Makroiqtisadiyyat

Vikipediya, açıq ensiklopediya
Keçid et: naviqasiya, axtar
Makroiqtisadiyyat
Makroiqtisadiyyat.jpeg
Əsas göstəriciləri
Ümumi Daxili Məhsul
İşsizlik dərəcəsi
İnflyasiya
ÜDM deflyatoru
Qolları
Uzunmüddətli (Long-Run)
Qısamüddətli (Short-Run)

Makroiqtisadiyyat milli iqtisadiyyatın strukturunu və fəaliyyətini, eləcə də dövlətin həyata keçirdiyi siyasətin bu fəaliyyətə necə təsir etdiyini öyrənən elm sahəsidir[1].Makroiqtisadiyyat sözü “macro” böyük, “iqtisadiyyat” sözlərinin birləşməsindən yaranıb. Adından da göründüyü kimi, iqtisadiyyatın bu qolu fərdi bazarlar səviyyəsində deyil, iqtisadiyyatdakı fəaliyyəti, strukturu, davranışı və qərarverməni ümumilikdə öyrənir[2][3]. Bura milli, regionalqlobal iqtisadiyyat daxildir. Mikroiqtisadiyyatla birlikdə, makroiqtisadiyyat iqtisadiyyat elminin ən ümumi iki sahəsini formalaşdırır. Makroiqtisadiyyat əsas göstəricilər: Ümumi Daxili Məhsul (ÜDM) (Ümumi Milli Məhsul (ÜMM)), işsizlik dərəcəsini,Qiymət İndeksləridir (İnflyasiya, ÜDM deflyatoru) ki, bununla da iqtisadi vəziyyət haqqında ümumi məlumatı verir. Həmçinin makroiqtisadiyyatda bir çox iqtisadi amillər (gəlir, istehsal, istehlak, işsizlik, inflyasiya, yığım, investisiya, beynəlxalq ticarət və beynəlxalq maliyyə) arasında qarşılıqlı əlaqəni və təsiri göstərmək üçün bir çox modellər mövcüddür. Əksinə, mikroiqtisadiyyat isə, fərdi agentlər: istehsalçılar, istehlakçılar, satıcılaralıcılar üzərinə fokuslanır və onların bazarda qiyməti və miqdarı necə müəyyən etdiyini öyrənir [4]. Makroiqtisadiyyat da simvolik olaraq iki əsas hissəyə bölünür:

  • Qısamüddətli (Short-Run): qısamüddətli dövrdə iqtisadiyyatda başverən hadisələrin səbəbini və nəticəsini öyrənir.
  • Uzunmüddətli (Long-Run): uzunmüddətli dövrdə iqtisadi artımın təmin edəcək komponentlərin və yolların öyrənir.

Makroiqtisadiyyat qarşısında dayanan suallar[redaktə]

Bu elm sahəsi aşağıdakı suallara cavab verir[5]:

  • Uzunmüddətli iqtisadi artımı nə təmin edir? 1870-ci ildə Norveçin adambaşına düşən gəliri Argentinadan aşağı idi. İndi isə bu göstəriciyə görə Norveç Argentinayı təqribən 3 dəfə qabaqlayır.

Niyə bəzi ölkələrdə iqtisadi durğunluq hökm sürərkən, digər ölkələrdə artım sürətlə gedir, vətəndaşlarının yaşayış standartları belə tez yüksəlir?

  • Milli iqtisadiyyatda qalxış və enişlərə nə səbəb olur? 1980-ci illərdə ABŞ iqtisadiyyatı durğunluq yaşadı. Hətda 1991-ci ilin yazında 1,5%-lik geriləmə baş verdi. 1994-cü ilə qədər isə iqtisadiyyat çox zəif sürətlə inkişaf etdi. Amma 1990-cı illərin yerdə qalan hissəsində isə o sürətlə inkişaf etməyə başladı.

Niyə milli iqtisadiyyatda inkişaf dövrü ilə eniş dövrləri arasında qısa müddət ərzində kəskin tərəddüdlər yaşanır?

