Kondoliza Rays
Vikipediya, açıq ensiklopediya - ویکیپدیا ، آچیق انسایکلوپدیا
Mündəricat |
[redaktə / تحریر] Ümumi məlumat
Kondoliza Rays 1954 -cü ilin 14 noyabrında ABŞ -ın Alabama ştatının Birmingem şəhərində anadan olub. 1974 -cü ildə Denver universitetinin Siyasət elmləri fakültəsindən məzun olduqdan sonra 1975-ci ildə Notrdam universitetinin magistratura pilləsini bitirən Rays 1981-ci ildə Denver universiteti Beynəlxalq münasibətlər üzrə doktorluq işini bitirib.
[redaktə / تحریر] Akademik nəaliyyətləri
K. Rays hazırda Sənət və Elm Akademiyasının üzvüdür. Rays 1991-ci ildə Morhaus kollecinin, 1994 -cü ildə Alabama universitetinin, 1995 -ci ildə Notrdam universitetinin və 2003 -cü ildə Missisipi kollecinin Hüquq fakültəsinin doktoru adına layiq görülüb. K.Rays 1999 -cu ildə Stenford universitetində 6 il ərzində dosentlik işini tamamlayıb. Rays Stenforddakı fəaliyyəti dövründə "Beynəlxalq Təhlükəsizlik və Silahlanmaya Nəzarət Mərkəzi"nin və "Beynəlxalq Fəaliyyət İnstitutu"nun üzvü olmaqla yanaşı, Huver institutunda da işləyib.
Corc Buşun prezidentliyinin ilk dövründə milli təhlükəsizlik üzrə müşavir vəzifəsini icra edən Rays Buşun ikinci idarəçiliyi dövründə isə xarici işlər naziri vəzifəsini icra edib. Bu müddət ərzində o, universitetin rektor köməkçisi vəzifəsini də icra edib. Rays rektor köməkçisi olaraq illik 1,5 milyard dollar büdcəsi, 1400 müəllim və 14000 tələbə heyəti olan universitetin fəaliyyətindən məsul idi. Rays Stenford universitetinin hüquq fakültəsində siyasət elmlərindən dərs dediyi zaman iki dəfə "bacarıqlı pedaqoq" diplomları ilə təltif edilib.
[redaktə / تحریر] Əsərləri və kitabları
"Şübhəli sədaqət: Sovet İttifaqı və Çexoslovakiya ordusu" (1984), "Aleksandr Dallin ilə "Qorbaçov zamanı" (1986) "Filip Zelikov ilə Birləşmiş Almaniya və dəyişdirilmiş Avropa" (1995)
P.S. Sovet İttifaqı və Şərqi Avropanın xarici işləri və müdafiə siyasətinə dair bir çox məqalələrin və BMT-nin Moskva səfirliyinin residentliyindən "İngilis Millətlər Cəmiyyəti"nə, 1992 -ci və 2000 -ci illərdə isə respublikaçıların iclaslarınadək bir çox yerlərdə məruzələrlə çıxış edib.
[redaktə / تحریر] Fəaliyyəti
Rays Almaniyanın birləşməsinin və Sovet İttifaqının süqutu ərəfəsi olan 1989 -cu ildən 1991 -ci ilin mart ayınadək Buşun rəhbərliyi altında Milli Təhlükəsizlik Şurasının Sovet və Şərqi Avropa ölkələri ilə əlaqələr üzrə direktor və Milli Təhlükəsizlik Şurası sədrinin xüsusi asistenti vəzifələrini icra edib. Xatırladaq ki, Rays 1986-cı ildə Beynəlxalq Əlaqələr Şurasının üzvü olmaqla yanaşı Baş Qərargah rəisinin xüsusi asistenti vəzifələrini də icra edib.
