Səsindən tanıdılar payızı (Yapon şeir antologiyası)
| Səsindən tanıdılar payızı | |
|---|---|
| Səsindən tanıdılar payızı (Yapon şeir antologiyası) | |
 Kitabın 2016-cı il nəşrinin üz qabığı | |
| Orijinalın dili | Yaponca |
| Ölkələr |
 Azərbaycan |
| Orijinalın nəşr ili | 2016 |
| Nəşriyyat | Parlaq İmzalar |
| Səhifə | 136 |
| ISBN | ISBN 978-9952-8289-6-2 |
Səsindən tanıdılar payızı — Yapon şeir antologiyası.[1][2]
Məzmun[redaktə | mənbəni redaktə et]
Xəbərdarlıq: Yazının davamı əsərin məzmunu haqqında məlumat ehtiva edir.Kitab klassik yapon poeziyası ilə tanışlıq imkanı verən fərqli bir nəşrdir. Klassik yapon poeziyasının zirvələri sayılan Başo (1644–1694), Buson (1716–1783) və İssanın (1763–1828) ölməz üçlükləri – seçmə haykuları ilə yanaşı, həmin şairlərin özlərinə ustad saydıqları böyük yapon şairi Saygyonun (1118–1190) qələmindən çıxan tankalar – beşliklər də ilk dəfə olaraq oxucularımıza məhz bu toplu ilə təklif edilir.
Siz bu topluda böyük şairlərin şeirləri ilə yanaşı, onların həyat və yaradıcılığına işıq salan, ara-sıra yapon poeziyası tarixinə də toxunan məqalələri oxuya biləcəksiz.
Unutmayın ki, yapon şeirinin özünəxas bir əsas xüsusiyyəti var: anı göstərmək; anı yaxalamaq. Bu xüsusiyyət – anı yaxalamaq cəhdi və bu cəhdi dəqiq qaydalarla hüdudlanmış qısa şeirdə icra etmək yapon poeziyasını vizuallıq baxımından dünya şeirinin baş tacına çevirib.
Səsindən tanıdılar payızı…
Siz də tanıyın…
Xəbərdarlığın sonu.Təqdimatı[redaktə | mənbəni redaktə et]
2016-cı il fevralın 6-da Azərbaycan Yazıçılar Birliyinin (AYB) Natəvan klubunda antologiyanın təqdimatı keçirilib. AYB-nin sədri, Xalq yazıçısı Anar tədbiri açaraq yapon poeziyasına 1979-cu ildə ilk dəfə Xalq yazıçısı Elçinin müraciət etdiyini söyləyib. Bildirib ki, o, özü də yapon poeziyasından bir neçə şeiri Azərbaycan dilinə tərcümə edib. Xalq yazıçısı yeni nəşri Azərbaycan-Yaponiya mədəni əlaqələrinə töhfə kimi dəyərləndirib.[3]
AYB nəzdində fəaliyyət göstərən Bədii Tərcümə Mərkəzi və Ədəbi Əlaqələr Mərkəzinin və “ATV Kitab" layihəsinin rəhbəri Səlim Babullaoğlu kitab haqqında məlumat verib. Bildirib ki, antologiya “ATV Kitab" layihəsi çərçivəsində “Parlaq İmzalar” nəşriyyatında ərsəyə gəlib. Bildirilib ki, Azərbaycanda bu silsilədən artıq 4-cü nəşr olan antologiyada klassik yapon poeziyasının zirvəsi sayılan Başo, Buson və İssanın, böyük yapon şairi Saygyonun şeirləri yer alıb.[4]
Yaponiyanın Azərbaycandakı səfirinin birinci katibi Ginqa Kobayaşi, “Parlaq İmzalar” nəşriyyatının direktoru Nurman Tariq, antologiyanın tərtibçisi və redaktoru Cəmşid Bəxtiyar, yazıçı-tərcüməçi Kamran Nəzirli və başqaları kitab haqqında çıxış ediblər.[5]
İstinadlar[redaktə | mənbəni redaktə et]
- ↑ "Yapon şeiri antologiyası..."
- ↑ ""Səsindən tanıdılar payızı - Yapon şeiri antologiyası"nın təqdimatı olunacaq". www.avanqard.net. 2024-05-02 tarixində arxivləşdirilib. İstifadə tarixi: 2024-05-02.
- ↑ ""Səsindən tanıdılar payızı": Klassik yapon şeiri antologiyasının təqdimatı". medeniyyet.az (ingilis). 2024-05-02 tarixində arxivləşdirilib. İstifadə tarixi: 2024-05-02.
- ↑ "Yazıçılar Birliyində Yapon şeiri antologiyasının təqdimatı olub". anl.az. 2016-02-10. 2024-05-02 tarixində arxivləşdirilib. İstifadə tarixi: 2024-05-02.
- ↑ ""Səsindən tanıdılar payızı" klassik yapon şeiri Antologiyasının təqdimatı keçirilib". Azərtac. 2019-08-07 tarixində arxivləşdirilib. İstifadə tarixi: 2024-05-03.
Həmçinin bax[redaktə | mənbəni redaktə et]
Xarici keçidlər[redaktə | mənbəni redaktə et]
- parlaqimzalar.az
- Şəfa Vəli. "Saygyonun əriyi". www.anl.az. 2016-02-23. İstifadə tarixi: 2024-05-02.