  • İşsizliyə nə səbəb olur? 1930-cu illərdə ABŞ-dakı işçı quvvəsinin dörddə biri işsizlik problemi ilə üzləşdi. On il sonra (II Dünya Müharibəsi ərəfəsində) isə, işçi qüvvəsinin 2%-dən azı işsiz idi. Niyə işsizlik belə yüksək səviyyəyə qalxır?

Niyə hətda sabitlik dövründə işçi qüvvəsinin əhəmiyyətli hissəsi işsiz qalır?

  • Qiymətlərdəki dəyişikliyə nə səbəb olur? 1970-ci illərdə ABŞ-da inflyasiya səviyyəsi davamlı olaraq yüksəlirdi və hətda 1980-ci illərin əvvəllərində bu rəqəm 10%-dən çox idi. Sonra isə, 1980-ci illərin ortalarına 4%-dən aşağı endi. Hətda 1990-cı illərdə 2%-dən də aşağı düşdü. Almaniyanın inflyasiya təcrübəsi daha ekstremaldır: Baxmayaraq ki, son onillikdə Almaniya iqtisadiyyatında inflyasiya çox aşağıdır, amma birinci dünya müharibəsində məğlub olduqdan sonra Almaniyada 18 aylıq (İyul 1992 - dekabr 1993) hiperinflyasiya baş verdi. Bu zaman qiymətlər bir neçə milyard dəfə bahalaşdı.

Nə inflyasiyaya səbəb olur və bununla bağlı nə etmək olar?

  • Qlobal iqtisadi dəyişikliklər milli iqtisadiyyata necə təsir göstərir? 1990-cı illərin sonunda ABŞ iqtisadiyyatı qlobal iqtisadi inkişafın mühərriki idi. Belə ki, əldə olunan mənfəətin artması ilə istehlak mallarına olan tələb yüksəldi və idxal məhsulları artdı. Bu da bir çox ölkədə istehsalın artmasına və iqtisadi inkişafına səbəb oldu.

Həm ayrı-ayrı ölkələrin, həm də ümumilikdə bütün dünya iqtisadiyyatının inkişafına təsir göstərən beynəlxalq ticarət və borcalma kimi iqtisadi əlaqələr necə qurulur?

  • Dövlət siyasəti milli iqtisadiyyatın fəaliyyətinin inkişaf etdirilməsinə təsir göstərə bilirmi? 1980 və 90-cı illərdə ABŞ iqtisadiyyatında istehsal, işsizlik dərəcəsi və inflyasiya səviyyəsindəki tərəddüdlər 1960 və 70-ci illərə nisbətən daha az idi. Bəzi iqtisadçılar iqtisadi fəaliyyəti inkişaf etdirilməsindəki uğuru düzgün həyata keçirilən dövlət siyasəti ilə əsaslandırırlar.

İqtisadi sabitliyi və artımı təmin etmək üçün dövlətin həyata keçridiyi iqtisadi siyasət necə qurulmalıdır?

Makroiqtisadiyyat yuxarıda göstərilən çox böyük praktiki əhəmiyyəti olan və hələ də siyasətçilər, medya və ictimaiyyət tərəfindən müzakirə olnan bu sualları araşdırır.

Əsas makroiqtisadi anlayışlar[redaktə]

Dövrü Axın Modeli
Dövrü Axın Modeli.png

Makroiqtisadiyyat çoxsayda anlayışları və görtəriciləri əhatə edir, ancaq bunlar 3 mərkəzi kategoriya birləşir. Makroiqtisadiyyat adətən istehsal, işsizlikinflyasiya fenomenləri ilə əlaqəlidir. Makroiqtisadiyyatdan kənarda da bu göstəricilər butun iqtisadi agentlər (işçilər, alıcılar və istehsalçılar) üçün də əhəmiyyətlidir. [6]

İstehsal, gəlir və xərclər (ÜDM)[redaktə]

