Mulan 2

Vikipediya, açıq ensiklopediya
Keçid et: naviqasiya, axtar
Mulan 2
ing. Mulan 2
Mulan 2 (cizgi filmi, 2004).jpg
Cizgi filminin afişası
Rejissor Darrel Runi
Linn Sauzerlend
Prodüser Cennifer Blohm
Ssenari müəllifi Maykl Layer
Kris Parker
Rocer S. X. Şulman
Rolları səsləndirənlər Ben Stiller
Kris Rok
Bəstəkar Coel Maknili
Distribüsiya Walt Disney Pictures
Studiya Walt Disney Pictures
Ölkə Flag of the United States.svg ABŞ
Davametmə müddəti 79 dəqiqə
İl 2004
Dil İngilis dili
İlk baxış 2004
Əvvəlki Mulan
ID 0120762
Xarici keçidlər
IMDb-də səhifəsi

Mulan 2 (ing. Mulan 2) - 2004-cü ildə Walt Disney Pictures tərəfindən istehsal edilmiş qısametrajlı cizgi filmidir.[1] Cizgi filminin məzmunu birbaşa Mulan və General Şanqın məhəbbət hekayəsi üzərinə qurulmuşdur. Ayrıca olaraq cizgi filminə yeni xarakterlər də əlavə olunmuşdur. Bu xarakterlər imperatorun üç qızıdır. Cizgi filmi birinci hissəsindən romantik görünsə də, onun qədər məşhur olmamışdır. Cizgi filmi 1998-ci ildə çəkilmiş Mulan cizgi filminin davamıdır.

Məzmun[redaktə]

Cizgi filminin birinci hissəsindən bir ay keçdikdən sonra Şanq və Mulan toylarına hazırlaşarkən bir anda gizli bir vəzifəyə göndərilirlər. Mulanın qarovulunda İmperatorluğun barışı üçün Ki Qon krallığına göndərilmişlər. Barışa görə İmperator qızlarını Kin Qona göndərməli, həmin yerdə şahzadələrə evlənərək Çin ilə ittifaqa girməlidir ki, Monqollar onların ərazilərinə hücum etməsinlər. Əks halda qızlar evlənməsələr bu ittifaq pozulacaqdır. Ancaq yolda gedərkən İmperatorun qızları ordudakı 3 əsgərə aşiq olurlar. Həmçinin, uyğun olaraq əsgərlərdə onlara aşiq olurlar. Bu müddətdə Muşu Mulanın Şanq ilə evlənməsini istəmir. Çünki Mulan Şanq ilə evlənsə, onda vəzifəsi sona çatacaqdır. Bu səbəbdən onlar arasındakı münasibəti pozmaq üçün Muşu hər yolu sınayacaqdır. Amma onlar arasındakı münasibətin pozulmasına Muşunun yanındakı Cırcırama razı olmur. Nəhayət, Muşu onlar arasındakı münasibəti pozur. Onlar bir müddət bir-birindən ayrı qalırlar. Sonda Muşu vicdan əzabı çəkərək həqiqəti Mulana söyləyir. Muşunun sözlərinə qulaq asdıqdan sonra bu özləri Mulan Şanqa çatdırmaq istəyir. Lakin Şanq onun sözlərinə qulaq asmaq istəmir. Birdən banditlər körpüyə tərəf gəlir və körpünün iplə bağlanmış hissəsini kəsirlər. Bu zaman körpü uçuruma doğru gedir. Əsgərlər və banditlər arasında döyüş baş verir. Banditlər məğlub olaraq qaçırlar. Amma Şanq körpüdən yerə yıxılacaqdır. Mulan Şanqın əlindən tutmaq istəyir ki, Şanq körpüdən çaya yıxılmasın. Ordudakı əsgərlər və İmperatorun üç qızı xilas olur. Amma Şanqın əli Mulanın əlindən sürüşür və Şanq çaya düşür. Mulan onun öldüyünü zənn edərək, kədərlənməyə başlayır. Amma xoşbəxtlikdən Şanq sağ qalmışdır. Bunu isə Mulan bilmir. İmperatorun qızları başqa şahzadələr ilə ailə qurmaq istəmirlər. Onlar 3 əsgəri sevirlər. Bu səbəbdən Mulan özünü fəda edərək, həmin şahzadələrdən biri ilə ailə həyatı quraraq, şahzadələri bundan xilas etmək istəyir. Mulan ailə həaytı qurmaq istədiyi Şahzadədən xoşu gəlmir. Onların toy mərasimləri günü Şanq özünü bura çatdırır. Lakin əsgərlər tərəfindən saxlanılır. bütün bu hadisələrə son qoymaq üçün yeganə bir canlı qalmışdır. Həmin canlı balaca əjdaha Muşudur. Muşu Böyük Əjdaha heykəlindən səs çıxarmağa başlayır. Hamı elə düşünür ki, guya bu doğurdan da Böyük əjdahadır. Sonda Mulan ilə Şanq, İmperaotrun qızları sevdikləri əsgərlər ilə bir yerdə qalırlar. Şanq Mulana evləndikdən sonra iki ailənin məbədlərini birləşdirir. Bu zaman Muşu öz vəzifəsini yenidən bərpa edir.

Rollarda[redaktə]

Personaj Səsləndirən
Fa Mulan Min-Na
Fa Li Freda Fo Şen
Fa Zu Sun-Tek O
Nənə Fa Cun Forey
Li Şanq Bi Di Vonq
Muşu Mark Mosli
İmperator Pet Morita
Yao Harvi Fayer Fayerştayn
Linq Ceddi Uoteneyb
İmperatorun məsləhətşisi Çi Fu Ceyms Honq
Şahzadə Mey Lüsi Lyu
Şahzadə Su Loren Tom
Şahzadə Tinq-Tinq Sandra O

Saundtreklər[redaktə]

  1. "Lesson Number One"
  2. "Main Title"
  3. "Like Other Girls"
  4. "A Girl Worth Fighting For (Redux)"
  5. "Here Beside Me"
  6. "(I Wanna Be) Like Other Girls"
  7. "The Journey Begins"
  8. "In Love and in Trouble"
  9. "The Attack"
  10. "Shang Lives!"
  11. "Here Beside Me (Instrumental)"

İstinadlar[redaktə]

  1. Film haqqında

Xarici keçidlər[redaktə]