Vikipediya:Səsvermə

Qayda səsvermə nəticəsində qəbul edilmişdir.

• Səsvermə müddəti: 24 yanvar — 8 fevral 2018-ci il
• Qüvvədədir: 8 fevral 2018-ci il

Bu səhifədə səsvermə qaydaları barədə məlumat ala bilərsiniz.

• Arxivdəki səsvermələrə buradan baxa bilərsiniz.

İstifadəçilərin səsvermə hüquqları

1. Azərbaycan Vikipediyasındakı səsvermələrdə ancaq qeydiyyatdan keçmiş istifadəçilər iştirak edə bilər.
2. Qeydiyyatdan keçmiş istifadəçinin hər hansı bir səsvermədəki səsinin etibarlı sayılması üçün səsvermənin başlandığı tarixdən ən azı üç ay əvvəl qeydiyyatdan keçmiş olmalı və bu tarixədək ən azı 500 redaktə etmiş olmalıdır. Həmin 500 redaktənin 100 redaktəsi "Vikipediya" ad fəzasında olmalıdır. Lakin bu 100 redaktəyə avtomatik əlavələr (Məs. "AWB") və müzakirəyə aid olmayan düzəlişlər daxil deyil.
3. Səsvermə başlayan tarixə kimi Azərbaycan dilindəki Vikipediyada son 15 gün ərzində 5 redaktəsi olan istifadəçilər.

• Qeyd: İstifadəçi səhifəsi, istifadəçi müzakirəsi və kiçik redaktələrin sayı yuxarıda göstərilən minimum redaktə sayının yarısından az olmalıdır.

Səsvermənin nəticələrinin hesablanması

Səsvərmə sonunda qərar alınması üçün sadə çoxluq, yəni 50%+1 miqdarında səs kifayətdir. Burada iki hal istisnadır:

1) İnzibatçı seçkisində İnzibatçı namizədi ən azı 10 səs almalı və istifadəçiyə qarşı səsverənlərin sayı ümumi səsverənlərin 1/3-ni keçməməlidir. Əks halda istifadəçi seçilməmiş sayılır. İstifadəçi səsvermənin sonunda sadə çoxluq ilə irəlidə olarsa səsvermə müddəti əvvəlki səsvermə müddətindən çox olmamaq şərti ilə, bir dəfə artırılır və istifadəçi artırılmış vaxtda lazımi miqdarda səs ala bilməmişsə uduzmuş hesab edilir.

2) Status-kvonun dəyişilməsi ilə bağlı səsvermələrdə səsvermədə iştirak edənlərin ən azı 2/3-si müsbət rəy bildirməlidir (neytral səslər cəmi səsə daxildir).

• Qeyd: Səsləri nəzərə alınmayan istifadəçilərin sayı ümumi səsverənlərin sayına aid edilmir.

Səsvermə müddəti

Bütün səsvermələr mövzudan asılı olaraq 7–15–25 gün müddətinə keçirilir. Bu müddət səsverməni açan istifadəçi tərəfindən müəyyən olunur və açıq şəkildə elan edilir.

İnzibatçı namizədliyi barədə

Səsvermə hüququ olan bütün vikipediyaçılar aşağıdakı şərtlər daxilində öz namizədliklərini irəli sürə bilərlər:

1) Namizədliyini irəli sürülərkən Vikipediyanın heç bir layihəsində bloku olmamalıdır, yalnız blok müddəti başa çatdıqdan sonra istifadəçi namizədliyini irəli sürə bilər.

a) Qeyri-müəyyən müddətə və ya 3 dəfədən daha artıq bloklanmış istifadəçilər istisna olmaqla, əvvəllər blok almış istifadəçilərin, aldıqları blokun müddətinin bitməsindən 6 ay sonra və alınmış blokun səbəblərini başa düşdüklərini və buna səbəb olmuş hərəkətlərə bir daha yol verməyəcəklərini bəyan etdikləri təqdirdə, inzibatçı seçilmək üçün namizədlikləri irəli sürülə bilər. Namizədlik irəli sürüldükdən və ya inzibatçı seçildikdən sonra yuxarıda göstərilmiş qayda pozularsa, bu bənddə göstərilmiş şərtin yerinə yetirilmədiyi hesab olunur və inzibatçı seçkisi etibarsız sayılaraq inzibatçının statusu alınır.