Milli iqtisadiyyatın vəziyyətinin ölçülməsinin ən yaxşı üsulu məyyən müddət ərzində istehsal olunan son əmtəə xə xidmətlərin həcminin müəyyən edilməsidir. Bunu ifadə etmək üçün istifadə olunan əsas göstərici Ümumi Daxili Məhsuldur (ÜDM). ÜDM müəyyən dövrdə ölkə daxilində istehsal olunan bütün son istehlak məhsullarının və xidmətlərinin bazar dəyəridir [7] ÜDM iki məvhumu eyni anda ölçür: iqtisadiyyatdakı hər kəsin məcmu gəlirini və mal və xidmətlərin alınmasına çəkilən məcmu xərcləri. ÜDM bu xüsusiyyəti məcmu xərclərlə məcmu gəlirlərin bir-birinə bərabər olmasından irəli gəlir. Çünki, iqtisadiyyatda hər bir transaksiya əməliyyatında iki tərəf olur: Alıcı və satıcı. Kiminsə hər hansı məhsul ( və ya xidmət) almaq üçün xərclədiyi pul digərinin gəlirinə çevrilir. [8] Dövrü axın modelində bu açıq şəkildə göstərilmişdir[9].

İşsizlik[redaktə]

İşsizlik
İşsizlik.png
İşsizliyin formaları
Friksion işsizlik
Struktur işsizlik
Dövrü(tsikl) işsizlik

İqtisadiyyatda işsizliyin həcmi işçi qüvvəsində çalışmayan hissənin faiz göstəricisi əks etdirən işsizlik dərəcəsi ilə ölçülür. İşsizlik dərəcəsinin hesablanması üçn ilk növbədə aşağıdakı 4 kateqoriya müəyyən edilməlidir[10]:

  • Məşğullar. Bura hər hansı ödənişli işdə çalışanlar, eləcə də müəyyən səbəblərdən (xəstəlik, tətil) işə çıxmayanlar daxildir;
  • İşsizlər. Bu kateqoriyaya hazırda işi olmayan, iş axrarısında olan və işə yaralı şəxslər daxildir. Burada əsas məsələ, şəxsin işinin olmaması yox, iş axtarışında olmasıdır;
  • İşçi qüvvəsi. Bura həm işi olanlar, həm də işsizlər daxildir;
  • İşçi qüvvəsinə daxil olmayanlar. Bura pensiyaya çıxanlar, istirahət edənlər, təhsil alan şəxslər, iş tapa bilməyib ruhdan düşmüş işsizlər, işləməyə yararsız olanlar daxildir.

İşsizliyin Formaları[redaktə]

İşsizliyin aşağıdakı formaları var[11]:

  • Friksion işsizlik o zaman yaranır ki, şəxs çalışa biləcəyi iş var, amma bu işi axtarıb tapmaq üçün çox uzun bir vaxt lazımdır.
  • Struktur işsizlik. Bəzən şirkətlər yeni texnalogiya tətbiq edir və ya istehsal istiqamətini dəyişir. Bu zaman yeni texnalogiyadan istifadə edə bilməyən və ya yeni istehsal sahəsinə uyğun olmayan işçilərə ehtiyac qalmır. Bu zaman yarana işsizliyə Struktur işsizlik deyilir[12].
  • Dövrü(tsikl) işsizlik. Bu işsizlik forması sənayenin tənəzzülü, istehsalda işçi qüvvəsinə olan tələbin aşağı düşməsi nəticəsində yaranır[13].

Təbii İşsizlik[redaktə]

İşsizliyin təbii səviyyəsində əmək haqqlarını və qiymətləri azaldan,yaxud artıran faktorlar tarazlıqda olur. Müasir iqtisadiyyatda, yüksək inflyasiya şəraitində işsizliyin səviyyəsi kifayət qədər aşağıdır. Struktur və friksion işsizliyi onun təbii səviyyəsi müəyyən edir. Bu şəraitdə inflyasiyanın ölçüləri məhduddur. Dövri faktorlar isə işsizliyin səviyyəsini təbii həddən yuxarı qaldırır.

