Su nəqliyyatı

Vikipediya, açıq ensiklopediya
Keçid et: naviqasiya, axtar

Su nəqliyyatı — yüklərin (və ya sərnişin) su yolları (okean, dəniz, göl, çay həmçinin süni kanallar və s.) üzrə daşınmasıdır. Gəmi əsas nəqliyyat vasitəsidir.

İstifadə edilən akvatoriyalar üzrə aşağıdakı tiplərə bölünür:

  • Çay nəqliyyatı - çaylar və göllər üzrə daşınmalar adətən çay nəqliyyatı ilə (ən böyük göl - Xəzər dənizində bu nəqliyyatdan istifadə edilir.) aparılır;
  • Dəniz nəqliyyatı.

Dəniz gəmiləri dəniz səfərinə yararlı (üzmə qabiliyyətinə) olmalıdır; dəniz gəmiləri çaylarda hərəkət edən gəmilərdən daha böyük olur.

Yükləmə və boşaltma üçün sahildə limanlar xidmət göstərir; sərnişinlər üçün sahildə vağzal olur.

Su nəqliyyatı yüksək daşıma qabiliyyətiylə və daşınmaların çox aşağı maya dəyəriylə fərqlənir; bundan başqa, o demək olar ki, istənilən iri qabaritli yükləri daşımağa imkan verir. Su nəqliyyatından ən çox quru nəqliyyatı az olan yerlərdə, qitələr arasını adalarda, həmçinin sahilyanı rayonlarda istifadə olunur. Bərələr su nəqliyyatının əhəmiyyətli növüdür.

Su nəqliyyatında hərəkət sürəti aşağıdır, buna görə demək olar ki, işgüzar sərnişin daşınmalarında istifadə olunmur. Aktiv istirahət etmək üçün əlverişlidir və turistlərin maraq dairəsindədir. Bunun üçün böyük turizm gəmilərindən, və ən müxtəlif katerlər, yaxtalarqayıqlardan istifadə edilir.

Su nəqliyyatının xüsusi növü - buyer — suyun donmuş səthi üzərində küləyin təsiri altında hərəkət edir.