Vilhelm Rentgen

Vikipediya, açıq ensiklopediya
Keçid et: naviqasiya, axtar
Vilhelm Rentgen
Röntgen Vilhelm Konrad
Roentgen2.jpg
Doğum tarixi: 27 mart 1845(1845-03-27)
Doğum yeri: Lennep, Flag of Germany.svg Almaniya
Vəfatı: 10 fevral 1923 (77 yaşında)
Vətəndaşlıq: Almaniya
Elm sahəsi: Fizika
Mükafatları: Nobel mükafatıNobel Fizika Mükafatı(1901)

Vilhelm Konrad Rentgen (d. 27 mart 1845- ö. 10 fevral 1923). Alman əsilli fizik. Fizika üzrə Nobel mükafatı laureatı. Rentgen şüalarının kəşfi ilə tanınır.

Həyatı Rentgen Almaniyanın Remşeyd şəhərinin Lennep kəndində doğulmuşdur. Uşaqlığı və ilk təhsil illəri Hollandiyaİsveçrədə keçmişdir. 1865-ci ildə daxil olduğu Sürix Politexnikdə universitet təhsili görmüş və 1868-ci ildə "maşın mühəndisi" olaraq məzun olmuşdur. 1869-cu ildə Sürix Universitetinin doktoranturasını almışdır. Ali təhsil aldıqdan sonra elmi işlərinə görə Strasburq (1876), Qisensk (1879), Vürtsburq (1888) və Münhen universitetlərinin professoru adlarına yiyələnmişdir. 1900-cu ildə Münhen universiteti Fizika kürsüsünə və yeni Fizika İnstitutunun rəhbərliyinə gətirilmişdir. Arvadının ölümündən dörd il sonra, yəni 1923-cü ildə Birinci dünya müharibəsinin yaratdığı yüksək inflyasiya iqtisadiyyatı mühitində maddi çətinliklər içərisində Münhendə həyatını itirmişdir.

Elmi işləri Tədqiqatları pyezoelektrik və piroelektrik xassələrinə, onlarda elektrik və optik hadisələr arasındakı əlaqəyə və maqnetizmə aiddir. X-şüalarını (röntgen şüaları) kəşf etmiş, ilk rentgen borusunu yaratmışdır. Röntgen şüalarının kəşfi elmin bütün sahələrinə güclü təsir etmişdir. Röntgen və qamma şüalanmaları vahidi rentgen onun şərəfinə aid edilmişdir.



İstinadlar[redaktə]