Qiymət İndeksləri[redaktə]

Qiymət indeksləri əsas iki növü var:

İstehlakçı Qiymət İndeksi (Consumer Price İndex) istehlak üçün alınan bütün məhsul və xidmətlərin ümumi qiymətinin ölçüsüdür. Hər ay Dövlət Statistika Komitəsi tərəfindən bu indeks hesablanır. Hesablandıqdan sonra yeni index əvvəl dpvrün in deksi ilə müqayisə edilir və inflyasiya dərəcəsi hesablanır[14].

  İnflyasiya dərəcəsi = (İQİ2014 –İQİ2013)/ İQİ2013*100.

İqtisadçılar indiki qiymətlərlə hesablanmış ÜDM-a nominal ÜDM deyilllər. Bu həmin il ölkə daxilində istehsal olunan bütün son məhsulun dəyərini göstərir. İqtisadi artımı qiymətləndirmək üçün isə bu göstəricini əvvəlki dövrlərlə müqayisə edirlər. Bu zaman bir məsələ ortaya çıxır ki, bəs bütün məhsulların qiyməti 2 dəfə artıbsa, bu da ölkədəki istehsalın 2 dəfə artdığı hesab olunmalıdırmı? İqtisadçıların cavabı “Xeyr”dir. Bunun qarşısın almaq üçün isə Real ÜDM göstəricisindən istifadə olunur. Bu zaman ÜDM indiki yox, baza dövrünün qiymətləri ilə hesablanır. ÜDM deflyatoru isə ölkə daxilində istehsal olunan bütün son istehlak məhsullarının qiymətindəki dəyişikliyi əks etdirir. ÜDM deflyatoru aşağıdakı kimi hesablanır. [15]

  ÜDM Deflyatoru = Nominal ÜDM/Real ÜDM

Makroiqtisadi modellər[redaktə]

Məcmu tələb-məcmu təklif modeli[redaktə]

AD-AS Modeli
AD-AS modeli.png

AD-AS modeli (ing. agregative demand (məcmu tələb)-agregative supply (məcmu tələb) model) makroiqtisadiyyatı başa düşmək üçün yaradılan standard dərslik modelidir[16]. Bu model Məcmu Tələbin Məcmu Təklifə bərabər olduğu haldakı qiymət səviyyəsini və real istehsal həcmini göstərir[17]. Məcmu tələb əyrisi aşağı meyillidir. Bu da aşağı qiymət səviyyəsində istehsala daha çox tələb olmasını göstərir. Məcmu tələbin aşağı meylli olmasına 3 effekt təsir göstərir[18]:

  • Piqu və ya real balans effekti. Əgər ölkədə real qiymətlərin səviyyəsi aşağı enirsə, real sərvət artır. Yəni, qiymətlər enirsə alıcı 1 manatla daha çox məhsul ala bilir, bu da məcmu tələbi artırır.
  • Keyns və ya faiz dərəcəsi effekti. Məhsulların qiyməti düşürsə, pula olan tələb azalır. Bu faiz dərəcəsini aşağı endirir. Investisiya imkanları genişləndiyi üçün istehsal artır.
  • Xalis ixrac effekti. Hansı ölkədə ki, qiymətlər qalxırsa, onun məhsulları xarici məhsullar qarşısında daha az rəqabət qabiliyyətli olur və ixrac azalır. Daha az ixrac edən müəsisə daha az istehsal edir. Qiymətlər düşdükdə isə əksinə.

