Nazim Hacıbəyov
Nazim Hacıbəyov | |
---|---|
Şəxsi məlumatlar | |
Doğum tarixi | 8 fevral 1928 |
Doğum yeri | |
Vəfat tarixi | 23 mart 2020 (92 yaşında) |
Vəfat yeri | |
Vətəndaşlığı | |
Anası | Cahan Talışinskaya |
İşləri və nailiyyətləri | |
Əsas tikililəri | Gülüstan sarayı |
Mükafatları |
|
Nazim Məmməd oğlu Hacıbəyov (d. 8 fevral 1928, Bakı – 23 mart 2020, Bakı) — Azərbaycan SSR əməkdar memarı (1979), Azərbaycan SSR dövlət mükafatı laureatı (1982).
Həyatı
Nazim Məmməd oğlu Hacıbəyov 1928-ci il fevral ayının 8-də Bakıda anadan olmuşdur.
1951-ci ildə Daşkənddə Orta Asiya Politexnik İnstitutunu (Daşkənd Politexnik İnstitutu) bitirmişdir. 1950-1960-cı illərdə Özbəkistan SSR-də işləmiş, onun layihəsi ilə Daşkənddə "Cağatay" istirahət evi, Fərqanədə "Fərqanə" mehmanxanası, Kislovodskda "Özbəkistan" sanatoriyası və s. binalar tikilmişdir.[1]
XX əsrin 60-cı illərinin axırlarından Bakıda işləmişdir. 1970-1983-cü illərdə Bakı şəhərinin planlaşdırılması və Mülki-Mənzil Tikintilərinin Layihə İnstitutunun ("Bakıdövlətlayihə") direktoru, 1983-cü ildən Azərbaycan Memarlar İttifaqı İdarə Heyəti sədrinin birinci müavini olmuşdur. Əhmədli yaşayış massivinin tikintisi (müştərək layihə;1970-1972), Bakıda "Gülüstan" sarayı kompleksi (müştərək layihə; 1980) əsas işlərindəndir.[1]
1979-cu ildə Azərbaycanın əməkdar memarı adına layiq görülmüşdür. 1982-ci ildə "Gülüstan" sarayının layihəsinə görə o, Azərbaycan Dövlət mükafatı[2], 2000-ci ildə Azərbaycan memarlığının inkişafındakı xidmətlərinə görə "Şöhrət" ordeni ilə təltif edilmişdir. 2003-cü ildən Azərbaycan Respublikası Prezidentinin fərdi təqaüdçüsüdür.
Nazim Hacıbəyov 1956-cı ildən Azərbaycan Memarlar İttifaqının üzvüdür.[2]
Atası Məmməd Hacıbəyov, anası isə Cahan Talışinskayadır.
Həmçinin bax
İstinadlar
- ↑ 1 2 Nazim Məmməd oğlu Hacıbəyov [Mətn] //Azərbaycan Sovet Ensiklopediyası:10 cilddə.-Bakı, 1987.-C.X.S.147.
- ↑ 1 2 Nazim Hacıbəyovun 90 illiyi
- 8 fevralda doğulanlar
- 1928-ci ildə doğulanlar
- Bakıda doğulanlar
- 23 martda vəfat edənlər
- 2020-ci ildə vəfat edənlər
- 92 yaşında vəfat edənlər
- Uzunömürlülər
- Bakıda vəfat edənlər
- Azərbaycan SSR əməkdar arxitektorları
- Azərbaycan SSR Dövlət mükafatı laureatları
- "Şöhrət" ordeni ilə təltif edilənlər
- Əlifba sırasına görə memarlar
- Talışxanovlar
- Azərbaycan memarları
- Azərbaycanlı memarlar
- Azərbaycan uzunömürlüləri
- Azərbaycanlı uzunömürlülər