Yedigöllər Milli Parkı
| Yedigöllər Milli Parkı | |
|---|---|
 | |
| Yaradılma tarixi | 1965 |
| Yerləşməsi | |
| 40°56′27″ şm. e. 31°45′23″ ş. u. | |
| Ölkə | |
| Yerləşməsi | Bolu ili |
| Yaxın şəhər | İstanbul |
| yedigoller.tabiat.gov.tr | |
|
|
|
 Vikianbarda əlaqəli mediafayllar | |
Yedigöllər Milli Park (türk. Yedigöller, "yeddi göl") ― Türkiyənin Bolu ilinin şimalında 1965-ci ildə yaradılmış milli park.[2][3] Park əsasən torpaq sürüşmələri nəticəsində əmələ gəlmiş yeddi göl və zənfin florası ilə tanınır.[4]
Coğrafiya[redaktə | mənbəni redaktə et]
Park Bolu ilinin şimalındakı Məngən ilçəsində və qərbi Qara dəniz bölgəsindəki Zonquldakın cənubunda, dəniz səviyyəsindən 900 metr (3,000 ft) yüksəklikdə yerləşir.1965-ci ildə yaradılmış park 1 623 hektar ərazini əhatə edir.[2][4] Parkda sürüşmə nəticəsində yaranan yeddi göl var.[5] Bunlar Büyükgöl, Dəringöl, Səringöl, Nazlıgöl, Sazlıgöl, İncəgöl və Küçükgöl gölləridir.[2] Parkda bir neçə axın var və bunlardan bəzilərinin üzərində əllə düzəldilmiş körpülər və kiçik şəlalə var.[2][6]
Park İstanbul və Ankara arasında yerləşir. Parka giriş Ankara - İstanbul magistral yolundan 152 kilometr (94 mil) məsafədəki Yenicağa yolu ilə mümükündür. Qışda alternativ yol olaraq yalnız Yenicağa-Məngən-Yazicik yolu istifadə edilə bilər. Ərazidə Kapankaya dağ zirvəsi yerləşir və parkın mənzərəli gözəlliyini görmək üçün əlverişli yer təmin edir. Zirvəyə bütün il boyu qalxmaq mümkündür.[2]
Milli parkda isti su qaynaqları mövcuddur və buradakı xizək mərkəzləri Türkiyədə yaxşı tanınır.[2]
Parkdakı çayların su keyfiyyəti I və II sinif olaraq qeyd edilmişdir.[7]
Flora[redaktə | mənbəni redaktə et]
Parkın bitki örtüyü fıstıq, palıd, vələs, ağ şam, qarağac, meşə fındığı, küknar, qızılağac, cökə, Avstriya şamı və şotland şamından ibarətdir.[2][3][6]
Fauna[redaktə | mənbəni redaktə et]
Yedigöllər Milli Parkındakı faunaya nəcib maral, cüyür, çöldonuzu, qonur ayı, canavar, tülkü, vaşaq, meşə pişiyi, susamuru və dələ daxil olsa da, vəhşi həyat bununla məhdudlaşmır. Parkda zamanla inkişaf etmiş daha yaxşı qoruma şərtləri nəticəsində heyvanların sayı artmışdır. Yedigöllər Milli Parkında marallar üçün müstəsna olaraq qorunan sahə var. Parkda həmçinin alabalıq ferması da yaradılmışdır.[2][6] Ərazidə Ephemeroptera həşərat cinsinə aid yeni növlər: Ecdyonurus starmachi, Paraleptophlebia cincta, Caenis martae və Baetis lapponicus müəyyən edilmişdir.[8]
İstinadlar[redaktə | mənbəni redaktə et]
- ↑ 1 2 GEOnet Names Server. 2018.
- ↑ 1 2 3 4 5 6 7 8 "Yedigoller (Seven Lakes) National Park". National Parks of Turkey. 2015-09-15 tarixində arxivləşdirilib. İstifadə tarixi: 22 noyabr 2015.
- ↑ 1 2 "Turkey". Green Spots. WWF Panda Organization. 2015-10-21 tarixində arxivləşdirilib. İstifadə tarixi: 22 noyabr 2015.
- ↑ 1 2 Centre, Areas, 1990. səh. 173
- ↑ "Bolu – Yedigöller National Park". Türkiyə Respublikası Mədəniyyət və Turizm Nazirliyi. 2005. 2015-11-22 tarixində arxivləşdirilib. İstifadə tarixi: 26 dekabr 2015.
- ↑ 1 2 3 "National Parks". Türkiyə höküməti. 2015-11-22 tarixində arxivləşdirilib. İstifadə tarixi: 22 noyabr 2015.
- ↑ "Research on Ephemeroptera (Insecta) Fauna of Yedigöller National Park (Bolu, Turkey): water quality and reference habitat indicators". İstifadə tarixi: 22 noyabr 2015.
- ↑ "Research on Ephemeroptera (Insecta) Fauna of Yedigöller National Park (Bolu, Turkey): water quality and reference habitat indicators". İstifadə tarixi: 22 noyabr 2015.
Ədəbiyyat[redaktə | mənbəni redaktə et]
- Centre, World Conservation Monitoring; Areas, IUCN Commission on National Parks and Protected. 1990 United Nations List of National Parks and Protected Areas. IUCN. 1990. ISBN 978-2-8317-0032-8.