Məcmu təklif əyrisi isə aşağı istehsal səviyyələrində üfüqi (elastik) və bütün istehsal amillərinin tam istifadə olunduğu potensial istehsal nöktəsindən etibarən isə şaquli (qeyri-elastik) olur[19]. Nə qədər ki, istehsal öz potensial səviyyəsinə çatmayıb, Məcmu Tələbin genişlənməsi özü ilə daha yüksək qiymət və istehsal səviyyəsi gətirəcək. AD-AS diaqramı inflayasiya ilə bağlı müxtəlif makroiqtisadi hadisələri izah etmək üçün də istifadə edirlir. Həmçinin bu model müxtəlif makroiqtisadi siyasətlərin effektlərini izah etmək üçün geniş pedaqoji əhəmiyyətə malikdir.


IS-LM modeli[redaktə]

IS-LM Modeli
IS-LM modeli.png

Əsas makroiqtisadi modellərdən biri də IS-LM modelidir. IS-LM modeli faiz dərəcəsinin və istehsalın həcminin əmtəə və pul bazarlarındakı tarazlığını əks etdirir.[20] Bu modelin adı 2 əsas iqtisadi tarazlığın birləşməsindən əmələ gəlir: İqtisadiyyatdakı investisiyalar (I) yığıma (S), pula olan tələb(L) isə pul təklifinə (M) bərabər olmalıdır. Bu model əmtəə və pul bazarlarının tarazlıqda olduğunu göstərir.[21] IS-LM modeli 1937-ci ildə nobel mükafatı laureatı Con Hiks tərəfindən yaradılıb. O,Con Menyard Keynsin 1936-cı ildə yazdığı “Məşğulluğun, Faizin və Pulun Ümumi Nəzəriyyəsi” kitabındakı fikirləri grafik olaraq təsvir edib. [22]

“IS” əyrisində investisiya (faiz dərəcəsi kimi verilən) yığıma (istehsal kimi verilən) bərabərdir Əmtəə bazarında faiz dərəcəsi və istehsal arasında tərs-mütənasiblik olduğundan “IS” əyrisi aşağı meyillidir. Çünki, istehsal artdıqca daha çox pul yığıma yönəlir, investisiyaların yığıma bərabər olması üçün faiz dərəcəsi aşağı düşür. Pul bazarında faiz dərəcəsi və istehsal düz mütənasib olduğu üçün “LM” əyrisi isə yuxarı meyllidir. Çünki, istehsal artdıqca pula olan tələb artır və buda faiz dərəcəsin artırır. [23].

Artım modelləri[redaktə]

Robert Solounun “Neoklassik Artım Modeli” uzunmüddətli dövrdə artımı izah edən ən uyğun modellərdən biridir. Bu model istehsalın onun iki tərkib hissəsi olan kapital və işçi qüvvəsindən aslılığını əks etdirən istehsal funksiyası ilə başlayır. Solou modelidə güman edilir ki, işçi qüvvəsi və kapital sabit dərəcədə istifadə edilir. Yəni işsizlik dərəcəsində tərəddüdlər olmur və kapitalın istifadəsindəki faydalılıq sabit qalır. İstehsaldakı artım yalnız əlavə kapital ehtiyatları və daha çox əhali ya da məhsuldarlığı artıran yeni texnoloji üstünlüklər hesabına ola bilər. [24]

Makroiqtisadi siyasət[redaktə]

Makroiqtisadi siyasət adətən 2 istiqamətdə tətbiq edilir. Monetar və Fiskal. Hər iki istiqamət iqtisadi sabitliyin, ÜDM-in artım səviyyəsinin və resursların tam istifadəsinin qorunub saxlanılması məqsədi ilə istifadə edilir. [25]

Pul-kredit (monetar) siyasəti[redaktə]

Azərbaycan Mərkəzi Bankı
Azərbaycan Mərkəzi Bankı.png

Mərkəzi Banklar monetar siyasəti müxtəlif mexanizmlər vasitəsi ilə pul təklifini tənzimləməklə tətbiq edirlər. Məsələn, mərkəzi bank istiqraz almaqla pul təklifini artırır və bu da faiz dərəcəsini aşağı endirir. Əksinə sərt pul siyasəti yerinə yerirəcəksə, qiymətli kağızlar satır, pul təklifini azaldır və faiz dərəcəsini azaldır. Adətən bu siyasət pul təklifinə birbaşa yox dolayı yolla təsir edilərək həyata keçirilir. Banklar davamlı olaraq, faiz dərəcəsini sabit saxlamaq məqsədi ilə pul təklifində dəyişikliklər edirlər. Bəzi banklar isə faiz dərəcəsində dəyişiklik etməklə inflyasiya dərəcəsin tənzimləyirlər. Mərkəzi bannkların əsas məqsədi yüksək səviyyəli inflyasiya başvermədən istehsalın artırılmasını təmin etməkdir.

