Miçiaki Takahaşi

Vikipediya, azad ensiklopediya
Naviqasiyaya keç Axtarışa keç
Miçiaki Takahaşi
yap. 高橋 理明
Doğum tarixi
Doğum yeri
Vəfat tarixi (85 yaşında)
Vəfat yeri Suita, Osaka prefekturası, Yaponiya
Vəfat səbəbi ürək çatışmazlığı[1]
İş yeri
Təhsili

Miçiaki Takahaşi (高橋 理明, Takahaşi Miçiaki?, 17 fevral 1928, Hiqaşisumiyoşi[d] – 16 dekabr 2013, Suita, Osaka prefekturası) – Yaponiya virusoloqu. O, çiçək xəstəliyinə qarşı ilk vaksin olan Oka vaksinini ixtira etməsinə görə tanınır.[2]

Həyatı[redaktə | mənbəni redaktə et]

Miçiaki Takahaşi 17 fevral 1928-ci ildə Yaponiyanın Osaka şəhərində doğulmuşdur.[2] 1954-cü ildə Osaka Universitetində tibb üzrə dərəcə əldə etmiş və 1959-cu ildə universitetin Mikrobial Xəstəliklər üzrə Tədqiqat İnstitutuna daxil olmuşdur.[3] Qızılca virusunu və poliovirusu tədqiq etdikdən sonra 1963-cü ildə ABŞ-nin Beylor kollecində tədqiqat işləri aparmağa dəvət olunmuşdur.[2] 1964-cü ildə 3 yaşlı oğlu çiçək xəstəliyinə yoluxduğu üçün o, bu xəstəliyə qarşı vasitə axtarmağa başlamışdır.[2][3]

Takahaşi 1965-ci ildə Yaponiyaya qayıtmış və zəiflədilmiş çiçək xəstəliyi virusunu heyvan və insan toxumalarında sınaqdan keçirməyə başlamışdır.[2] Beş ildən sonra o, klinik sınaqlara keçmişdir.[2] 1974-cü ildə isə çiçək xəstəliyinə səbəb olan virusa qarşı ilk vaksini hazırlamışdır.[2] O, vaksini hazırlayarkən çiçək xəstəliyinə yoluxmuş bir uşağın vezikula mayesindəki virusdan yararlandığı üçün vaksinə həmin uşağın şərəfinə Oka adı verilmişdir.[3] Tezliklə Oka vaksini immunosupressiv pasiyentlərin üzərində sınaqdan keçirilmiş və effektiv olduğu təsdiqlənmişdir.[2] 1986-cı ildə Osaka Universitetinin Mikrobial Xəstəliklər üzrə Tədqiqat Fondu Yaponiyada yeganə çiçək xəstəliyi vaksinini yaymağa başlamışdır.[2]

Takahaşi 1994-cü ildə Osaka Universitetinin Mikrobial Xəstəliklər üzrə Təhsil Qrupunu direktoru təyin olunmuş və ölənə qədər bu vəzifəni tutmuşdur.[2] O, 16 dekabr 2013-cü ildə Osaka prefekturasında ürək çatışmazlığından ölmüşdür.[3]

Xatirəsi[redaktə | mənbəni redaktə et]

Google 17 fevral 2022-ci ildə Takahaşinin 94 illiyi münasibətilə dudl yayımlamışdır.[2]

Mükafatları[redaktə | mənbəni redaktə et]

  • Saburo Kocima Memorial Mədəniyyət Mükafatı (1975)[4]
  • Asahi mükafatı (1985)[4]
  • VZV Tədqiqat Fondunun Elmi Nəaliyyət Mükafatı (1997)[4]

İstinadlar[redaktə | mənbəni redaktə et]

  1. ↑ 日本経済新聞 (yap.). 日本経済新聞社, 1876.
  2. ↑ 1 2 3 4 5 6 7 8 9 10 11 "Dr. Michiaki Takahashi's 94th Birthday". Google (ingiliscə). 17 fevral 2022. 20 noyabr 2022 tarixində arxivləşdirilib. İstifadə tarixi: 20 noyabr 2022.
  3. ↑ 1 2 3 4 "Dr Michiaki Takahashi: Why Google honours him today". Al Jazeera (ingiliscə). 17 fevral 2022. 20 noyabr 2022 tarixində arxivləşdirilib. İstifadə tarixi: 20 noyabr 2022.
  4. ↑ 1 2 3 Artenstein, Andrew W. Vaccines: A Biography (ingilis). Springer Science & Business Media. 11 dekabr 2009. səh. 267. ISBN 978-1-4419-1108-7. 17 fevral 2022 tarixində arxivləşdirilib. İstifadə tarixi: 20 noyabr 2022.
Mənbə — "https://az.wikipedia.org/w/index.php?title=Miçiaki_Takahaşi&oldid=7027779"