Xatun Əliyeva

Xatun Əliyeva
Ümumi məlumatlar
Ləqəbi	Xatun
Doğum tarixi	28 noyabr 1977(1977-11-28) (46 yaş)
Doğum yeri	Bakı, Azərbaycan SSR, SSRİ
Vətəndaşlığı	Azərbaycan
Musiqiçi məlumatları
Fəaliyyəti	müğənni, aktrisa
Janr	pop musiqisi
Vikianbarda əlaqəli mediafayllar

Xatun kimi tanınan Nərgiz Aydın qızı Əliyeva (28 noyabr 1977, Bakı şəhəri) — azərbaycanlı estrada müğənnisi.

Həyatı

Nərgiz Əliyeva 1977-ci il oktyabrın 28-də Bakı şəhərində anadan olub. 2002-ci ildə Tibb Kollecini bitirib. Buna baxmayaraq, o, tibb bacısı yox, müğənni olmaq istəyib. Vaxt keçdikcə, Xatun təxəllüsünü seçmiş Əliyeva bu sənəti dərindən öyrənməyə başlayıb. İlk olaraq, Konservatoriyada Ofeliya xanımdan vokal dərsləri alır, musiqi sahəsində bilgilərini artırır, tanınmış müğənnilərlə el şənliklərinə gedir.

Yaradıcılığı

Peşəkar səhnəyə gəlməsində isə prodüser Rəhman Əliyevin rolu olur. Onunla iş birliyi qurur. 12 mahnıdan ibarət albom yazdıraraq, səhnəyə qədəmlərini qoyur. İlk vaxtlarda iki klip çəkdirsə də, ilk klipinə qadağa qoyulur. Əlavə edək ki, müğənninin ilk klipini rejissor Aqil M. Quliyev çəkib. İkinci klipi isə Rəhman Əliyev tərəfindən çəkilir. "Qayıt gülüm"adlı mahnıya çəkilən klip 2007-ci ildə efirlərdə nümayiş olunmağa başlayır. Müğənninin mahnıları artıq radio dalğalarında səslənir, ard-arda yeni mahnılar üzərində işləyir. Xatunun "Səndən ötrü"klipi hit olur. Klip 2007-ci ildə tamaşaçılara təqdim olunur. Zaman keçdikcə, müğənni maqazin verilişlərində, efirlərdə tez-tez görünür. "Qara nöqtə"adlı klipi işıq üzü görür. 2008-ci ildə "Limitin bitdi" albomunu çıxarır. Albomda 15 mahnı yer alır. Bir-birinin ardınca, "Tənhayam", "Çıxma qarşıma", "Xanım Xatun" , "Sən gəlmədin" , "Aramadın" mahnıları məşhurluq qazanır. "Qaynana" mahnısı isə müğənnini daha da populyar edir. Xatun eyni zamanda ölkədən kənar Rusiyada, Türkiyədə, İsveçrədə baş tutan konsertlərdə çıxışlar edir. Onu digər müğənnilərdən fərqləndirən cəhət parodiya qabiliyyətinin olmasıdır. Bu parodiyalar həmkarları arasında bəzi narazılıqlar yaratsa da, ona tamaşaçı sevgisi qazandırır. Müğənninin bu bacarığını görən rejissorlar onu aparıcı olaraq, efirə dəvət edirlər. ATV kanalında Xatunun təqdimatında "Zarafat-Zarafat" adlı axşam şousu yayımlanır. 2017-ci ildə müğənninin səhnəyə gəlişinin 10 illiyi tamam olacaq. Müğənniliklə yanaşı, aktrisalığı da bacaran Xatun bir neçə serialda rol alıb. Müğənniyə filmlərə çəkilmək üçün təkliflər gəlir.

Diskoqrafiyası

Albomları

• Limitin Bitdi

Sinqlları

• Qaynana
• Qaynata
• Quzu
• Eşq Qadını
• Popurri
• İntiqam
• Nəzər Dəyməsin
• Axtarmadım

Klipləri

• Səndən Ötrü
• Aramadım
• Sən Gəlmədin

Xarici keçidlər

• Xatun | Instagram
• Xatun | Facebook
• Xatun | YouTube