Monetar siyasət likvidlik tələsində effetsizdir. İnflyasiya və faiz dərəcəsi sıfıra yaxın olduqda, Mərkəzi bank ənənəvi yollarla monetar siyasət həyata keçirə bilmir. Bu zaman qeyri ənənəvi üsullar tətbiq edir: dövlət istiqrazları almaqdansa, korporativ qiymətli kağızlar almaqla istehsalın artımını təmin edir ya da uzunmüddətli istiqrazlar alır və qısa müddətli istirazlarını satır[26].

Büdcə-vergi (fiskal) siyasəti[redaktə]

Büdcə
Budce.jpeg

Fiskal siyasət hökümətin dövlət büdcəsinin gəlir və xərclərindən istifadə edərək iqtisadiyyata təsir etməsidir. Bu zaman istifadə edilən iqtisadi alətlərə xərclər, vergilər, borc misal ola bilər. Məsələn, istehsal potensial səviyyəsindən aşağı olduğu zaman dövlət xərcləri boş dayanmış resursların istifadəsinə yönəldilir. Dövlət xərcləri istehsaldakı bütün boşluğu doldurmamalıdır. Çünki multiplikativ effekt hesabına dövlət xərcləri iqtisadiyyata xərcləndiyindən daha çox təsir göstərir. Belə ki, əgər dövlət yol və körpü tikintisinə vəsait ayırırsa, bu istehsalı yalnız körpünün dəyəri qədər artırmır, həm də tikintidə çalışan işçilər öz istehlaklarını (və ya investisiyalarını) çoxaldır və istehsaldakı boşluğu doldurur.

Fiskal siyasət sıxışdırıb çıxarma effekti (crowding-out) ilə məhdudlaşır. Dövlət hər hansı layihə həyata keçirərkən nəzərə almalıdır ki, bu özəl sektor üçün çətinlik yaratmayacaq, yəni onların bu resurslardan istifadəsi məhdudlaşmayacaq. Sıxışdırıb çıxarma effekti o zaman baş verir ki, dövlət özəl sektorun görəcəyi işi həyata keçrir və əlavə istehsalı təmin etmir.

Fiskal siyasət avtomatik tənzimləyicilər vasitəsi ilə də həyata keçirilə bilər. Bu mexanizm vasitəsi ilə fizkal siyasətdə qərarın qəbul edilməsindəki gecikmənin səbəb olacağı mənfi effektlər minimum səviyyəyə endirilir. Bu tənzimləyicilərə misal olaraq, işsizliyin səviyyəsi artdıqca işsizlərə verilən müavinətklərin ümumi həcmi artmasını və gəlir azaldıqca vergi dərəcəsinin azalmasını göstərmək olar. [27]

Müqayisə[redaktə]

İqtisadçılar adətən monetar siyasəti fiskal siyasətdən üstün tuturlar. Burada əsas iki səbəb var: [28]

  • Monetar siyasət müstəqil mərkəzi banklar tərədindən həyata keçirilməsi;
  • Mərkəzi Banklar iqtisadiyyatda baş verən dəyişikliklərə fiskal siyasətə nisbətən daha çevik reaksiya verməsi.

