Dönits hərbiçilər arasında sualtı donanmaların "Canavar Sürüsü" (Wolfhurdel) taktikası ilə daima məhşur qalmışdır.
Adolf Hitlerin 30 aprel 1945-ci ildə intiharından sonra Karl Dönits Alman dövlətinin sükanı arxasına keçmiş və həmin il may ayının 8-də kapitulasiya barədə danışıqlar aparmışdır.
Nürnberq cinayətlər məhkəməsində Qrossadmiral Karl Dönits törətdiyi cinayətlərə görə təqsirli bilinərək 10 il azadlıqdan məhrum edilmiş və yalnız 1956-cı ilin oktyabr ayında azadlığa buraxılmışdır.
Qrossadmiral Karl Dönits 24 dekabr 1980-ci ildə vəfat etmişdir.
