Velosiped oğruları (film, 1948)
| Velosiped oğruları | ||
|---|---|---|
.jpg) |
||
| Orijinal ad: | it. Ladri di biciclette | |
| Rejissor: | Vittorio de Sika | |
| Əsərin müəllifi: | Luici Bartolini | |
| Ssenari müəllifi: | Çezare Zavattini | |
| Operator: | Karlo Montuori | |
| Prodüser: | Vittorio de Sika | |
| Bəstəkar: | Alessandro Çikonyini | |
| Rollarda: | Lamberto Macorani Enso Stayola |
|
| Janr: | dram | |
| Dil: | italyan dili | |
| Ölkə: |  İtaliya |
|
| İstehsalçı qurum: | Produzioni De Sica | |
| Filmin növü: | bədii film | |
| Rəng: | ağ-qara | |
| Vaxt: | 93 dəqiqə | |
| İl: | 1948 | |
|
||
"Velosiped oğruları" (it. Ladri di biciclette) — rejissor Vittorio de Sikanın filmi.
Mündəricat |
Məzmun [redaktə]
Filmdəki hadisələr 1940-cı illərdə baş verir və İtaliyanın müharibədən sonrakı dövrünü əks etdirir. Ailə başçısı, iki uşaq atası Antonio Riçi işsizdir. Uzun axtarışlardan sonra o, nəhayət, afişaları yapışdırmaq işinə qəbul olunur. İşə başlamaq üçün ona təcili velosiped lazımdır. Əmək birjasının məmuru ona "Velosiped yoxdursa, iş də yoxdur" – deyir. Antonionun əvvəl velosipedi var idi. Lakin onu yemək üçün az miqdarda pul əldə etmək üçün lombarda vermişdi. Velosipedi lombarddan almaq üçün arvadı Antonioya sonuncu qiymətli şeyi verir. Bu, onun cehizi olan altı döşəkağı idi.
Birinci iş günündə Antonio üstündə Rita Heyvortun şəkli olan afişanı yapışdırır. Bu vaxt velosipedi oğurlayırlar. Antonio balaca oğlu Bruno ilə ümidsiz halda axtarışa çıxır. Tamaşaçılar ata-oğulun gözü ilə varlı və kasıb Romanı gəzirlər. Bu axtarışlar filmin süjet xəttini təşkil edir. Bəzən Antonioya elə gəlir ki, velosipedi tapmağa lap az qalıb, amma o, hər dəfə fikrində yanılır.
Axırda o, bu vaxt ərzində özünün işsiz, ailəsinin ac olduğunu düşünüb özü bir velosipedi oğurlamağa cəhd edir. Ancaq onu tuturlar. Bunların hamısı balaca Brunonun gözünün qarşısında baş verir. Ona görə də velosipedin sahibi Antonionu bağışlayır və düşünür ki, onu tutanların etdiyi təhqirlər kifayətdir.
Film faciəli sonluqla başa çatır. Antonio heç nəyi olmadan, oğru damğası altında, sabahkı günə inamsız vəziyyətdə oğlu ilə yoluna davam edir.
Film haqqında [redaktə]
-
- Film Fəxri "Oskar" mükafatı (1950), BAFTA mükafatı, Lokarno kinofestivalının xüsusi mükafatını qazanmışdı. 1995-ci ildə isə Vatikanda tərtib edilmiş "Bütün zamanların 45 ən böyük filmi" siyahısına bu filmin də adı daxil edilmişdi. Bu siyahı dünya kinosunun yaranmasının 100 illiyi münasibətilə hazırlanmışdı.
Mükafatlar və nominasiyalar [redaktə]
Mükafatlar [redaktə]
1950-ci ilin "Oskar" mükafatı: [redaktə]
- Fəxri Oskar
1950-ci ilin "BAFTA" mükafatı: [redaktə]
- Ən yaxşı film
1950-ci ilin "Qızıl Qlobus" mükafatı: [redaktə]
- Ən yaxşı xarici film
1950-ci ilin Buxarest Film Festivalı: [redaktə]
- "Qızıl Canavar" mükafatı
Nominasiyalar [redaktə]
1949-cu ilin "Oskar" mükafatı: [redaktə]
- Ən yaxşı uyğunlaşdırılmış ssenariyə görə – Çezare Zavattini
Filmin heyəti [redaktə]
Film üzərində işləyənlər [redaktə]
- Əsərin müəllifi : Luici Bartolini
- Ssenari müəllifləri : Çezare Zavattini
- Rejissor : Vittorio de Sika
- Operator : Karlo Montuori
- Bəstəkar : Alessandro Çikonyini
- Prodüser : Vittorio de Sika
Rollarda [redaktə]
- Lamberto Macorani – Antonio Riççi
- Enso Stayola – Bruno Riççi
- Lianella Karell – Mariya Riççi
- Yelena Altyeri
- Cino Saltamerenda – Bayokko
- Culio Kyari
- Vittorio Antonuççi – oğru
- Mikele Sakara
- Fausto Querzoni
- Karlo Yakino
Xarici keçid [redaktə]
Video [redaktə]
İzlə [redaktə]
YouTube
- Filmin treyleri sayt YouTube