Biblioqrafiya[redaktə]

  • Andrew B. Abel , Ben S. Bernanke, Dean Croushore. Macroeconomics, 6th ed. 2008.
  • Blanchard, Olivier (2011). Macroeconomics Updated (5th ed.). Englewood Cliffs: Prentice Hall 32
  • Mankiw, N. Gregory, Principles of Economics. 7th ed. 2014.
  • Mankiw, N. Gregory, Macroeconomics. 8th ed. 2013.
  • Samuelson A.P., Nordhaus D.W. Macroeconomics. 9th ed. 2010.
  • Atakişiyev M.C.,Mikro və Makroiqtisadiyyat. Bakı,2010.

İstinadlar[redaktə]

  1. Andrew B. Abel , Ben S. Bernanke, Dean Croushore. Macroeconomics, 6th ed. 2008. Səh 2.
  2. Blaug, Mark (1985), Economic theory in retrospect, Cambridge, UK: Cambridge University Press, ISBN 0-521-31644-8
  3. Sullivan, Arthur; Steven M. Sheffrin (2003), Economics: Principles in action, Upper Saddle River, New Jersey 07458: Pearson Prentice Hall, p. 57, ISBN 0-13-063085-3
  4. https://en.wikipedia.org/wiki/Macroeconomics#cite_note-2
  5. Andrew.2008. Səh 2
  6. Blanchard, Olivier (2011). Macroeconomics Updated (5th ed.). Englewood Cliffs: Prentice Hall 32
  7. Mankiw, N. Gregory (2014), Principles of Economics, səh 496
  8. Mankiw,2014 . səh 494
  9. Mankiw,2014. səh 495
  10. Samuelson A.P., Nordhaus D.W. Macroeconomics. 2010. Səh 309
  11. Samuelson, 2010. Səh 310
  12. Samuelson, 2010. Səh 310
  13. Atakişiyev M.C.,Mikro və Makroiqtisadiyyat. Bakı,2010. səh 392
  14. Mankiw,2014.səh 512-515
  15. Mankiw G. Macroeconomics. 8th ed. 2013. Səh 24-25
  16. Healey, Nigel M. (2002). "AD-AS model". In Snowdon, Brian; Vane, Howard. An Encyclopedia of Macroeconomics. Northhampton, Massachusetts: Edward Elgar Publishing. pp. 11–18. səh 12
  17. Healey, Nigel M. 2002. səh 13
  18. Healey, Nigel M. 2002. səh 13
  19. Healey, Nigel M. 2002. səh 12
  20. Durlauf, Steven N.; Hester, Donald D. (2008). "IS–LM". In Durlauf, Lawrence E.; Blume. The New Palgrave Dictionary of Economics (Second ed.). Palgrave Macmillan. Retrieved 5 June 2012
  21. Andrew B. Abel , Ben S. Bernanke, Dean Croushore. Macroeconomics, 6th ed. səh 310
  22. Andrew B. Abel. 2008. səh 310
  23. Peston, Maurice (2002). "IS-LM model: closed economy". In Snowdon, Brian; Vane, Howard R. An Encyclopedia of Macroeconomics. Edward Elgar. Peston 2002, p. 387
  24. Solow, Robert (2002). "Neoclassical growth model". In Snowdon, Brian; Vane, Howard. An Encyclopedia of Macroeconomics. Northhampton, Massachusetts: Edward Elgar Publishing. 518-519
  25. Mayer, Thomas (2002). "Monetary polic: role of". In Snowdon, Brian; Vane, Howard. An Encyclopedia of Macroeconomics. Northhampton, Massachusetts: Edward Elgar Publishing. Səh 495
  26. https://en.wikipedia.org/wiki/Macroeconomics#cite_note-FOOTNOTEHealey200213-12
  27. https://en.wikipedia.org/wiki/Macroeconomics#cite_note-FOOTNOTEHealey200213-12
  28. Mayer, Thomas (2002). "Monetary polic: role of". In Snowdon, Brian; Vane, Howard. An Encyclopedia of Macroeconomics. Northhampton, Massachusetts: Edward Elgar Publishing. pp. 495–499. ISBN 978-1-84542-180-9. 495