2) Minimum bir dəfə başqa bir səsvermədə iştirak etmiş olmalıdır.

Mövcud səsvermələr

Hazırda davam edən 0 səsvermə var:

Bu müzakirə bağlıdır. Xahiş olunur, heç bir dəyişiklik etməyin.

Vikipediya:İnterfeys inzibatçıları qaydalarının rəsmi prinsip kimi qəbul edilməsi ilə bağlı səsvermə

Səsvermə 21 may — 5 iyun 2024-cü il tarixləri arasında keçirilir.

• Mövcud versiya
• Təklif edilən versiya

Dəstək

1.  Lehinə: İnterfeys inzibatçısı önəmli hüquqlardandır. Bununla bağlı qaydalarımız olsa yaxşı olar. Əlbəttə bu ilkin versiyadır. Müddət keçdikcə yenilənəcək. Məncə əsas məsələ hüquq üçün ən azından ilkin mərhələdə müəyyən bir siyasətimizin olmasıdır. Digər məsələlər artıq bir növ məcburi də olsa düzəldilir. Qayda en-vikidən tərcümə edilib. — Turkmen ^müzakirə 07:17, 21 may 2024 (UTC)
2.  Lehinə:.— samral ^müzakirə 12:01, 22 may 2024 (UTC)
3.  Lehinə: Bürokratdan daha önəmli olan bir hüquq normal seçki prosesi ilə verilməlidir. Nemoralis (müzakirə) 23:42, 29 may 2024 (UTC)
4.  Lehinə: — Patriot (müzakirə) 06:29, 30 may 2024 (UTC)
5.  Lehinə: — Kholat Syakhl (müzakirə) 06:36, 30 may 2024 (UTC)
6.  Lehinə: — Tarixi Nadir (müzakirə) 17:05, 30 may 2024 (UTC)

Qarşı

Bitərəf

Şərhlər

"JS və CSS-dən anlayışı olan istifadəçi" məsələsində mən tərəddüdlüyəm. Bizdə bunlardan anlayışı olan cəmi 2-3 aktiv istifadəçi var. 2018-ci ilə qədər isə demək olar ki, bizdə belə istifadəçilər olmayıb. Həmin dövrə qədər bu işlərlə xeyli məşğul olmuşam, anlayışım olmasam da EnVikidən, TrVikidən copy-paste edərək RefToolbar, Katalitik kimi alətləri quraşdıra bilmişəm. Sadəcə narahatam ki, bir gün kodlaşdırma biliyi olan aktiv istifadəçilərimiz olmaya da bilər, kiçik icma üçün kiçik ehtimal deyil.— Kosmik Ozan ^utora! 16:22, 30 may 2024 (UTC)

Mən də. Bu sahədə mənim də təcrübəm yoxdur, amma zaman-zaman interfeysdə düzəlişlər, əlavələr, təkmilləşdirmələr etməyim lazım gəlir. Bu, davamlı olduğu üçün də hər dəfə müraciət etməyə çəkinirəm. Hörmətlə, Gadir^müzakirə 16:33, 30 may 2024 (UTC)

+ KM-dakı müzakirədə müəyyən iradlar bildirilib, açığı, bu halı ilə qəbuluna isti baxmıram. "Sonra düzəlişlər olunar" uzun və ləngiyən məsələdir. @Nemoralis, razıyam, amma bu halı ilə seçkidən söhbət getmir. Mən də dəstəkləyirəm, KM-da seçki olsun və elə verilsin. Hörmətlə, Gadir^müzakirə 16:35, 30 may 2024 (UTC)

