Mikayıl Abdullayev

Vikipediya, azad ensiklopediya
158.181.41.56 (müzakirə) tərəfindən edilmiş 11:44, 2 fevral 2019 tarixli redaktə
Naviqasiyaya keç Axtarışa keç
Mikayıl Abdullayev
Doğum tarixi
19 dekabr 1921(1921-12-19)
Doğum yeri Bakı, Azərbaycan SSR
Vəfat tarixi 21 avqust 2002(2002-08-21)[1] (80 yaşında)
Vəfat yeri
Dəfn yeri
Vətəndaşlığı SSRİ SSRİ→
Azərbaycan Azərbaycan
Fəaliyyəti rəssam, qrafika ustası[d]
Təhsili
  • Moskva Dövlət Rəssamlıq İnstitutu[d]
Janrlar Qrafika, rəssamlıq
Stil qrafika
Mükafatları "SSRİ xalq rəssamı" fəxri adı — 1963 Azərbaycan SSR Dövlət mükafatı — 1974 Şablon:Beynəlxalq Nehru mükafatı
"Xalqlar dostluğu" ordeni — 1981 "Lenin" ordeni — 1959 "Oktyabr inqilabı" ordeni — 1972 "İstiqlal" ordeni — 1997
Vikianbarın loqosu Vikianbarda əlaqəli mediafayllar

Mikayıl Hüseyn oğlu Abdullayev (19 dekabr 1921[2], Bakı[2] – 21 avqust 2002[1], Bakı) — Azərbaycanlı boyakar, qrafik və teatr rəssamı, professor, SSRİ xalq rəssamı (1963), SSRİ Rəssamlıq Akademiyasının müxbir üzvü (1958), Azərbaycan SSR əməkdar incəsənət xadimi (1955), Azərbaycan SSR Ali Sovetinin (V–IX) deputatı.

Həyatı

Mikayıl Abdullayev 19 dekabr 1921-ci ildə Bakıda doğulmuşdur. 1939-cu ildə Əzim Əzimzadə adına Bakı Rəssamlıq Məktəbini, 1949-cu ildə Surikov adına Moskva Dövlət Rəssamlıq məktəbini bitirmiş, S. Gerasimovun emalatxanasında rəssamlıq sənətinin incəliklərini öyrənmişdir.

Əsərləri dünyanın bir sıra muzeylərində saxlanılır. Onun Dehlidə, Londonda, Monrealda, Moskvada və dünyanın bir sıra başqa şəhərlərində fərdi sərgiləri keçirilmişdir.[3] Bir neçə dəfə Azərbaycan SSR Ali Sovetinin (5–9-cu çağırış) deputatı seçilmişdir. Lenin ordeni və Oktyabr İnqilabı ordeni ilə təltif edilmişdir[4].

Mikayıl Abdullayev 2002-ci il avqustun 21-də 81 yaşında vəfat etmişdir.

Rəssamlıq fəaliyyəti

Mikayıl Abdullayevin yaradıcılığı üçün daxili həyəcan, obrazların pisixologiyasının poetik ümumiləşdirilməsi xarakterikdir. Onun əsərləri koloritin zənginliyi ilə cəlbedicidir. Bu xüsusiyyətlər onun "Mingəçevir işıqları", "Xaçmaz qızları", "Astarada çay yığımı", "Azərbaycan çöllərində" triptixində, "Çəltik əkən qızlar" əsərində daha aydın görünür. Milli ənənələrin, kənd yerində yaşayan insanların əməyi, məişəti, tipik mənəvi çalarların üzvi şəkildə müasirliklə vəhdətdə verilməsi Mikayıl Abdullayev yaradıcılığına xas xüsusiyyətdir. "Qırx birin iyunu" triptixinin mərkəzi hissəsi xüsusilə diqqəti cəlb edir. 1941- 45-ci illərdə kənd əməkçilərinin payına düşən, ağır, narahat, keşməkeşli həyatını əks etdirən əsər canlı povestdir. "Çəltikçi qızlar" monumental lövhəsi XX əsrin qadınının zəngin mənəvi cizgilərini parlaq boyalarla əks etdirir. Bu, rəssamın ən sevimli mövzusudur. İşlədiyi bir sıra tablolarda müasir qadın obrazı əks olunmuşdur. "Qarabağlı qızlar", "Lənkəranlı kolxozçu qadın", "Abşeronlu qadın", "Ananın gəncliyi" kimi əsərləri bu qəbildəndir. Xalq şairi Səməd Vurğun, yüz yaşlı naxışçı usta Babayev, şair, mütəfəkkir Nəsimi və başqa portretlər qalereyası, Abşeron peyzajları, natürmortlar, Əfqanıstan və başqa ölkələrə həsr etdiyi əsərlər Mikayıl Abdullayev yaradıcılıq diapazonunun genişliyinə şəhadət verir.

Mükafatları

Filmoqrafiya

  1. Bizim Azərbaycan (film, 1959)
  2. Mikayıl Abdullayev (film, 1972)
  3. Günəşlə dolu dünya (film, 1973)
  4. Qələbənin yolları (film, 1976)
  5. Salam, Zeynəb! (film, 1982)
  6. Şeirin xəzrisi (film, 2000)
  7. Mətbuat fədaisi (film, 2007)
  8. Rənglə yazılmış tarix (film, 2012)

Qalereya

Kitabi Dədə Qorqud dastanı mövzusunda çəkilmiş rəsmləri

İstinadlar

  1. ↑ 1 2 АБДУЛЛАЕВ МИХАИЛ (МИКАЭЛ) ГУСЕЙН ОГЛЫ (1921-2002) // https://www.rah.ru/the_academy_today/the_members_of_the_academie/member.php?ID=53485.
  2. ↑ 1 2 Абдуллаев Микаил Гусейн оглы // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969. Т. 1 : А — Ангоб. С. 16–17.
  3. ↑ Lider TV. "Mikayıl Abdullayevin doğum günüdür" (az.). Youtube.com. 19.12.2016. İstifadə tarixi: 2016-12-21.
  4. ↑ ABDULLAYEV MİKAYIL HÜSEYN OĞLU
  5. ↑ Ədəbiyyat, incəsənət və arxitektura sahəsində 1974-cü il Azərbaycan SSR Dövlət mükafatlarının verilməsi haqqında Azərbaycan KP MK-nın və Azərbaycan SSR Nazirlər Sovetinin 1974-cü il tarixli Qərarı — anl.az saytı

Xarici keçidlər

Mənbə — "https://az.wikipedia.org/w/index.php?title=Mikayıl_Abdullayev&oldid=4595900"