@White Demon, orada "anlayışı olan" yazılmayıb axı, "əsas anlayışlara sahib olan yazılıb". Yəni ki, "loru dildə desək" az da olsa bu məsələlərdən "başı çıxan" istifadəçilər. Bu saydıqlarınız elə o deməkdir ki, bu məsələlərdən anlayışınız var. Vikimedia saytlarında onsuz da çox şeyi "copy-paste"dir. Lokal vikilər üçün "peşəkar" axtarsaq da, tapa bilmərik zatən. :) Peşəkarlar "sistem adminstratorları" və digər yuxarıcı dərəcəli icazəsi olan istifadəçilərdir. Turkmen ^müzakirə 16:57, 30 may 2024 (UTC)

Hüququn geri alınması əsaslarından biri kimi “əgər istifadəçi inzibatçıdırsa və hüquqları geri alınıbsa” qeyd olunub. Məncə, bu, inzibatçıların hüququnu çox məhdudlaşdırır. İngilis dilindəki versiyada yalnız inzibatçılar interfeys inzibatçısı ola bilər. Buna görə də orada interfeys inzibatçısı hüququ olan şəxsdən inzibatçı hüququ alınarsa, avtomatik interfeys inzibatçısı hüququnun da alınması ağlabatandır. Lakin səsverməyə çıxarılan qaydadan elə başa düşülür ki, istənilən istifadəçi inzibatçı olub-olmamağından asılı olmayaraq, interfeys inzibatçısı ola bilər. Belə olan halda istifadəçi inzibatçı hüququndan məhrum edilsə belə, bu, onun adi istifadəçi kimi interfeys inzibatçısı statusuna təsir etməməlidir. Buna görə də həmin əsasın çıxarılmasını təklif edirəm.— Firuza (müzakirə) 09:21, 4 iyun 2024 (UTC)

@Firuza, burada əsas məsələ ondan ibarətdir ki, inzibatçıdan hüququn alınmasından sonra o, əgər interfeys admin kimi davam etmək istəyəcəksə, yenidən müraciət etsin və mətndə də qeyd edildiyi kimi 48 saat gözləmə müddəti zamanı ona interfeys admini kimi etimadın göstərilib-göstərilməməsi məlum olsun. Bir istifadəçiyə inzibatçı kimi etimad göstərilməməsinin ciddiliyini nəzərə alsaq, bu prosesin təkrarlanması daha məqsədəuyğun olar. Əgər yox, səsvermə ilə geri alaq deyiriksə proses sadəcə uzanacaq. Turkmen ^müzakirə 15:49, 4 iyun 2024 (UTC)

@Turkmen, onda belə başa düşdüm ki, “hüququn geri alınması” şəxsin yalnız iradəsi əleyhinə inzibatçı statusundan məcburi şəkildə məhrum edilməsini nəzərdə tutur? Əgər belədirsə, razıyam. Amma inzibatçı könüllü şəkildə bu hüququndan imtina edirsə (barəsində etimad səsverməsinin başlandığı və ya belə səsvermə barədə müzakirələrin getdiyi dövrdə hüquqdan könüllü imtina halları istisna olmaqla), avtomatik olaraq interfeys inzibatçılığından da məhrum olması ədalətli olmaz deyə düşünürəm. Firuza (müzakirə) 04:56, 5 iyun 2024 (UTC)

@Firuza, bəli elədir. Tam anlaşılması üçün cümləyə düzəliş etdim. Turkmen ^müzakirə 05:01, 5 iyun 2024 (UTC)

Yekunlaşdırma

Yekun nəticə:

• Səs verənlər — 6
  • Etibarsız səs sayı — 0
  • Etibarlı səs sayı — 6
    • Lehinə — 6
    • Əleyhinə — 0
    • Bitərəf — 0

 Qəbul edildi — Turkmen ^müzakirə 07:17, 5 iyun 2024 (UTC)

Yekunlaşdırma

Y Səsvermənin nəticələri hesablanmış və "İnterfeys inzibatçıları" qaydaları rəsmi olaraq qəbul edilmişdir.— Turkmen ^müzakirə 07:17, 5 iyun 2024 (UTC)